വാദിനൂർ ഹാജിമാർക്ക് സ്വീകരണം നൽകി

റിയാദ്: സമസ്‌ത ഇസ്ലാമിക് സെന്റർ റിയാദ് വാദിനൂർ ഹജ് ഉംറ സർവീസ് വിശുദ്ധ ഹജ്ജ് കർമ്മം കഴിഞ്ഞ് തിരിച്ചെത്തിയവർക്ക് സ്വീകരണം നൽകി. കെ എം സി സി ഓഫീസിൽ വെച്ച് നടന്ന പരിപാടി എസ് ഐ സി റിയാദ് പ്രൊവിൻസ് ട്രഷറർ കബീർ വൈലത്തൂർ ഉദ്ഘാടനം ചെയ്തു. സെൻട്രൽ കമ്മിറ്റി ട്രഷറർ റസാഖ് വളക്കൈ അധ്യക്ഷനായിരുന്നു. വാദിനൂർ ചീഫ് അമീർ ബഷീർ ഫൈസി ചുങ്കത്തറ പ്രാർത്ഥനക്ക് നേതൃത്വം കൊടുത്തു.

സുബൈർ ഹുദവി, മൻസൂർ വാഴക്കാട്, ഗഫൂർ ചുങ്കത്തറ തുടങ്ങിയവർ പ്രസംഗിച്ചു. ലക്ഷക്കണക്കിന് തീർത്ഥാടകർ എത്തിക്കൊണ്ടിരുന്ന സ്ഥാനത്ത് ഈ വർഷവും കോവിഡ് സാഹചര്യത്തിൽ 60000 ആളുകൾക്ക് മാത്രം അവസരം നല്കപ്പെട്ടതിൽ തങ്ങൾക്കും ഉൾപ്പെടാൻ കഴിഞ്ഞത് വലിയ ഭാഗ്യമാണെന്നും നിയന്ത്രണങ്ങളുടെ ഭാഗമായി ഗവൺമെൻറ് ഏർപ്പെടുത്തിയ സൗകര്യങ്ങൾ ഏറെ പ്രശംസനീയമാണെന്നും ഹാജിമാർ തങ്ങളുടെ അനുഭവങ്ങൾ പങ്കുവെക്കുന്നതിനിടയിൽ പറഞ്ഞു. അബ്ദുറഹ്മാൻ ഫറോക്ക് സ്വാഗതവും മഷ്ഹൂദ് കൊയ്യോട് നന്ദിയും പറഞ്ഞു.