മകനെ സ്‌കൂള്‍ ബസ് കയറ്റി വിടാന്‍ സ്‌റ്റോപ്പിലെത്തിയ മലയാളി ബഹ്‌റൈനില്‍ കുഴഞ്ഞുവീണ് മരിച്ചു

മനാമ: ബഹ്‌റൈനില്‍ മലയാളി കുഴഞ്ഞുവീണ് മരിച്ചു. തൃശൂര്‍ കുന്നംകുളം സ്വദേശി സത്യനാഥന്‍ ഗോപി (50) ആണ് മരിച്ചത്. മൂന്നാം ക്ലാസ് വിദ്യാര്‍ത്ഥിയായ മകന്‍ ശ്രീനാഥിനെ സ്‌കൂള്‍ ബസ് കയറ്റിവിടാന്‍ ബസ് സ്റ്റോപ്പില്‍ എത്തിയപ്പോഴാണ് സത്യനാഥന്‍ കുഴഞ്ഞുവീണത്.

അല്‍ മന്നായ് കമ്പനിയിലെ ജീവനക്കാരനായിരുന്നു. ഭാര്യ: സുധ (ഫോഗ് പ്രിന്റിങ് സര്‍വീസസ് ജീവനക്കാരി). . പരേതരായ ഗോപി, ശ്രീമതി എന്നിവരാണ് സത്യനാഥന്റെ മാതാപിതാക്കൾ.