നീയൊരു നിലാവായി.. സൗരഭ്യമായി.. (കവിത)

-സുബാഷ് ടി.ആർ

തിങ്കളീപൂമുഖത്തുദിച്ചുയർന്നുവോ..

ആശ്ചര്യമീയമാവാസിനാളിലും..!

പരന്നൊഴുകിനിലാവുംനിൻസൗരഭ്യവും

തിരുമുറ്റത്തും തൊടിയിലും..

കരിവണ്ടണഞ്ഞാസൗരഭ്യമധുനുകരാൻനേരം..

നിൻകരിമിഴികളതിന്നിണയെന്നുകരുതി-

യാർത്തടുത്തപ്പോൾ പരവശയായി നീ

നിന്നതൊരുതിരുമുൽക്കാഴ്ചയായി.!

ചന്ദനനിറമോലുംനിൻകവിളിണകളിൽ

മന്ദമിളകികളിയ്ക്കുന്നാ..

ഇരുളുതോൽക്കുമളകങ്ങൾ മെല്ലെ

വീശും തെക്കൻകാറ്റിൻചില്ലകളിൽ..

പവിഴച്ചൊടികളിലമ്പിളിതൂവിയ..

രജതകാന്തിയൊളിവീശിയനേരമാ -

മമൃതുനുകരാൻ ചെഞ്ചൊടിവിടരവേ..

കണ്ടുഞാൻ നീയൊളിപ്പിച്ചവെൺമുത്തുകൾ..

മായാതെനിൽക്കുമോയിത്തിരിനേരംകൂടി..

രാക്കുയിലെത്തുമൊരുരാഗംപാടാൻ..

തേന്മാവിനെയൊന്നുഗാഢംപുണർന്നുചൊല്ലി..

പൊഴിച്ചുപൂക്കൾനിൻ കാലടികളിൽമുല്ലവള്ളി..