ഡൽഹി ക്രൈസ്റ്റ് ഡീംഡ് റ്റു ബി യൂണിവേഴ്സിറ്റി എൻസിആർ വിദ്യാർത്ഥികളുടെ നൃത്തശിൽപ്പം 'നൃത്ത- 2022' ശ്രദ്ധേയമായി

ഡല്‍ഹി: ക്രൈസ്റ്റ് ഡീംഡ് റ്റു ബി യൂണിവേഴ്സിറ്റി ഡൽഹി എൻസിആർ വിദ്യാർത്ഥികളുടെ നൃത്തശിൽപ്പമായ 'നൃത്ത- 2022' ഞായറാഴ്ച ഡൽഹി കൊണാട്ട് പ്ലേസ് സെൻട്രൽ പാർക്ക് ആംഫി തിയേറ്ററിൽ വെച്ച് വൈകുന്നേരം ഏഴുമണിക്ക് നടന്നു.

നിറങ്ങളുടെയും സംഗീതത്തിന്റെയും നാടകീയമായ നൃത്ത രംഗങ്ങളുടെയും ഈ സായാഹ്നത്തിൽ ഡൽഹി ജൽ ബോർഡ് വൈസ് ചെയർമാൻ സൗരബ് ഭരദ്വാജ് ആയിരുന്നു മുഖ്യാതിഥി.

സുബു റഹ്മാൻ ഐ എ എസ്, പങ്കജ് വാധ്വ, ജോജോ മാത്യു, ബാബു പണിക്കർ, മാനുവൽ മെഴുകനാൽ, ഫാ. ഡോ. സാബു, പ്രൊഫസർ ജോൺ വർഗീസ്, മാത്യു ജോസ് എന്നിവരും സന്നിഹിതരായിരുന്നു.

ശതരഞ്ച്: ഒരു പ്രേമഗാഥ എന്ന പേരിൽ ചിട്ടപ്പെടുത്തിയ ഈ നൃത്തശിൽപ്പത്തിൽ സർവകലാശാലയിലെ നാട്യാർപ്പണ നൃത്തവേദിയിലെ വിദ്യാർത്ഥികളാണ് മനോജ്ഞമായ പ്രകടനം കാഴ്ച വെച്ചത്.