ബഹ്‌റൈൻ - കേരള നേറ്റീവ് ബോൾ ഫെഡറേഷന്‍ നടത്തുന്ന നാടന്‍ പന്ത് കളി മത്സരം നാളെ

മനാമ : ബഹ്‌റൈൻ - കേരള നേറ്റീവ് ബോൾ ഫെഡറേഷന്റെ ആഭിമുഖ്യത്തിൽ നടത്തുന്ന രണ്ടാമത് ഫെഡറേഷൻ കപ്പ് നാടൻ പന്ത് കളി മത്സരം നാളെ (ഒക്ടോബര്‍ ഏഴ്) നടക്കും.

കെ.ഇ. ഈശോ (ജോയ്) ഈരേച്ചേരിൽ ഏവർ റോളിംഗ് ട്രോഫി, കരിമ്പനത്തറ ഏബ്രഹാം കോറപ്പിസ്ക്കോപ്പ മെമ്മോറിയൽ ഏവർ റോളിംഗ് ട്രോഫി, എം.സി. കുരുവിള മണ്ണൂർ മെമ്മോറിയൽ ഏവർ റോളിംഗ് ട്രോഫി, ബെസ്റ്റ് ബേക്കേഴ്സ് പുതുപ്പള്ളി സ്പോൺസർ ചെയ്യുന്ന ട്രോഫി, ഒഐസിസി നാഷണൽ കമ്മറ്റി ബഹ്‌റൈൻ സ്പോൺസർ ചെയ്യുന്ന ക്യാഷ് അവാര്‍ഡ്‌, മാത്യു വർക്കി അക്കരക്കുന്നേൽ സ്പോൺസർ ചെയ്യുന്ന ക്യാഷ് അവാര്‍ഡ്‌ എന്നിവയ്ക്ക് വേണ്ടിയാണ് മത്സരം സംഘടിപ്പിക്കുന്നത്.

സിഞ്ച് അൽ അഹലി ക്ലബ് മൈതാനിയിൽ ഉച്ചകഴിഞ്ഞ് 2.30-ന് മത്സരം ആരംഭിക്കും. വെള്ളിയാഴ്ച്ച ഉച്ചകഴിഞ്ഞ് 2.30-ന് ആരംഭിക്കുന്ന ആദ്യ മത്സരത്തിൽ മണർകാട് ടീം വേണ്ടന്മേട് ടീമിനേയും, 3.30-ന് രണ്ടാം മത്സരത്തിൽ ചമ്പക്കര ടീം പാമ്പാടി ടീമിനേയും നേരിടും.