സ്റ്റാർ വിഷന്റെ സഹകരണത്തോടെ നടത്തിയ ഇന്ത്യൻ സ്കൂൾ മെഗാ ഫെയർ 2022 എൻട്രി കൂപ്പണുകളുടെ നറുക്കെടുപ്പു ഫലങ്ങൾ

മനാമ: സ്റ്റാർ വിഷന്റെ സഹകരണത്തോടെ നടത്തിയ ഇന്ത്യൻ സ്കൂൾ മെഗാ ഫെയർ 2022 പരിപാടി നവംബർ 23, 24, 25 തീയതികളിൽ സ്‌കൂളിന്റെ ഇസ ടൗൺ കാമ്പസിൽ വിജയകരമായി നടന്നു. എൻട്രി കൂപ്പണുകളുടെ നറുക്കെടുപ്പ് ഞായറാഴ്ച (നവം.27) സ്കൂൾ കാമ്പസിൽ നടന്നു. വ്യവസായ വാണിജ്യ മന്ത്രാലയ ഉദ്യോഗസ്ഥ മിസ്. മറിയം (കൺസ്യൂമർ പ്രൊട്ടക്ഷൻ സ്പെഷ്യലിസ്റ്റ്, MOIC), സേതുരാജ് കടക്കൽ (ചെയർമാൻ, സ്റ്റാർ വിഷൻ WLL) എന്നിവരുടെ മേൽനോട്ടത്തിലാണ് നറുക്കെടുപ്പ് നടന്നത്.

ഇന്ത്യൻ സ്‌കൂൾ ചെയർമാൻ പ്രിൻസ് എസ് നടരാജൻ, സെക്രട്ടറി സജി ആന്റണി, എക്സിക്യൂട്ടീവ് കമ്മിറ്റി അംഗം മുഹമ്മദ് നയാസ് ഉല്ല, പ്രിൻസിപ്പൽ വി ആർ പളനിസ്വാമി, സ്റ്റാഫ് പ്രതിനിധി ജോൺസൺ കെ ദേവസ്സി, സയാനി മോട്ടോഴ്‌സ് ജനറൽ മാനേജർ മുഹമ്മദ് സാക്കി, സംഘാടക സമിതി ജനറൽ കൺവീനർ ഷാനവാസ് പി കെ, ജനറൽ കോ-ഓർഡിനേറ്റർ വിപിൻ, പി.എം. എന്നിവരും വൈസ് പ്രിൻസിപ്പൽമാരും മറ്റ് ഫെയർ കമ്മിറ്റി ഭാരവാഹികളും പങ്കെടുത്തു. സയാനി മോട്ടോഴ്സ് അവതരിപ്പിക്കുന്ന മെഗാ ഫെയർ ആൻഡ് ഫുഡ് ഫെസ്റ്റിവൽ 2022 ന്റെ ഇവന്റ് പാർട്ണറാണ് സ്റ്റാർ വിഷൻ. വിജയികളും സമ്മാനങ്ങളും താഴെ കൊടുക്കുന്നു.

1. മർവ മൻസൂർ (ടിക്കറ്റ് നമ്പർ 086007)-മിത്സുബിഷി എ.എസ്.എക്‌സ്‌ കാർ
2. ഫാത്തിമത്തുൽ ഷഹർബാനു (ടിക്കറ്റ് നമ്പർ 109006)-എം.ജി 5- കാർ
3. ബൻവാരിലാൽ (ടിക്കറ്റ് നമ്പർ 001327) -ഫ്രിഡ്ജ്
4. അഷ്‌റഫ് കെ.പി മുഹമ്മദ് (ടിക്കറ്റ് നമ്പർ 143849)- എൽഇഡി ടെലിവിഷൻ
5. ജയമോൾ (ടിക്കറ്റ് നമ്പർ 036642)-വാഷിംഗ് മെഷീൻ
6. ജോസഫ് വി കുര്യൻ (ടിക്കറ്റ് നമ്പർ 015571)-നിക്കോൺ ക്യാമറ
7. യൂസഫ് (ടിക്കറ്റ് നമ്പർ 060387) - മൈക്രോവേവ് ഓവൻ
8. ഉനൈസ് ടി- (ടിക്കറ്റ് നമ്പർ 110063) വാക്വം ക്ലീനർ
9. വിഘ്നേഷ് ജീവൻ (ടിക്കറ്റ് നമ്പർ 138437)-നിയോ ഗ്ലൂക്കോമീറ്റർ
10. ഐറിൻ മറിയം സെലിമോൻ (ടിക്കറ്റ് നമ്പർ 003711) -കാമിനോമോട്ടോ ഹെയർ കെയർ ഗിഫ്റ്റ് പായ്ക്ക് ജപ്പാൻ