പഴങ്ങള്‍ കൃത്യമായ രീതിയില്‍ കഴിച്ചാല്‍ നമ്മളുടെ ശരീരത്തിന് നിരവധി ഗുണങ്ങളാണ് ലഭിക്കുന്നത്; പഴങ്ങള്‍ എങ്ങനെയാണ് കഴിക്കേണ്ടത് എന്ന് നോക്കാം..

പഴങ്ങള്‍ പലരീതിയില്‍ കഴിക്കുന്നവരുണ്ട്. കൃത്യമായ രീതിയില്‍ കഴിച്ചാല്‍ നമ്മളുടെ ശരീരത്തിന് നിരവധി ഗുണങ്ങളാണ് ലഭിക്കുന്നത്. ഇത്തരത്തില്‍ പഴങ്ങള്‍ എങ്ങിനെയാണ് കഴിക്കേണ്ടത് എന്ന് നോക്കാം..

1. ഒരു പഴം മാത്രം കഴിക്കാതിരിക്കാം

നമുക്ക് ലഭ്യമായിട്ടുള്ള പഴങ്ങള്‍, പ്രത്യേകിച്ച് നമ്മളുടെ ചുറ്റുവട്ടത്ത് കിട്ടുന്ന എല്ലാതരം പഴങ്ങളും നിങ്ങളുടെ ആഹാരത്തില്‍ ഉള്‍പ്പെടുത്തുന്നത് വളരെ നല്ല കാര്യമാണ്. എന്നാല്‍ മാത്രമാണ് നിങ്ങള്‍ക്ക് വേണ്ടത് രീതിയില്‍ നല്ല പോഷകങ്ങള്‍ ലഭിക്കുകയുള്ളൂ. നമ്മള്‍ ഒരു പഴം മാത്രം കഴിക്കാന്‍ തിരഞ്ഞെടുത്താല്‍ അതില്‍ നമ്മളുടെ ആരോഗ്യത്തിന് വേണ്ട കൃത്യമായ പോഷകങ്ങള്‍ ഉണ്ടായെന്ന് വരില്ല. അതിനാല്‍, പല പഴങ്ങള്‍ മിക്‌സ് ചെയ്ത് സാലഡ് പോലെയോ, അല്ലെങ്കില്‍ ഒരു ദിവസം തന്നെ വ്യത്യസ്ത പഴങ്ങള്‍ കഴിക്കാന്‍ ശ്രമിക്കുന്നത് നല്ലതാണ്.

2. പഴങ്ങളുടെ തൊലി കളയാതെ കഴിക്കാം

ആപ്പിള്‍ പോലെയുള്ള പഴങ്ങളില്‍ തൊലിയിലാണ് കൂടുതല്‍ ഗുണം അടങ്ങിയിരിക്കുന്നത്. ഇതിന്റെയെല്ലാം തൊലിയില്‍ ആന്റിഓക്‌സിഡന്റ്‌സും വിറ്റാമിന്‍സും അടങ്ങിയിട്ടുണ്ട്. അതിനാല്‍ ഇത്തരം പഴങ്ങള്‍ കഴിക്കുമ്പോള്‍ തൊലി കളയാതെ കഴിക്കുന്നതാണ് നല്ലത്. ഇത്തരത്തില്‍ കഴിക്കുന്നതിലൂടെ നിങ്ങളുടെ ശരീരത്തിലേയ്ക്ക് കൃത്യമായി നാരുകള്‍ എത്തുകയും ശരീരത്തിന് വേണ്ട ഗുണം ലഭിക്കുകയും ചെയ്യും.

3. ജ്യൂസ് അടിച്ച് കുടിക്കാതിരിക്കാം

മിക്കവരും എളുപ്പത്തിനായി പഴങ്ങള്‍ ജ്യൂസ് അടിച്ച് കുടിക്കും. ജ്യൂസ് അടിച്ച് കുടിക്കുന്നത് അല്ലെങ്കില്‍ സ്മൂത്തി ഉണ്ടാക്കി കഴിക്കുന്നത് ആരോഗ്യത്തിന് നല്ലതാണ് എന്ന് വിശ്വസിക്കുന്നവരുണ്ട്. എന്നാല്‍, നിങ്ങള്‍ പഴങ്ങള്‍ ഒരിക്കലും ജ്യൂസ് അടിച്ച് കുടിക്കാനായി വാങ്ങരുത്. പഴങ്ങള്‍ എല്ലായാപ്പോഴും നന്നായി ചവചരച്ച് കഴിക്കുന്നതാണ് നല്ലത്. എന്നാല്‍ മാത്രമാണ് ഇതിലെ നാരുകളും വിറ്റാമിന്‍സും നമ്മളുടെ ശരീരത്തിലേയ്ക്ക് എത്തുകയുള്ളൂ. എന്നാല്‍, ജ്യൂസ് അടിക്കുമ്പോള്‍ ഇവയെല്ലാം നഷ്ടപ്പെടുകയാണ് ചെയ്യുന്നത്.

4. പ്രോട്ടീന്‍ അടങ്ങിയ ആഹാരവും ഒപ്പം ചേര്‍ക്കാം

ചില പഴങ്ങളില്‍ അമിതമമായി മധുരം അടങ്ങിയിട്ടുണ്ടാകും. അതിനാല്‍ തന്നെ നമ്മള്‍ അമിതമായി കഴിച്ചാല്‍ നമ്മളുടെ ശരീരത്തിലെ ഗ്ലൂക്കോസ് ലെവല്‍ കൂട്ടുകയും ഇത് പ്രമേഹം പോലെയുള്ള ആരോഗ്യ പ്രശ്‌നത്തിലേയ്ക്ക് നയിക്കുകയും ചെയ്യും. അതിനാല്‍, ഇത് കുറയ്ക്കുന്നതിനായി മധുരം അമിതമായി അടങ്ങിയിട്ടുള്ള പഴങ്ങള്‍ കഴിക്കുന്നതിനോടൊപ്പം തന്നെ പ്രോട്ടീന്‍ അടങ്ങിയ ഭക്ഷ്യവസ്തുക്കളും കഴിക്കേണ്ടത് അനിവാര്യമാണ്.