ദൃശ്യംഒന്ന് ,ദൃശ്യം രണ്ട് , ട്വല്ത്ത് മാന് എന്നീ ചിത്രങ്ങള്ക്ക് ശേഷം മോഹന്ലാലും ജീത്തു ജോസഫും ഒന്നിക്കുന്ന ചിത്രമാണ് റാം. റാം രണ്ട് ഭാഗങ്ങളിലായാണ് റിലീസിനെത്തുക. റാം 1, റാം 2 എന്നിങ്ങനെ രണ്ടു ഭാഗങ്ങള് ആയി വലിയ ക്യാന്വാസിലാണ് ചിത്രം ഒരുങ്ങുന്നത്. തൃഷയാണ് ചിത്രത്തില് മോഹന്ലാലിന്റെ നായികയായി എത്തുന്നത്.
ചിത്രത്തിലെ സ്റ്റണ്ട് സീനുകള് ഒരുക്കുന്നത് പ്രശസ്ത ഹോളിവുഡ് കൊറിയോഗ്രാഫര് പീറ്റര് പെഡ്രോയാണ്. ‘അവഞ്ചേഴ്സ്: ഏജ് ഓഫ് അള്ട്രോണ്’, ‘മര്ഡര് ഓണ് ദി ഓറിയന്റ് എക്സ്പ്രസ്’, ‘ദി ഹിറ്റ്മാന്സ് ബോഡിഗാര്ഡ്’ എന്നീ സിനിമകളുടെ സ്റ്റണ്ട് കൊറിയോഗ്രാഫറാണ് പീറ്റര്.
യുകെയിലും യൂറോപ്പിലുമായാണ് ചിത്രത്തിന്റെ ഷൂട്ടിംഗ് പുരോഗമിക്കുന്നത്. ഇതോടെ റാം ഒരു ബിഗ് ബജറ്റ് ചിത്രമാണെന്ന കാര്യം ഉറപ്പായിരിക്കുകയാണ്. വെറും ബിഗ് ബജറ്റ് മാത്രമല്ല, ബ്രഹ്മാണ്ഡ ചിത്രം തന്നെയാണ് റാം എന്ന പ്രതീക്ഷയിലാണ് ആരാധകര്. ജീത്തു ജോസഫിന്റെ കരിയറിലെ തന്നെ ഏറ്റവും ഉയര്ന്ന ബജറ്റിലാണ് റാം ഒരുങ്ങുന്നത്.
അഭിഷേക് ഫിലിംസിന്റെ ബാനറില് രമേഷ് പിള്ള, സുധന് എസ് പിള്ള എന്നിവരാണ് നിര്മ്മാണം. ആശിര്വാദ് സിനിമാസും മാക്സ് ലാബുമാണ് റിലീസ്. ഇന്ദ്രജിത്ത്, സിദ്ദീഖ്, ലിയോണാ ലിഷോയ്, ഇര്ഷാദ് എന്നിവരും ചിത്രത്തിലുണ്ട്.