ശ്വാസകോശ അർബുദത്തിന്റെ ലക്ഷണങ്ങൾ എന്തൊക്കെയാണെന്നറിയാം...

ശ്വാസകോശത്തിലോ ചുറ്റുപാടിലോ ട്യൂമർ വളരുന്ന ഒരു രോഗമാണ് ശ്വാസകോശാർബുദം. ഇന്ത്യയിൽ, മൊത്തം 8.1 ശതമാനം കാൻസർ മരണങ്ങളിൽ 5.9 ശതമാനവും ശ്വാസകോശാർബുദം മൂലം സംഭവിക്കുന്നു. ഇത് നിലവിൽ രാജ്യത്ത് നാലാമത്തെ ക്യാൻസറാണ്. ജലദോഷം, പനി അല്ലെങ്കിൽ ആസ്ത്മ എന്നിവയ്‌ക്കൊപ്പം അതിന്റെ ലക്ഷണങ്ങൾ സമാനമായതിനാൽ പലതവണ രോഗം ശ്രദ്ധിക്കപ്പെടാതെ പോകുന്നു. മലിനീകരണം, തൊണ്ടവേദന, ജലദോഷം അല്ലെങ്കിൽ പനി എന്നിവ കാരണം ചുമ ഉണ്ടാകാം. ഇത് മൂന്നാഴ്ചയോ അതിൽ കൂടുതലോ നീണ്ടുനിൽക്കുകയാണെങ്കിൽ അത് ശ്വാസകോശ അർബുദത്തിന്റെ ലക്ഷണമായതിനാൽ ഒരു ഡോക്ടറെ സമീപിക്കണം. ഈ രോഗത്തിന് പ്രാരംഭ ലക്ഷണങ്ങളൊന്നുമില്ല. അതിനാൽ സമയബന്ധിതമായ രോഗനിർണയത്തിനും ചികിത്സയ്ക്കുമുള്ള പ്രത്യേകതകൾ ഓർമ്മിക്കേണ്ടത് അത്യന്താപേക്ഷിതമാണ്.

നഖങ്ങളുടെ ആകൃതിയിലുള്ള മാറ്റം ശ്വാസകോശ ക്യാൻസറിന്റെ പ്രധാന ലക്ഷണമായി ചൂണ്ടിക്കാട്ടുന്നത്. വിരലുകളുടെയും നഖങ്ങളുടെയും ആകൃതിയിലുള്ള ചില മാറ്റങ്ങളെ ഫിംഗർ ക്ലബിംഗ്, ഡിജിറ്റൽ ക്ലബിംഗ് അല്ലെങ്കിൽ ഹിപ്പോക്രാറ്റിക് ഫിംഗർ എന്നും അറിയപ്പെടുന്നു. ഇത് ശ്വാസകോശ ക്യാൻസറിന്റെ പ്രധാപ്പെട്ട ചില ലക്ഷണമാണെന്നും ഡോക്ടർമാർ പറയുന്നു.

സ്ഥിരമായ ശ്വാസതടസ്സം
വിശപ്പില്ലായ്മ
ശരീരഭാരം കുറയുക
ആവർത്തിച്ചുള്ള നെഞ്ചിലെ അണുബാധ
അമിത ക്ഷീണം
ശ്വാസം മുട്ടൽ
മുഖത്തോ കഴുത്തിലോ വീക്കം
വിഴുങ്ങാൻ ബുദ്ധിമുട്ട്
നിരന്തരമായ നെഞ്ച് അല്ലെങ്കിൽ തോളിൽ വേദന