അമ്പതിനായിരം രൂപയ്ക്ക് ഒരു ഇലക്ട്രിക് സ്കൂട്ടർ

അമ്പതിനായിരം രൂപയ്ക്ക് ഒരു ഇലക്ട്രിക് സ്കൂട്ടർ  ലഭിക്കുമെന്ന് നിങ്ങൾ കരുതുന്നുണ്ടോ? എങ്കിൽ അത്തരത്തിൽ ഒരു സ്കൂട്ടർ ഉണ്ട്. ഒറ്റ ചാർജിൽ 60 കി.മീ മുതൽ 100 ​​കി.മീ വരെ റേഞ്ച് എന്ന ഓപ്‌ഷനോടുകൂടി വരുന്ന ഈ സ്കൂട്ടർ അവതിരിപ്പിച്ചിരിക്കുന്നത് ഇവി സ്റ്റാർട്ടപ്പ് കമ്പനിയായ ഗ്രെറ്റ ഇലക്ട്രിക് സ്കൂട്ടർ ആണ്. ഹാർപ്പർ ZX സീരീസ്-1 ( Greta Harper ZX Series-I electric scooters)എന്നാണ് ഈ സ്കൂട്ടറിൻ്റെ പേര്.

ഉപഭോക്താക്കൾക്ക് അവരുടെ ആവശ്യം അനുസരിച്ച് ബാറ്ററി പാക്കും ചാർജറും തിരഞ്ഞെടുക്കാം എന്നതാണ് ഇതിന്റെ പ്രത്യേകത. ഈ സ്കൂട്ടറിൻ്റെ അടിസ്ഥാന വില 41,999 രൂപയാണ്. എന്നാൽ ഉപയോക്താക്കൾക്ക് ഫാസ്റ്റ് ചാർജിംഗിനായുള്ള ബാറ്ററി പാക്കും ചാർജറും തിരഞ്ഞെടുക്കാനുള്ള ഓപ്ഷനുണ്ട്. ഇതിനായി 4 ഓപ്ഷനുകളാണ് കമ്പനി നൽകിയിരിക്കുന്നത്. 17,000 രൂപ മുതൽ 31,000 രൂപ വരെയാണ് ബാറ്ററി പാക്കുകളുടെയും ചാർജറിന്റെയും വില. ഇതിന് സബ്‌സിഡിയും ലഭിക്കും. കമ്പനി നിലവിൽ 2,000 രൂപയുടെ ആമുഖ ഓഫർ വാഗ്ദാനം ചെയ്യുന്നതിനാൽ അതിന്റെ അടിസ്ഥാന വില 39,999 രൂപ ആയിരിക്കും.

ഒറ്റ ചാർജിൽ 100 ​​കിലോമീറ്റർ റേഞ്ച് ലഭിക്കും. ഇതിനായി സ്കൂട്ടറിനൊപ്പം V3 + 60V-30Ah ബാറ്ററി പാക്ക് തെരഞ്ഞെടുക്കേണ്ടതുണ്ട്. ഫുൾ ചാർജ് ചെയ്യാൻ വെറും 5 മണിക്കൂർ മതി. അതേസമയം 3 മണിക്കൂറിനുള്ളിൽ ഇത് 80% വരെ ചാർജ് ആകും.

ക്രൂയിസ് കൺട്രോൾ, വയർലെസ് കൺട്രോളർ, ഹൈവേ ഉയരം, സൈഡ് ഇൻഡിക്കേറ്റർ ബസർ, എൽഇഡി മീറ്റർ, ട്രിപ്പ് റീസെറ്റ്, ഡിആർഎൽ ലൈറ്റ്, ഇലക്ട്രോണിക് ബ്രേക്കിംഗ് സിസ്റ്റം, ആന്റി തെഫ്റ്റ് അലാറം തുടങ്ങിയ ഫീച്ചറുകൾ ഈ സ്കൂട്ടറിന് ഉണ്ട് . ഇത് മാത്രമല്ല, 3 ഡ്രൈവ് മോഡുകൾ, ഗ്ലൗ ബോക്സ്, മൈ വെഹിക്കിൾ അലാറം, ചൈൽഡ് ലോക്ക് തുടങ്ങിയ ഫീച്ചറുകളും ഈ സ്കൂട്ടറിൽ ലഭ്യമാണ്.