ഏഷ്യാ ബുക്ക് ഓഫ് റെക്കോർഡ്സിൽ ഇടം പിടിച്ച് മലയാളി ബാലൻ സിദ്ധാർഥ് രാജേഷ്

ന്യൂഡൽഹി: ഓർമ ശക്തിയുടെ മികവ് കൊണ്ട് വിസ്മയം സൃഷ്ടിച്ച മലയാളി ബാലൻ ഏഷ്യാ ബുക്ക്‌ ഓഫ് റെക്കോർഡസിന്റെ ഗ്രാൻഡ് മാസ്റ്റർ സർട്ടിഫിക്കറ്റ് കരസ്ഥമാക്കി.

രണ്ട് വയസുകാരനായ സിദ്ധാർഥ് രാജേഷ് 5 മിനിറ്റ് 38 സെക്കൻഡിനുള്ളിൽ 49 മൃഗങ്ങളുടെ ആവാസ വ്യവസ്ഥ ഓർത്ത് പറഞ്ഞു കൊണ്ടാണ് ഈ നേട്ടം കരസ്ഥമാക്കിയത്.

വിവിധ രാജ്യങ്ങളുടെ പതാകകളും,നാൽപതോളം സാധാരണ മൃഗങ്ങളുടെ ശാസ്ത്രീയനാമവും അനായാസമായി ഓർമിച്ചെടുക്കാൻ കഴിയുന്ന ഈ കൊച്ചു മിടുക്കന് വിവിധതരം ദിനോസറുകളുടെ വർഗങ്ങളും തിരിച്ച് അറിയാൻ കഴിയും.

ഇന്ത്യ ബുക്ക്‌ ഓഫ് റെക്കോർഡ്സിൽ കഴിഞ്ഞ ദിവസം ഇടം നേടിയ സിദ്ധാർഥ് രാജേഷ് ദിവസങ്ങൾക്കകമാണ് ഏഷ്യാ ബുക്ക്‌ ഓഫ് റെക്കോർഡ്‌സിലും തന്റെ സ്ഥാനം ഉറപ്പിച്ചത്.

ന്യൂ-ഡൽഹി ഓൾ ഇന്ത്യ ഇൻസ്റിറ്റ്യൂട്ട് ഓഫ് മെഡിക്കൽ സയൻസിലെ നഴ്സിംഗ് ഓഫീസറും, ഇന്ത്യൻ പ്രൊഫഷണൽ നഴ്സസ് അസോസിയേഷൻ ട്രഷറരുമായ രാജേഷിന്റെയും റാം മനോഹർ ലോഹിയ ആശുപത്രിയിൽ നഴ്സിംഗ് ഓഫീസറായി ജോലി ചെയ്യുന്ന ശ്രീലക്ഷ്മിയുടെയും മകനാണ് സിദ്ധാർഥ് രാജേഷ്.