കൊച്ചിയിലും കോയമ്പത്തൂരിലും പുതിയ ക്ലയന്റ് ഇന്നൊവേഷൻ സെന്ററുകൾ ആരംഭിച്ച് ഐബിഎം കൺസൾട്ടിംഗ്

കൊച്ചി: കൊച്ചിയിലും കോയമ്പത്തൂരിലും തങ്ങളുടെ പുതിയ ഐബിഎം ക്ലയന്റ് ഇന്നൊവേഷൻ സെന്ററുകൾ (സിഐസി) ആരംഭിക്കുന്നതായി പ്രഖ്യാപനം നടത്തി ഐബിഎം . ഹൈബ്രിഡ് ക്ലൗഡ്, AI കൺസൾട്ടിംഗ് എന്നീ കഴിവുകൾ ത്വരിതപ്പെടുത്തി കൊച്ചി, കോയമ്പത്തൂർ എന്നിവിടങ്ങളിലെ ഡിജിറ്റൽ പരിവർത്തനത്തെ കൂടുതൽ മെച്ചപ്പെടുത്തുകയും സാമ്പത്തിക വളർച്ച വർദ്ധിപ്പിക്കുകയും ചെയ്യും.

സമ്പൂർണ്ണ സംയോജിതവും മികച്ച-ഇൻ-ക്ലാസ് സൊല്യൂഷനുകൾ സൃഷ്ടിക്കുന്നതിനുമായി ക്ലയന്റുകളുമായും പങ്കാളികളുമായും സഹകരിച്ച് പുതിയ ഐബിഎം ഗാരേജ് ഡെലിവറി രീതി പ്രയോജനപ്പെടുത്തും.

കൂടാതെ, കൊച്ചിയിലും കോയമ്പത്തൂരിലും ഐബിഎമ്മിന്റെ വിപുലീകരിച്ച സാന്നിധ്യം നിലവിലുള്ള ജീവനക്കാർക്ക് അവസരങ്ങൾ സൃഷ്ടിക്കുന്നതിനൊപ്പം ഈ നഗരങ്ങളിലെ സാങ്കേതിക വിദ്യാഭ്യാസ മേഖലയിൽ നിന്നുള്ള കഴിവുള്ള ബിരുദധാരികൾ ഉൾപ്പെടെയുള്ള പ്രതിഭകൾക്ക് കമ്പനിയിലെ അവസരങ്ങൾ കൂടുതൽ പ്രയോജനപ്പെടുത്താൻ അവരെ പ്രാപ്തരാക്കുകയും ചെയ്യും.

അക്വിസിഷൻ പരമ്പരയിലുള്ള ശക്തമായ പോർട്ട്‌ഫോളിയോയും സാങ്കേതികവിദ്യയിലുള്ള കഴിവും ബിസിനസ്സ് വളർച്ചയ്ക്കും ബിസിനസ്സ് മെച്ചപ്പെടുത്തുന്നതിനുമായി ഐബിഎം പ്രയോജനപ്പെടുത്തും. 2022 ഫെബ്രുവരിയിൽ സ്വന്തമാക്കിയ കൊച്ചിയിൽ പ്രവർത്തിക്കുന്ന ന്യൂഡെസിക് ആണ് അക്വിസിഷൻ പരമ്പരയിലെ പുത്തൻ കൂട്ടിച്ചേർക്കൽ.

ബെംഗളൂരു, ചെന്നൈ, ഹൈദരാബാദ്, കൊൽക്കത്ത, മുംബൈ, ഡൽഹി എൻ സി ആർ, പൂനെ, മൈസൂരു എന്നിവയുൾപ്പെടെ ഇന്ത്യയിലെ പത്ത് സിഐസി ലൊക്കേഷനുകളിൽ ഐബിഎം കൺസൾട്ടിംഗ് ഇപ്പോൾ പ്രവർത്തിക്കുന്നുണ്ട് .