02
Sunday October 2022
എറണാകുളം

കണ്ടനാട് വെസ്റ്റ് ഭദ്രാസനത്തിന്റെ തലപ്പള്ളിയായ വിശുദ്ധ മർത്തമറിയം ഓർത്തഡോക്സ് പള്ളിയിലേക്ക് എഴുന്നുള്ളുന്ന മലങ്കര മെത്രാപ്പോലീത്തയും പൗരസ്ത്യ കാതോലിക്കായുമായ മോറാൻ മോർ ബസേലിയോസ് മാർത്തോമാ മാത്യൂസ് തൃതീയൻ കാതോലിക്കാ ബാവയ്ക്ക് പള്ളിയും ഇടവകാംഗങ്ങളും നാട്ടുകാരും ചേർന്ന് വമ്പിച്ച വരവേൽപ്പ് നൽകും

സുഭാഷ് ടി ആര്‍
Tuesday, October 19, 2021

കൊച്ചി: കണ്ടനാട് വെസ്റ്റ് ഭദ്രാസനത്തിന്റെ തലപ്പള്ളിയായ വിശുദ്ധ മർത്തമറിയം ഓർത്തഡോക്സ് പള്ളിയിലേക്ക് എഴുന്നുള്ളുന്ന മലങ്കര മെത്രാപ്പോലീത്തയും പൗരസ്ത്യ കാതോലിക്കായുമായ മോറാൻ മോർ ബസേലിയോസ് മാർത്തോമാ മാത്യൂസ് തൃതീയൻ കാതോലിക്കാ ബാവയ്ക്ക് പള്ളിയും ഇടവകാംഗങ്ങളും നാട്ടുകാരും ചേർന്ന് വമ്പിച്ച വരവേൽപ്പ് നൽകും

പരിശുദ്ധ ഗീവർഗ്ഗീസ് ദ്വിതീയൻ കാതോലിക്കാ ബാവയ്ക്കും പരിശുദ്ധ ഔഗേൻ പ്രഥമൻ കാതോലിക്കാ ബാവയ്ക്കും ശേഷം കണ്ടനാട് വെസ്റ്റ് ഭദ്രാസനത്തിന്റെ തലപ്പള്ളിയായ വിശുദ്ധ മർത്തമറിയം ഓർത്തഡോക്സ് കത്തീഡ്രൽ സന്ദർശിയ്ക്കുന്ന മൂന്നാമത്തെ കാതോലിക്കാ ബാവയെ ആചാരോപചാരങ്ങളോടെ സ്വീകരിയ്ക്കുമെന്ന് മർത്തമറിയം പള്ളി വികാരി, വെരി റവ. ഐസക്ക് മട്ടമ്മേൽ കോർ എപ്പിസ്കോപ്പ പത്രസമ്മേളനത്തിൽ അറിയിച്ചു.

കണ്ടനാട് പള്ളിയിൽ കബറടങ്ങിയിട്ടുള്ള പരിശുദ്ധ ശക്രള്ളാ മാർ ബസേലിയോസ് മഫ്രിയാനയുടെ 257 – മത് ഓർമ്മപ്പെരുന്നാൾ വിശ്വാസികൾക്ക് ദൈവീകാനുഗ്രഹമാക്കാൻ മുഖ്യകാർമ്മികനായി എത്തുന്ന കാതോലിക്കാ ബാവയ്ക്കും സഹകാർമ്മികരായി, ഭക്തരിൽ  വിശ്വാസം ഊട്ടി ഉറപ്പിക്കാൻ എത്തുന്ന അഹമ്മദാബാദ് ഭദ്രാസനാധിപൻ അഭിവന്ദ്യ ഡോ. ഗീവർഗ്ഗീസ് മാർ യൂലിയോസ് തിരുമേനിയ്ക്കും ബത്തേരി ഭദ്രാസനാധിപൻ അഭിവന്ദ്യ ഡോ. എബ്രഹാം മാർ എപ്പിപ്പാനിയോസ് തിരുമേനിയ്ക്കും ഉദയംപേരൂർ, മുളന്തുരുത്തി, ചോറ്റാനിക്കര പഞ്ചായത്തുകൾ വട്ടുക്കുന്ന് ജംഗ്ഷനിൽ സംയുക്ത സ്വീകരണം നൽകി വരവേൽക്കും.

