ആര്‍ത്രൈറ്റിസ് പോലുള്ള പ്രശ്‌നങ്ങള്‍ക്ക് പരിഹാരം കാണുന്നതിന് സഹായിക്കുന്ന ചില യോഗ പോസുകള്‍ ഉണ്ട്; അവ ഏതൊക്കെയെന്ന് നോക്കാം..

തണുപ്പിന്റെ ഫലമായി തണുത്ത കാറ്റുകള്‍ പേശികള്‍ ദൃഢമാക്കുന്നു. കൂടാതെ ഈ സംയുക്ത പേശികളെല്ലാം പലപ്പോഴും കൂടുതല്‍ പിരിമുറുക്കമുള്ളതും അല്ലാത്ത പക്ഷം ഇറുകിയതുമായതായി അനുഭവപ്പെടുന്നു. പ്രത്യേകിച്ച് നിങ്ങള്‍ക്ക് ആര്‍ത്രൈറ്റിസ് പോലുള്ള പ്രശ്‌നങ്ങള്‍ ഉണ്ടെങ്കില്‍ അത് കൂടുതല്‍ നിങ്ങളുടെ സന്ധികളെ ഈ സമയം വേദനിപ്പിക്കുന്നു. അതിന് പരിഹാരം കാണുന്നതിന് സഹായിക്കുന്ന ചില യോഗ പോസുകള്‍ ഉണ്ട്. അവ ഏതൊക്കെയെന്ന് നോക്കാം..

ബാലാസനം..

ബാലാസനം ചെയ്യുന്നത് ആരോഗ്യത്തിന് വളരെയധികം സഹായിക്കുന്നതാണ്. ഇതില്‍ വിശ്രമം നല്‍കുന്ന ഒരു പോസാണ് ബാലാസനം. ഇതിലൂടെ നടുവേദന പോലുള്ള പ്രശ്‌നങ്ങള്‍ക്ക് പെട്ടെന്ന് പരിഹാരം കാണാം എന്ന് മാത്രമല്ല ഇത് നിങ്ങളുടെ അടിസ്ഥാനപരമായ ആരോഗ്യത്തിനെ വര്‍ദ്ധിപ്പിക്കുന്നതിനും സഹായിക്കുന്നു. ഈ പോസ് ചെയ്യുന്നതിന് വേണ്ടി ആദ്യം തറയില്‍ മുട്ടുകുത്തി ഇരിക്കുക.

അതിന് ശേഷം നിങ്ങളുടെ ശരീരം മുന്നോട്ട് കുനിഞ്ഞ് കൈകള്‍ രണ്ടും നീട്ടി മുന്നിലേക്ക് വെക്കുക. പിന്നീട് കാലുകളുടെ ഉപ്പൂറ്റിയില്‍ നിതംബം ഉറപ്പിച്ച് നിര്‍ത്താന്‍ ശ്രമിക്കാവുന്നതാണ്. ഇതിലൂടെ നിങ്ങള്‍ക്ക് നട്ടെല്ലിന്റേയും മറ്റ് സന്ധികളുടേയും ആരോഗ്യം സംരക്ഷിക്കാം. അതിലുപരി മുട്ടുവേദന പോലുള്ള പ്രശ്‌നങ്ങളെ പരിഹരിക്കുകയും ചെയ്യാം. പിന്നീട് പൂര്‍വ്വ സ്ഥാനത്തേക്ക് വന്ന് വിശ്രമിക്കണം.

മകര അധോ മുഖ ശ്വനാസനം..

ഈ യോഗാസനം ചെയ്യുന്നത് നിങ്ങളിലെ ഓസ്റ്റിയോപൊറോസിസ് തടയുകയും തണുത്ത കാലാവസ്ഥയില്‍ ഉണ്ടാവുന്ന സന്ധി വേദന, മുട്ടുവേദന പോലുള്ള പ്രശ്‌നങ്ങള്‍ക്ക് പരിഹാരം കാണുന്നതിന് സഹായിക്കുകയും ചെയ്യുന്നു. ഇത് നിങ്ങളുടെ കൈകള്‍, കോര്‍ പേശികള്‍, അടിവയര്‍, നെഞ്ച്, താഴത്തെ പുറംഭാഗം, കാലുകള്‍ എന്നിവ ശക്തിപ്പെടുത്തുന്നതിന് സഹായിക്കുന്നു.

ഈ പോസ് ചെയ്യുമ്പോള്‍ എങ്ങനെ ചെയ്യാം എന്ന് നമുക്ക് നോക്കാം. പ്ലാങ്ക് ചെയ്യുന്ന രീതിക്ക് കണക്കായാണ് ഇത് ചെയ്യുന്നത്.ഈ പോസ് ചെയ്യുന്നതിന് വേണ്ടി നിങ്ങള്‍ പ്ലാങ്ക് പോസില്‍ നിന്നാല്‍ മതി. അതിന് ശേഷം നോട്ടം തറയിലേക്ക് ആയിരിക്കണം എന്നതാണ് ശ്രദ്ധിക്കേണ്ട കാര്യം. ഇത് കൂടാതെ ശരീരത്തിന്റെ ബാലന്‍സ് നിലനിര്‍ത്തുന്നതിനും ശ്രദ്ധിക്കണം. ഈ പോസില്‍ സ്വാഭാവികമായ ശ്വാസതടസ്സം നടത്തിക്കൊണ്ടിരിക്കണം.