-ബെന്നി ജി. മണലി പരപ്പൻചിറ
ഉറങ്ങട്ടെ ഞാനിനി ഇത്തിരിനേരം
ഉറങ്ങിയില്ലെങ്കിലോ ഇനി ഞാൻ
ചുറ്റിലുമുണ്ട് നാക്ക് നീട്ടി ഒരുപറ്റം
എനിക്ക് പ്രാര്ഥിക്കേണ്ടേ എന്റീശ്വനോട്
എനിക്ക് പാടണ്ടേ ഒരു കീർത്തനം
എനിക്ക് ഉം കാണണ്ടെ ഒരു സ്വപ്നം
എനിക്ക് ഉം ഉറങ്ങേണ്ടേ സ്വസ്ഥമായി
എന്നുടെ ചിന്തയിൽ നീ വരുന്നതെന്തിന്
എന്നുടെ കണ്ഠം നീയെന്തിനു നിശബ്ദമാക്കുന്നു
എന്നുടെ കണ്ണ് നീര് നീ അടക്കുന്നതെന്തിന്
മറ്റൊരു മതമോ ജാതിയോ ആകട്ടെ
മറ്റൊരു ഭാക്ഷ ഞാൻ ചൊല്ലിടട്ടെ
മറ്റൊരു ദൈവത്തെ ഞാൻ ആരാധിക്കട്ടെ
എന്തിനെന്നെ തടയുന്നു നിങ്ങൾ ?
എന്തിനു എൻ്റെ കൈകാലുകൾ തല്ലിയുടച്ചു
എന്തിനു എൻ്റെ കുടിൽ തീയിട്ടു നിങ്ങൾ
എന്തിനെന്റെ ജീവൻ എടുത്തു നിങ്ങൾ
ജീവൻ അറ്റ ശരീരത്തിലും ചാടി തിമിർത്തു ?