കാതോലിക്കാ ബാവയെയും തിരുമേനിമാരെയും സ്വീകരിച്ച് അലങ്കരിച്ച വാഹനത്തിൽ അശ്വാരൂഡരുടെയും വാഹനങ്ങളുടെയും അകമ്പടിയോടെ ഘോഷയാത്രയായി പളിളിയിലേയ്ക്ക് ആനയിക്കും. ഘോഷയാത്ര കണ്ടനാട് കവലയിലെത്തുമ്പോൾ പൗരാവലി നൽകുന്ന സ്വീകരണം ഏറ്റുവാങ്ങി കരവട്ടെ കുരിശിങ്കൽ ധൂപപ്രാർത്ഥന ചൊല്ലി അവൽ നേർച്ച കഴിച്ച് പള്ളിയിലേക്ക് യാത്ര തുടരും.പള്ളിയുടെ മുന്നിൽ എത്തുന്ന കാതോലിക്കാ ബാവയെയും തിരുമേനിമാരെയും ആരോഗ്യ വകുപ്പ് മന്ത്രി, വീണാ ജോർജ്ജും ഹൈബി ഈഡൻ എംപിയും കെ. ബാബു എംഎൽഎ യും മുൻ എംഎൽഎ എം.സ്വരാജും മറ്റ് ജനപ്രതിനിധികളും പുരോഹിതരും ചേർന്ന് സ്വീകരിയ്ക്കും.

തുടർന്ന് ഡോ. ഗീവർഗ്ഗീസ് മാർ യൂലിയോസ് തിരുമേനിയുടെ അദ്ധ്യക്ഷതയിൽ ചേരുന്ന പൊതുസമ്മേളനം ഗോവ ഗവർണർ അഡ്വ. പി.എസ്.ശ്രീധരൻ പിള്ള ഭദ്രദീപം തെളിയിച്ച് ഉദ്ഘാടനം ചെയ്യും. കണ്ടനാട് മർത്തമറിയം ഓർത്തഡോക്സ് പള്ളി വികാരി വെരി. റവ. ഐസക് മട്ടമ്മേൽ സ്വാഗതം പറയുന്ന പൊതുസമ്മേളനം, ഡോ. എബ്രഹാം മാർ എപ്പിപ്പാനിയോസ് തിരുമേനി ആശിർവദിച്ച് സംസാരിയ്ക്കും.

കണ്ടനാട് പള്ളിയുടെ വടക്ക് പടിഞ്ഞാറ് ചേർന്ന് പോകുന്ന റോഡിന്റെ അപകടകരമായ വളവ് നിവർത്തി ഗതാഗതം സുഗമമാക്കാൻ പള്ളിവക മതിൽ പരപ്രേരണകൂടാതെ സമൂഹനന്മയ്ക്കായി പൊളിച്ച് വീതികൂട്ടുന്നതിനുള്ള പ്രമാണം സർക്കാരിന് വേണ്ടി ആരോഗ്യ വകുപ്പ് മന്ത്രി വീണാ ജോർജ്ജ് പൊതുസമ്മേളനത്തിൽ വച്ച് ഏറ്റുവാങ്ങും.

മലങ്കര ഓർത്തഡോക്സ് സഭ വൈദിക ട്രസ്റ്റി റവ. ഫാ. ഡോ. എം.ഒ.ജോൺ, ഹൈബി ഈഡൻ എംപി, കെ. ബാബു എംഎൽഎ, മുൻ എംഎൽഎ, എം സ്വരാജ്, കണ്ടനാട് വെസ്റ്റ് ഭദ്രാസനം ട്രസ്റ്റി റവ.ഫാ.സി.എം കുര്യാക്കോസ്, ഉദയംപേരൂർ ഗ്രാമപഞ്ചായത്ത് പ്രസിഡന്റ് സജിത മുരളി, സ്റ്റാൻഡിംഗ് കമ്മിറ്റി ചെയർമാൻ ടി.കെ. ജയചന്ദ്രൻ, വാർഡ് മെമ്പർ ബിനു ജോഷി, മലങ്കര അസോസിയേഷൻ സെക്രട്ടറി അഡ്വ. ബിജു ഉമ്മൻ, സ്വാഗതസംഘം ജനറൽ കൺവീനർ വി.കെ. വർഗ്ഗീസ് വൈശ്യംപറമ്പിൽ, ഇന്ത്യൻ ക്രിസ്ത്യൻ മൂവ്മെന്റ് മാനേജിംഗ് ട്രസ്റ്റി അഡ്വ. കെ.വി. സാബു കാറ്റാടിയിൽ എന്നിവർ ആശംസ നേരും.

