മുഖക്കുരു മൂലം ബുദ്ധിമുട്ടുന്നവർക്കായി അല്പം വീട്ടുവൈദ്യമായാലോ? ഈ ഉപായങ്ങള്‍ പരീക്ഷിച്ചു നോക്കൂ....

കൗമാരക്കാരായ കുട്ടികളില്‍ കാണുന്ന പ്രധാന പ്രശ്നമാണ് മുഖക്കുരു.    ഒരിക്കലെങ്കിലും മുഖക്കുരു വരാത്തവര്‍ ഉണ്ടാവില്ല, എന്നാല്‍,  മുഖക്കുരു  ചിലര്‍ക്ക് ഗുരുതരമായ  ചര്‍മ്മ പ്രശ്നമായി മാറാറുണ്ട്. മുഖത്തിന്‍റെ ഭംഗി നഷ്ടപ്പെടുന്നത്  നമ്മുടെ  ആത്മവിശ്വാസത്തെ പോലും ബാധിക്കാറുണ്ട്.

നാരങ്ങ നാരങ്ങ നീരിൽ ധാരാളം വിറ്റാമിൻ സി  അടങ്ങിയിട്ടുണ്ട്.  ഇത് ചർമ്മത്തിന് വളരെയധികം ഗുണം ചെയ്യും. മുഖക്കുരുവിന് ഇത് നല്ല  ഒരു  പ്രതിവിധിയാണ്.

ഓറഞ്ച്  ഓറഞ്ച് തൊലികളിൽ വിറ്റാമിൻ സി ധാരാളം അടങ്ങിയിട്ടുണ്ട്. ഇത്  ചർമ്മത്തെ ശുദ്ധീകരിക്കുന്നു. മുഖക്കുരു കുറയ്ക്കാന്‍ സഹായിക്കുന്ന ആന്‍റി  ബാക്ടീരിയല്‍  ഗുണങ്ങളും ഇതിന് ഉണ്ട്. ഓറഞ്ച് തൊലി ഉണക്കി പൊടിച്ച് കുഴമ്പു പരുവത്തിലാക്കി  മുഖത്ത് പുരട്ടാം.  15 മിനിറ്റിനു ശേഷം  കഴുകിക്കളയാം..

കറ്റാർ വാഴയും പപ്പായയും മുഖക്കുരു പ്രശ്‌നം നിങ്ങളെ അലട്ടുന്നുണ്ടെങ്കിൽ,  കറ്റാർ വാഴയും പപ്പായയും ചേർത്ത മിശ്രിതം  മുഖത്ത് പുരട്ടുന്നത്  ചർമ്മത്തിന് ഈർപ്പം നൽകുകയും മുഖക്കുരു പ്രശ്‌നത്തിൽ നിന്ന് മോചനം നല്‍കുകയും ചെയ്യും. ഇത് മുഖത്തിന് തിളക്കവും നൽകുന്നു.