Advertisment

ശങ്കർ രാമകൃഷ്ണൻ സംവിധാനം ചെയ്യുന്ന റാണിയുടെ ഫസ്റ്റ് ലുക്ക് ഇന്ന് പുറത്തിറങ്ങും

author-image
ഫിലിം ഡസ്ക്
New Update

publive-image

റാണി എന്ന് പേരിട്ടിരിക്കുന്ന പുതിയ ചിത്രം സംവിധാനം ചെയ്യുന്നത് ശങ്കർ രാമകൃഷ്ണനാണ്. ഉർവശി, ഭാവന, മാലാ പാർവതി, ഹണി റോസ് എന്നിവരടങ്ങുന്ന വിപുലമായ താരനിരയാണ് ഇതിലുള്ളത്. ചിത്രത്തിന്റെ ഫസ്റ്റ് ലുക്ക് ഞായറാഴ്ച മഞ്ജു വാര്യരുടെ സോഷ്യൽ മീഡിയ ഹാൻഡിൽ പങ്കുവെക്കും. അതോടൊപ്പം, ഒരു പ്രധാന കഥാപാത്രത്തെ അവതരിപ്പിക്കുന്ന പുതുമുഖം നിയതി കടമ്പിയെയും നിർമ്മാതാക്കൾ അവതരിപ്പിക്കും.

മാജിക്‌ടെയിൽ വർക്‌സിന്റെ ബാനറിൽ വിനോദ് മേനോൻ, ശങ്കർ രാമകൃഷ്ണൻ, ജിമ്മി ജേക്കബ് എന്നിവർ ചേർന്നാണ് റാണി നിർമ്മിക്കുന്നത്. അനുമോൾ, ഇന്ദ്രൻസ്, ഗുരു സോമസുന്ദരം, മണിയൻപിള്ള രാജു, അശ്വിൻ ഗോപിനാഥ്, കൃഷ്ണൻ ബാലകൃഷ്ണൻ, അംബി നീനാസം, അശ്വന്ത് ലാൽ എന്നിവരും ചിത്രത്തിലുണ്ട്. വിനായക് ഗോപാൽ ഛായാഗ്രാഹകനും അപ്പു ഭട്ടതിരി എഡിറ്റിങ്ങും അടങ്ങുന്നതാണ് ചിത്രത്തിന്റെ സാങ്കേതിക സംഘം. മേന മേലത്താണ് റാണിയുടെ സംഗീതം.

Advertisment