തുടർന്ന് സ്വീകരണത്തിന് നന്ദി അറിയിച്ചുകൊണ്ട് മലങ്കര മെത്രാപ്പോലീത്തയും പൗരസ്ത്യ കാതോലിക്കായുമായ മോറാൻ മോർ ബസേലിയോസ് മാർത്തോമാ മാത്യൂസ് തൃതീയൻ സംസാരിയ്ക്കും. പൊതുസമ്മേളനത്തിന് കണ്ടനാട് മർത്തമറിയം പള്ളി സഹവികാരി റവ. ഫാ. ജോൺസ് മാത്യൂ നന്ദി പ്രകാശിപ്പിയ്ക്കും.

കണ്ടനാട് മർത്തമറിയം ഓർത്തഡോക്സ് കത്തീഡ്രലിൽ വിളിച്ചു ചേർത്ത പത്രസമ്മേളനത്തിൽ വെരി. റവ. ഐസക് മട്ടമ്മേൽ കോർ എപ്പിസ്കോപ്പയെ കൂടാതെ റവ.ഫാ.ജോൺസ് മാത്യൂ ഐക്കരകുന്നേൽ, ടി.ജെ.പോൾ പുല്യാട്ട് തുകലൻ, അഡ്വ.കെ.വി.സാബു കാറ്റാടിയിൽ, ബാബു കാലാപ്പള്ളിൽ, പോൾ ജോർജ്ജ് ഞാളിയത്ത് തുടങ്ങിയവർ പങ്കെടുത്തു.

Related Posts

More News

കുവൈത്ത് : കുവൈത്ത് പ്രവാസിയും കുവൈത്തിലെ അമൃത ടെലിവിഷൻ പ്രതിനിധിയും കേരള പ്രസ്സ് ക്ലബ് ട്രഷററുമായ അനിൽ കെ നമ്പ്യാരുടെ അമ്മ കണ്ണൂർ ചിറ്റാരിപറമ്പിൽ വിമല കുമാരി (71) നിര്യാതയായി. മക്കൾ അനിൽ കെ നമ്പ്യാർ, ഷീജ. മരുമക്കൾ: രൂപ അനിൽ, പ്രേമരാജൻ. ശവസംസ്കാരം ചൊവ്വാഴ്ച നടക്കും.

തിരുവനന്തപുരം : പ്രായത്തിൽ വ്യത്യാസം ഉണ്ടെങ്കിലും സിപിഎമ്മിൽ ഏറ്റവും വലിയ ഒരു സൗഹൃദമായിരുന്നു പിണറായി – കോടിയേരി ബന്ധം. അതൊരിക്കലും ഉടയാത്തതായിരുന്നു, കോടിയേരിയുടെ മരണം വരെ. പിണറായിയുമായി ഇത്രയും സൗഹൃദം ഉള്ള മറ്റൊരു നേതാവും സിപിഎമ്മിൽ ഇല്ല. പലർക്കും പിണറായിയിലേക്കുള്ള മാർഗമായിരുന്നു കോടിയേരി . കോടിയേരിയുടെ വിയോഗത്തോടെ പാർട്ടിയിലെ വിശ്വസ്തനായ സഹപ്രവർത്തകനെയും ജീവിതത്തിലെ സഹോദര തുല്യനായ വ്യക്തിയേയും നഷ്ടപ്പെട്ട തീവ്ര വേദനയിലാണ് മുഖ്യമന്ത്രി പിണറായി വിജയൻ . കോടിയേരിയുടെ രാഷ്ട്രീയ ജീവിതത്തിന്റെ തുടക്കം മുതൽ ഇരുവർക്കുമിടയിൽ നിലനിന്നിരുന്നത് […]

മുംബൈ: സർക്കാർ സ്ഥാപനങ്ങളിൽ ജോലി ചെയ്യുന്ന എല്ലാ ജീവനക്കാരും പൗരന്മാരിൽ നിന്നോ സർക്കാർ ഉദ്യോഗസ്ഥരിൽ നിന്നോ ഫോൺ കോളുകൾ സ്വീകരിക്കുമ്പോൾ ‘ഹലോ’ എന്നതിന് പകരം ‘വന്ദേമാതരം’ എന്ന് അഭിവാദ്യം ചെയ്യണമെന്ന് മഹാരാഷ്ട്ര സർക്കാർ. ഇതു നിർബന്ധമാക്കി മഹാരാഷ്ട്ര പൊതുഭരണ വകുപ്പ് ശനിയാഴ്ച ഉത്തരവ് പുറത്തിറക്കി. സർക്കാർ ധനസഹായമുള്ള സ്ഥാപനങ്ങളിലും ഇതു പാലിക്കണം. ‘ഹലോ’ എന്ന വാക്ക് പാശ്ചാത്യ സംസ്‌കാരത്തിന്റെ അനുകരണമാണെന്നും അത് ഒഴിവാക്കി ‘വന്ദേമാതരം’ ഉപയോഗിച്ച് തുടങ്ങണമെന്നും ഉത്തരവിൽ പറയുന്നു. മന്ത്രി സുധീർ മുൻഗന്തിവാറാണ് ഈ നിർദേശം […]

