‘ഈ യാത്ര കഠിനമാണെന്ന് അറിയാം, പക്ഷേ...’; അർബുദത്തെക്കുറിച്ച് ഹൃദയസ്പർശിയായ കുറിപ്പ് പങ്കുവെച്ച് മനീഷ കൊയ്‌രാള

മുംബൈ : അർബുദത്തിനോട് പോരാടിയ നാളുകളെ കുറിച്ചുള്ള ഓർമ്മയിൽ ഹൃദയസ്പർശിയായ കുറിപ്പുമായി അർബുദത്തോടു നടി മനീഷ് കൊയ്‌രാള. ദേശീയ അർബുദ ബോധവത്കരണ ദിനത്തോട് അനുബന്ധിച്ചാണ് താരം അർബുദ ചികിത്സയെന്ന കഠിനപാതയിലൂടെ കടന്നുപോവുന്നവർക്ക് അഭിനന്ദനങ്ങളുമായി എത്തിയത്

‘ഈ യാത്ര കഠിനമാണെന്ന് അറിയാം. പക്ഷേ അതിനേക്കാൾ കരുത്തരാണ് നിങ്ങൾ. അർബുദത്തിന് മുന്നിൽ കീഴടങ്ങിയവർക്ക് ആദരാഞ്ജലികൾ ഒപ്പം അതിനെ അതിജീവിച്ചവർക്കൊപ്പം ആഘോഷിക്കാനും ഞാന്‍ ആഗ്രഹിക്കുന്നു’ – മനീഷ കൊയ്‌രാള ട്വീറ്റ് ചെയ്തു

‘പ്രതീക്ഷകൾ നിറച്ച കഥകൾ പറഞ്ഞ് പറഞ്ഞ് കാന്‍സറിനെക്കുറിച്ച് കൂടുതൽ ബോധവത്കരണം നടത്തണം. അവനവനോട് മാത്രമല്ല ലോകത്തോടും അനുകമ്പയുള്ളവരാകാം. എല്ലാവരുടെയും ആരോഗ്യത്തിനും ക്ഷേമത്തിനും വേണ്ടി പ്രാർത്ഥിക്കുന്നു’- മനീഷ പറഞ്ഞു

2012ലാണ് മനീഷയ്‌ക്ക് അണ്ഡാശയ കാന്‍സർ സ്ഥിരീകരിക്കുന്നത്. പലപ്പോഴും തന്റെ അര്‍ബുദകാല അനുഭവങ്ങളെ കുറിച്ച് താരം തുറന്നുപറഞ്ഞിട്ടുണ്ട്. അര്‍ബുദത്തെ ജയിച്ച മനീഷ ഈ രോഗത്തെ ഒരു ശാപമായല്ലാതെ, മറിച്ച് തന്റെ ജീവിതത്തില്‍ ഒരു മാറ്റമുണ്ടാക്കുന്നതിന് നിമിത്തമായ ‘സമ്മാനം’ എന്നാണ് പറയാറുള്ളത്.

യഥാര്‍ഥത്തില്‍ താന്‍ ആരാണെന്ന് മനസ്സിലായത് തന്റെ രോഗകാലത്താണ്. ജീവിതത്തിലെ ലക്ഷ്യം എന്താണെന്നും താന്‍ ആരാകേണ്ടതായിരുന്നുവെന്നും എന്നെ ബോധ്യപ്പെടുത്തിയതും രോഗമാണെന്നും മനീഷ പറഞ്ഞിട്ടുണ്ട്.