/sathyam/media/post_attachments/FYr6c0PqK3hIBUz2Qznu.jpg "publive-image")
കൊച്ചി: ഫെഡറല്‍ ബാങ്ക്, നാഷണല്‍ പേമെന്‍റ് കോര്‍പ്പറേഷന്‍ ഓഫ് ഇന്ത്യ (എന്‍പിസിഐ) യുമായി ചേര്‍ന്ന് 'ഫെഡറല്‍ ബാങ്ക് റുപേ സിഗ്നറ്റ് കോണ്‍ടാക്റ്റ്ലെസ് ക്രെഡിറ്റ് കാര്‍ഡ്' പുറത്തിറക്കി. പ്രതിവര്‍ഷം 5.88 ശതമാനം ആരംഭിക്കുന്ന വാര്‍ഷിക പലിശയാണ് ഈ കാര്‍ഡിന്‍റെ പ്രധാന ആകര്‍ഷണീയതകളിലൊന്ന്.
യാത്ര, ഭക്ഷണം, ഷോപ്പിംഗ്, സ്പോര്‍ട്സ്, വിനോദം, ജീവിതശൈലി തുടങ്ങിയ വിവിധ വിഭാഗങ്ങളില്‍ വൈവിധ്യമാര്‍ന്ന സൗജന്യങ്ങള്‍ ഫെഡറല്‍ ബാങ്ക് റുപേ സിഗ്നെറ്റ് ക്രെഡിറ്റ് കാര്‍ഡ് ഉടമകള്‍ക്ക് ലഭിക്കും. ആമസോണ്‍ ഗിഫ്റ്റ് വൗച്ചറുകള്‍, ആകര്‍ഷകമായ റിവാര്‍ഡ് പോയിന്‍റുകള്‍, സ്വാഗത സൗജന്യങ്ങള്‍, ഇനോക്സില്‍ വണ്‍ ഗെറ്റ് വണ്‍ സൗജന്യ വാഗ്ദാനം, കോപ്ലിമെന്‍ററി അംഗത്വ പരിപാടികള്‍, കോപ്ലിമെന്‍ററി സ്വിഗ്ഗി വൗച്ചറുകള്‍, ആഭ്യന്തര, അന്തര്‍ദേശീയ വിമാനത്താവളങ്ങളില്‍ സൗജന്യമായി ലോഞ്ച് പ്രാപ്യത തുടങ്ങിയവ നിലവിലുള്ള ബാങ്കിന്‍റെ ഉപഭോക്താക്കള്‍ക്ക് കാര്‍ഡ് വാങ്ങുമ്പോള്‍ ലഭ്യമാകും.
ഡിജിറ്റലായി കാര്‍ഡ് വാങ്ങാന്‍ സാധിക്കും. ഫെഡറല്‍ ബാങ്കിന്‍റെ മൊബൈല്‍ ആപ്ലിക്കേഷനിലൂടെ വെറും മൂന്നു ക്ലിക്കുകൊണ്‍ണ്ട് കാര്‍ഡ് ലഭ്യമാകും. തുടര്‍ന്ന് ഫിസിക്കല്‍ കാര്‍ഡ് ഉപഭോക്താവിന് കൈമാറും. പുതുതലമുറ ഉപഭോക്താക്കള്‍ക്കായി പ്രത്യേകം രൂപകല്‍പ്പനെ ചെയ്തിട്ടുള്ള കാര്‍ഡ്, ഇലക്ട്രോണിക്സ്, വസ്ത്രങ്ങള്‍, വിനോദം തുടങ്ങിയവയിലെ ചെലവഴിക്കലിന് പ്രത്യേക റിവാര്‍ഡ് പ്രഖ്യാപിച്ചിട്ടുണ്ട്.
പുതിയ കാലത്തെ ഉപഭോക്താക്കളുടെ ജീവിതശൈലിക്ക് അനുയോജ്യവും വൈവിധ്യമാര്‍ന്ന ആനുകൂല്യങ്ങള്‍ ലഭിക്കുന്നതുമായ വിധത്തിലാണ് ഫെഡറല്‍ ബാങ്ക് റുപേ സിഗ്നെറ്റ് കോണ്‍ടാക്റ്റ്ലെസ് ക്രെഡിറ്റ് കാര്‍ഡ് രൂപകല്‍പ്പന ചെയ്തിട്ടുള്ളതെന്ന് എന്‍പിസിഐ സിഒഒ പ്രവീണ റായ് പറഞ്ഞു.
പുതിയ ഉത്പന്നത്തിലൂടെ ഫെഡറല്‍ ബാങ്ക് വീണ്ടണ്‍ും 'ഡിജിറ്റല്‍ അറ്റ് ദി ഫോര്‍, ഹ്യൂമന്‍ അറ്റ് ദി കോര്‍' എന്ന മന്ത്രം ഉറപ്പുവരുത്തിയിരിക്കുകയാണെന്ന് ഫെഡറല്‍ ബാങ്ക് എക്സിക്യൂട്ടീവ് ഡയറക്ടറും റീട്ടെയില്‍ ബിസിനസ് മേധാവിയുമായ ശാലിനി വാര്യര്‍ പറഞ്ഞു.
Follow Us/sathyam/media/agency_attachments/5VspLzgrB7PML1PH6Ix6.png)