കടയ്ക്കൽ: മൂന്നര വയസ്സുള്ള മകളെ അങ്കണവാടിയിൽ ആക്കിയ ശേഷം യുവാവിനൊപ്പം കടന്ന യുവതിയെ പൊലീസ് കണ്ടെത്തി. യുവതിയെയും കൂടെ ഉണ്ടായിരുന്ന കടയ്ക്കൽ ചരിപ്പറമ്പ് സുനിൽ വിലാസത്തിൽ അനിൽ കുമാറിനെയെും (36) പൊലീസ് അറസ്റ്റ് ചെയ്തു. ഇരുവരെയും കൊട്ടാരക്കര കോടതിയിൽ ഹാജരാക്കി റിമാൻഡ് ചെയ്തു. കഴിഞ്ഞ 22നാണ് യുവതിയെ കാണാതായത്. യുവതിക്ക് രണ്ടു കുട്ടികൾ ഉണ്ട്. മൂത്ത മകളെ ഉപേക്ഷിച്ച് ഇളയ കുട്ടിയുമായി അനിൽകുമാറിനൊപ്പം പോയതായി പൊലീസ് പറഞ്ഞു. മൊബൈൽ ഫോൺ നമ്പർ പ്രകാരം പൊലീസ് നടത്തിയ അന്വേഷണത്തിൽ […]

ജിദ്ദ: വിശുദ്ധിയുടെ നാട് പിന്നീട് വിനോദത്തിന്റെയും ഇപ്പോൾ വിദ്യാഭ്യാസത്തിന്റെയും കൂടി കേന്ദ്രമാവുന്നു. ടൂറിസം പരിപോഷിപ്പിക്കാനായി വിസ കാര്യങ്ങളിൽ ഒട്ടേറെ പരിഷ്കരണങ്ങളും പുതുമകളും നടപ്പാക്കിക്കൊണ്ടിരിക്കുന്ന സൗദി അറേബ്യ ഇപ്പോഴിതാ വിദ്യാഭ്യാസത്തിനും ഗവേഷണത്തിനും ഉത്തേജനം നൽകികൊണ്ട് ദീർഘകാല – ഹൃസ്വകാല “വിദ്യാഭ്യാസ വിസ” അവതരിപ്പിക്കുന്നു. 160 ഓളം രാജ്യങ്ങളിൽ നിന്നുള്ള പഠന – ഗവേഷണ കുതുകികൾക്ക് സൗദിയുടെ പുതിയ വിദ്യാഭ്യാസ വിസ ഉപയോഗപ്പെടുത്താനാകും. ഇന്ത്യയും ഈ ലിസ്റ്റിൽ ഉൾപ്പെടുന്നുവെന്ന വാർത്ത ഏറേ സഹർഷത്തോടെയാണ് സൗദിയിലെ മുപ്പത് ലക്ഷത്തോളം വരുന്ന ഇന്ത്യൻ […]

പൊന്നാനി: സാമൂഹ്യ സാംസ്കാരിക സംഘടനയായ എം എസ് എസ് (മുസ്ലിം സർവീസ് സൊസൈറ്റി) പൊന്നാനി ഘടകം അഖില കേരള ഖുർആൻ പാരായണ, മനഃപാഠ മത്സരങ്ങൾ സംഘടിപ്പിക്കുന്നു. മാനസിക വൈകല്യം അനുഭവിക്കുന്ന കുട്ടികൾക്കായി എം എസ് എസ് പൊന്നാനി ഘടകം നടത്തി വരുന്ന ഹോപ്പ് സ്പെഷ്യൽ സ്‌കൂൾ രജത ജൂബിലി ആഘോഷത്തിന്റെ ഭാഗമായാണ് “അഖില കേരള ഖുർആൻ പാരായണ, മനഃപാഠ മത്സരം 2022” അരങ്ങേറുക. ഡിസംബർ മൂന്ന്, നാല് തിയ്യതികളിലായിരിക്കും ഖുർആൻ മത്സരങ്ങൾ. ഒക്ടോബർ ആദ്യവാരത്തിൽ മത്സരത്തിൽ പങ്കെടുക്കുന്നതിനുള്ള […]

