സർവകലാശാലകളിൽ ഉപരിപഠനം നടത്തുന്ന ക്രൈസ്തവ വിദ്യാർത്ഥികൾക്ക് വേണ്ടി ഡൽഹി സർവകലാശാല കേന്ദ്രമാക്കി പുതിയ ക്രൈസ്തവ വിദ്യാർത്ഥി പ്രസ്ഥാനത്തിന് തുടക്കമായി

ഡൽഹി:സർവകലാശാലകളിൽ ഉപരിപഠനം നടത്തുന്ന ക്രൈസ്തവ വിദ്യാർത്ഥികൾക്ക് ഒരു ക്രിസ്ത്യൻ സംഘടനയുടെ അനിവാര്യത ഉണ്ടെന്നു മനസ്സിലാക്കി 2023 മാർച്ച് 30 നു ഡൽഹി സർവകലാശാലയിലെ ക്രൈസ്തവ വിദ്യാർത്ഥികൾ ഒരു കൂട്ടായ്മ കൂടുകയും, യൂണിവേഴ്സിറ്റി ക്രിസ്ത്യൻ സ്റ്റുഡൻസ് ഫെഡറേഷൻ (യുസിഎസ്എഫ്) എന്ന സംഘടനക്ക് മൂലക്കല്ലിടുകയും സംഘടനാഭാരവാഹികളെ തിരഞ്ഞെടുക്കുകയും ചെയ്തു.

നാഷണൽ കമ്മിറ്റി ഭാരവാഹികളായി ഡെന്നി സെയിൽസ് (പ്രസിഡൻ്റ്), ദീപ ഇമ്മാനുവൽ (ജനറൽ സെക്രട്ടറി), എഡ്വിൻ ഷാജി (ട്രഷറർ), നാഷണൽ ഓർഗനൈസിങ് സെക്രട്ടറിമാരായി ആന്റണി ജോസഫ് (പബ്ലിക് റിലേഷൻസ്), സോന ഡേവിസ് (സ്പോൺസർഷിപ്പ്), അഖില അഗസ്റ്റിൻ (മീഡിയ) എന്നിവര്‍ തെരഞ്ഞെടുക്കപ്പെട്ടു.

ഭാരതത്തിലെ ക്രൈസ്തവ മൂല്യങ്ങളെയും പൈതൃകങ്ങളെയും അടിസ്ഥാനമാക്കിക്കൊണ്ട് ഇന്ത്യയിൽ ഉടനീളമുള്ള ക്രിസ്റ്റ്യൻ വിദ്യാർത്ഥികളെ സംഘടിതരാക്കി നിർത്തുക, സമുദായ സ്നേഹം അതോടൊപ്പം ദേശീയത വളർത്തുക, സാമൂഹിക, രാഷ്ട്രീയ, വിദ്യാഭാസ, മാനസിക ശാക്തികരണങ്ങൾക്ക് സഹായിക്കുക, തുടങ്ങിയവയാണ് സംഘടന മുന്നോട്ടുവെക്കുന്ന ആശയങ്ങൾ.

കേരളത്തിലെ എല്ലാ സഭാ വിഭാഗങ്ങളിലെയും മറ്റ് ഇതര ക്രൈസ്തവ സമൂഹങ്ങളിലെയും വിദ്യാർത്ഥികളെ ഉൾക്കൊള്ളുന്നതാണ് സംഘടന എന്ന് ദേശീയ കമ്മിറ്റി വ്യക്തമാക്കി