ടാറ്റാ മോട്ടോഴ്‍സ് ഏറ്റവും ചെറിയ എസ്‌യുവി പഞ്ചിന്റെ സിഎൻജി പതിപ്പ്‌ ഉടൻ പുറത്തിറക്കും

ടാറ്റാ മോട്ടോഴ്‍സ് അതിന്റെ ഏറ്റവും ചെറിയ എസ്‌യുവി പഞ്ചിന്റെ സിഎൻജി പതിപ്പ്‌ ഉടൻ പുറത്തിറക്കും. നിലവിൽ ഇന്ത്യയിൽ വിൽക്കുന്ന പ്രീമിയം ഹാച്ച്ബാക്കിന്റെ സ്റ്റാൻഡേർഡ് പതിപ്പുമായി താരതമ്യപ്പെടുത്തുമ്പോൾ ടാറ്റ അള്‍ട്രോസ് സിഎൻജി വ്യത്യസ്‍തമല്ല. ആൾട്രോസ് iCNG മോഡൽ അതിന്റെ സ്റ്റാൻഡേർഡ് അവതാറിൽ വാഗ്‍ദാനം ചെയ്യുന്ന എല്ലാ ഫീച്ചറുകളോടും കൂടിയ മികച്ച വേരിയന്റുകളിൽ ലഭ്യമാകും. കാറിന്റെ ഐസിഇ പതിപ്പുകളെ വേർതിരിക്കാൻ ഐസിഎൻജി ബാഡ്‌ജിംഗാണ് ശ്രദ്ധേയമായ മാറ്റം.

മറ്റ് ടാറ്റ സിഎൻജി കാറുകളും അള്‍ട്രോസ് ​​iCNG തമ്മിലുള്ള ഏറ്റവും വലിയ വ്യത്യാസം, ബൂട്ട് സ്പേസിൽ കൂടുതൽ ലഗേജുകൾക്ക് ഇടം നൽകുന്നതിനായി കാർ നിർമ്മാതാവ് സിഎൻജി കിറ്റിന്റെ സ്ഥാനം എങ്ങനെ പുനർനിർമ്മിച്ചു എന്നതായിരിക്കും. രണ്ട് ചെറിയ സിഎൻജി ടാങ്കുകൾ സ്ഥാപിക്കുന്നതിനായി ടാറ്റ മോട്ടോഴ്‍സ് സ്പെയർ വീൽ നീക്കം ചെയ്തു. ആൾട്രോസ് iCNG ടാറ്റയുടെ പുതിയ ഇരട്ട സിലിണ്ടർ CNG സാങ്കേതികവിദ്യ അവതരിപ്പിക്കും, അത് പിന്നിൽ ലഗേജ് ഇടാൻ കൂടുതൽ ഇടം അനുവദിക്കുന്നു.

പഞ്ച് എസ്‌യുവിയുടെ വരാനിരിക്കുന്ന സിഎൻജി പതിപ്പിലും ഇതേ സാങ്കേതികവിദ്യ ഉപയോഗിക്കുന്നു . സിഎൻജി കിറ്റ് താഴെയും പരന്ന പ്രതലത്തിലും സ്ഥാപിച്ചിരിക്കുന്നു. മുമ്പത്തെ സിഎൻജി മോഡലുകളായ ടിയാഗോ , ടിഗോർ എന്നിവയിൽ പരമ്പരാഗത സിഎൻജി സിലിണ്ടറുകൾ ബൂട്ട് സ്‌പെയ്‌സിനുള്ളിൽ ഘടിപ്പിച്ചിട്ടുണ്ട്. അത് ലഗേജ് കമ്പാർട്ട്‌മെന്റിലേക്ക് കയറുന്നു.

ടിയാഗോ, ടിഗോർ സിഎൻജി പതിപ്പുകൾക്ക് കരുത്തേകുന്ന 1.2 ലിറ്റർ നാച്ചുറലി ആസ്പിറേറ്റഡ് പെട്രോൾ എഞ്ചിനോടുകൂടിയാണ് ടാറ്റ ആൾട്രോസ് സിഎൻജി വാഗ്ദാനം ചെയ്യുന്നത്. മാനുവൽ ഗിയർബോക്‌സുമായി ഘടിപ്പിച്ചിരിക്കുന്ന എഞ്ചിന് iCNG മോഡിൽ 73 bhp കരുത്തും 95 Nm ടോര്‍ക്കും ഉത്പാദിപ്പിക്കാൻ കഴിയും. സിഎൻജി കിറ്റ് ഇല്ലാത്ത എഞ്ചിന് 84.82 bhp കരുത്തും 113 Nm ടോര്‍ക്കും സൃഷ്‍ടിക്കാൻ കഴിയും. ടാറ്റ അള്‍ട്രോസ് സിഎൻജിയുടെ വില ഹാച്ച്ബാക്കിന്റെ സ്റ്റാൻഡേർഡ് വേരിയന്റിനേക്കാൾ ഏകദേശം 75,000 രൂപയായിരിക്കും.