ദേശീയ ആരോഗ്യ ദൗത്യം (ആരോഗ്യകേരളം) എറണാകുളത്തിന് കീഴിൽ വിവിധ തസ്തികകളിലേയ്ക്ക് കരാര്‍ നിയമനം നടത്തുന്നതിന് അപേക്ഷ ക്ഷണിച്ചു

എറണാകുളം: ദേശീയ ആരോഗ്യ ദൗത്യം (ആരോഗ്യകേരളം) എറണാകുളത്തിന് കീഴിൽ സ്റ്റാഫ് നഴ്സ് (പാലിയേറ്റീവ് കെയര്‍), ലാബ് ടെക്നീഷ്യന്‍, ഫാര്‍മസിസ്റ്റ് , ഡയറ്റീഷ്യന്‍, ഓഡിയോളജിസ്റ്റ്, റേഡിയോഗ്രാഫര്‍, ടി.ബി. ഹെൽത്ത് വിസിറ്റര്‍, ഇന്‍സ്ട്രക്ടര്‍ ഫോര്‍ ഹിയറിംഗ് ഇംപയേര്‍ഡ് ചിൽഡ്രന്‍, കൗണ്‍സിലര്‍, സിവിൽ എഞ്ചിനീയര്‍, ആയുര്‍വേദ നഴ്സ്, ആയുര്‍വേദ തെറാപ്പിസ്റ്റ് എന്നീ തസ്തികകളിലേക്ക് കരാര്‍ നിയമനം നടത്തുന്നതിന് അപേക്ഷ ക്ഷണിച്ചു.

യോഗ്യരായ ഉദ്യോഗാര്‍ത്ഥികള്‍ ആരോഗ്യകേരളം വെബ്സൈറ്റിൽ പ്രസിദ്ധീകരിച്ചിട്ടുള്ള ഓണ്‍ലൈന്‍ ആപ്ലിക്കേഷന്‍ ഫോമിൽ http://www.arogyakeralam.gov.in/opportunities/ അപേക്ഷ സമര്‍പ്പിക്കണം എന്ന് ജില്ലാ പ്രോഗ്രാം മാനേജർ അറിയിച്ചു. അവസാന തീയതി 2021 സെപ്റ്റംബർ 6 വൈകിട്ട് 5 മണി. അപേക്ഷകള്‍ ഓണ്‍ലൈന്‍ ആപ്ലിക്കേഷന്‍ ഫോമിൽ മാത്രം സമര്‍പ്പിക്കുക. ഓഫീസിൽ നേരിട്ടോ, ഇ-മെയിൽ /തപാൽ മുഖാന്തിരമോ സ്വീകരിക്കുന്നതല്ല.

വിശദമായ വിജ്ഞാപനത്തിനും മറ്റ് വിവരങ്ങള്‍ക്കും http://www.arogyakeralam.gov.in/opportunities/ എന്ന വെബ്സൈറ്റ് സന്ദര്‍ശിക്കുക. അല്ലെങ്കിൽ 0484-2354737 എന്ന ഫോൺ നമ്പറിൽ ബന്ധപ്പെടുക.