/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/post_attachments/lTyvDAKJS0bafgPj37kT.jpg "publive-image")
ഡല്ഹി: വനിതാ സുഹൃത്തിനെ വിമാനത്തിന്റെ കോക്പ്പിറ്റില് കയറ്റിയ സംഭവത്തില് എയര് ഇന്ത്യ പൈലറ്റിനെതിരെ അന്വേഷണം പ്രഖ്യാപിച്ച് ഡിജിസിഎ. പൈലറ്റിന്റേത് ഗുരുതരമായ വീഴ്ചയെന്ന് ഡിജിസിഎ വിലയിരുത്തി.
ഫെബ്രുവരി 27 നായിരുന്നു ദുബായില് നിന്ന് ഡല്ഹിയിലേക്കുള്ള എയര് ഇന്ത്യ വിമാനത്തില് പൈലറ്റ് വനിതാ സുഹൃത്തിനെ കോക്പിറ്റില് കയറ്റി മൂന്ന് മണിക്കൂറോളം യാത്ര ചെയ്തത്. ഡിജിസിഎ നിഷ്കര്ഷിക്കുന്ന സുരക്ഷാ മാനദണ്ഡങ്ങള് പൈലറ്റ് ലംഘിച്ചുവെന്നാണ് ഡിജിസിഎയുടെ വിലയിരുത്തല്.
ഇത്തരം പ്രവര്ത്തികള് ചട്ടങ്ങളുടെ ലംഘനമാണെന്നത് മാത്രമല്ല പൈലറ്റിന്റെ ശ്രദ്ധ തിരിയാന് കാരണമാകുന്നത് കൂടിയാണെന്ന് ഡിജിസിഎ ഓര്മിപ്പിച്ചു. പൈലറ്റിന്റെ ജാഗ്രതക്കുറവ് യാത്രക്കാരുടെ സുരക്ഷയെയാണ് ബാധിക്കുന്നത്.
സസ്പെന്ഷനോ ലൈസന്സ് റദ്ദാക്കലോ ഉള്പ്പെടെയുള്ള അച്ചടക്കനടപടികള് പൈലറ്റിനെതിരെ സ്വീകരിക്കാനാകുമെന്നാണ് ഉന്നത ഉദ്യോഗസ്ഥര് വിശദീകരിക്കുന്നത്. വിഷയത്തില് എയര് ഇന്ത്യ ഇതുവരെ പ്രതികരിച്ചിട്ടില്ല.