ബഹ്‌റൈന്‍: ബഹ്‌റൈനിലെ മലയാളികളുടെ വടം വലി അസോസിയേഷൻ രൂപീകരിച്ചു. ടഗ്ഗ് ഓഫ്‌ വാർ അസോസിയേഷൻ ബഹ്റൈൻ എന്ന പേരിലാണ് സംഘടന രൂപീകരിച്ചത്. സംഘടനയുടെ രക്ഷാധികാരിയായി ബഹ്‌റൈൻ മീഡിയ സിറ്റി ചെയർമാൻ ഫ്രാൻസിസ് കൈതാരത്തിനെ തിരഞ്ഞെടുത്തു. ഷാജി ആന്റണി, അമൽദേവ് ഒ .കെ, ഷജിൽ ആലക്കൽ, ശരത് സുരേന്ദ്രൻ ,രതിൻ തിലക്, രഞ്ജിത്ത് എന്നിവരെ അസോസിയേഷൻ ഒഫീഷ്യൽസ് ആയും തിരഞ്ഞെടുത്തു. 21 അംഗങ്ങളുള്ള പാനലും, 100 മെമ്പർമാരുമുള്ള അസോസിയേഷനുമാണ് രൂപീകരിച്ചത്.

തിരുവനന്തപുരം : സമീപ കാലത്തെല്ലാം കോടിയേരി ബാലകൃഷ്ണന്റെ തട്ടകം എകെജി സെന്ററായിരുന്നു. നേരരെ എതിർവശത്തെ ചിന്ത ഫ്‌ളാറ്റിലാണ് താമസമെങ്കിലും രാവിലെ മുതൽ രാത്രി വൈകുവോളം അദ്ദേഹം എകെജി സെന്റിലുണ്ടാകും. പാർട്ടിക്കാർക്കും അണികൾക്കുമെല്ലാം വേണ്ട നിർദ്ദേശങ്ങൾ നൽകികൊണ്ടും വായനയുമായും. കാണാനെത്തുന്നവരെ എല്ലാം ചെറിയ പുഞ്ചിരിയോടെ നേരിടും. കോടിയേരി ബാലകൃഷ്ണൻ ഇനി ഈ പടി കടന്നെത്തില്ലെന്ന വിഷമം ഉളളിലൊതുക്കിയാണ് എ.കെ.ജി സെന്ററിലെ ജീവനക്കാർ കോടിയേരിയുടെ മരണവിവരം ഉൾക്കൊണ്ടത്. നിറഞ്ഞ കണ്ണുകളോടെ നിരവധി പേരാണ് സെന്റിലേക്ക് എത്തിയത്. പലരും അവിടെ എത്തുന്നത് […]

ബഹ്‌റൈൻ : ഐ.വൈ.സി.സി ബഹ്‌റൈന്റെ ചരിത്രത്തിൽ ആദ്യമായി ഏരിയാ കമ്മറ്റികൾ തമ്മിലുള്ള എവറോളിങ് ട്രോഫി വോളിബോൾ ടൂർണമെന്റ് ഹിദ്ദ്-അറാദ് ഏരിയ കമ്മിറ്റി മിഡിൽ ഈസ്റ്റ് മെഡിക്കൽ സെൻറർ ഹിദ്ദ്മായി ചേർന്ന് നബി സേലാ സ്പോർട്സ് ക്ലബിൽ സംഘടിപ്പിച്ചു. ഐ.വൈ.വൈ.സി ദേശിയ പ്രസിഡന്റ് ജിതിൻ പരിയാരം ടൂർണമെന്റിന്റെ ഉൽഘാടനം നിർവഹിച്ചു. ഐ.വൈ.വൈ.സി യിലെ ഒൻപത് ഏരിയ കമ്മറ്റികളുടെ മാറ്റുരച്ച ടൂർണമെന്റിൽ അബ്ദുൽ ഹസീബിന്റെ നേതൃത്വത്തിൽ ടുബ്‌ളി-സൽമാബാദ് ഏരിയ കമ്മറ്റിയും ജെയ്‌സ് ജോയിയുടെ നേതൃത്വത്തിൽ ഹിദ്ദ്-അറാദ് ഏരിയ കമ്മറ്റിയും ഫൈനലിൽ […]

error: Content is protected !!