ഗുരുഗ്രാം സെക്ടർ 21 ശ്രീധർമ്മ ശാസ്താ ക്ഷേത്രത്തിൽ മണ്ഡല പൂജ സമാപനം

ഡല്‍ഹി: ഗുരുഗ്രാം സെക്ടർ 21 ശ്രീധർമ്മ ശാസ്താ ക്ഷേത്രത്തിൽ ചൊവ്വാഴ്ച മണ്ഡല പൂജാ സമാപനം. രാവിലെ നിർമ്മാല്യ ദർശനം, അഷ്ടദ്രവ്യ മഹാഗണപതി ഹോമം, അഷ്ടാഭിഷേകം എന്നിവയാണ് പ്രധാന പൂജകൾ. പ്രഭാത പൂജകൾ, ഉച്ചപൂജ എന്നിവയും ഉണ്ടാവും.

വൈകുന്നേരം മഹാദീപാരാധന, ദീപക്കാഴ്ച, പ്രസാദ വിതരണം. 8 മണിക്ക് ഹരിവരാസനം പാടി നട അടക്കും. തുടർന്ന് അന്നദാനത്തോടെ ഈ വർഷത്തെ മണ്ഡലകാല പൂജകൾ സമാപിക്കും.