ആസ്ത്മയുള്ളവർ തണുപ്പ്കാലത്ത് ശ്രദ്ധിക്കേണ്ട കാര്യങ്ങൾ എന്തൊക്കെയാണെന്ന് നോക്കാം..

ആസ്ത്മ രോഗികൾ ഏറെ ശ്രദ്ധിക്കേണ്ട ഒന്നാണ് തണുപ്പ്കാലം. തണുത്തതും വരണ്ടതുമായ ശൈത്യകാല വായു ശ്വാസനാളത്തെ പ്രകോപിപ്പിക്കും. പൊടി, പൂപ്പൽ, വളർത്തുമൃഗങ്ങളുടെ പൊടി, പാറ്റയുടെ കാഷ്ഠം എന്നിവയെല്ലാം ആസ്ത്മയ്ക്ക് കാരണമാകുന്നു. ആസ്ത്മ ലക്ഷണങ്ങൾ നിയന്ത്രിക്കുന്നതിന് ഉചിതമായ നടപടികൾ സ്വീകരിക്കുക. മരുന്ന് അല്ലെങ്കിൽ ഇൻഹേലറുകൾ സൂക്ഷിക്കുക.

ശൈത്യകാലത്ത് ആസ്ത്മ ലക്ഷണങ്ങൾ കൈകാര്യം ചെയ്യുന്നതിന്..

• ആസ്ത്മ മരുന്നുകൾ എപ്പോഴും നിങ്ങളുടെ പക്കൽ സൂക്ഷിക്കുക. അത് എക്‌സ്പിയറി ഡേറ്റ് കഴിഞ്ഞിട്ടില്ല ഉറപ്പ് വരുത്തുക.
• കോട്ടൺ വസ്ത്രങ്ങൾ ധരിക്കുക. തണുത്ത വായുവിൽ നിന്ന് സംരക്ഷിക്കാൻ ഒരു സ്കാർഫ് ഉപയോഗിച്ച് വായും മൂക്കും മൂടുക.
• അന്തരീക്ഷ മലിനീകരണം കൂടുതലുള്ള സമയങ്ങളിൽ പുറത്തെ ജോലികൾ ഒഴിവാക്കുക. ശ്വാസതടസ്സം, ചുമ, ശ്വാസംമുട്ടൽ തുടങ്ങിയ ആസ്ത്മ ലക്ഷണങ്ങൾ അനുഭവപ്പെടുകയാണെങ്കിൽ ഉടൻ തന്നെ ഡോക്ടറെ കാണുക.
• കൈകൾ ഇടയ്ക്കിടെ കഴുകാൻ ശ്രദ്ധിക്കുക. രോഗികളുമായി അടുത്തിടപഴകുന്നത് ഒഴിവാക്കി ശ്വാസകോശ സംബന്ധമായ അണുബാധകൾ പരമാവധി ഒഴിവാക്കാൻ ശ്രമിക്കുക.
• ഇൻഫ്ലുവൻസയ്ക്കും കൊവിഡ് ബൂസ്റ്റർ ഡോസിനും വാക്സിനേഷൻ എടുക്കണം.
• തിരക്കേറിയ സ്ഥലങ്ങളിൽ മാസ്ക് ധരിക്കുക.

നിങ്ങൾ ആസ്ത്മയ്ക്ക് മരുന്ന് കഴിക്കുന്നവരാണെങ്കിൽ മരുന്നുകളും ഇൻഹേലറുകളും നിർദ്ദേശിച്ചിട്ടുണ്ടെങ്കിൽ, നിർദ്ദേശിച്ച പ്രകാരം ഇൻഹേലറുകൾ എടുക്കുക. അവ ഒഴിവാക്കരുത്. നിങ്ങൾ ആസ്ത്മ രോഗിയാണെങ്കിൽ ശൈത്യകാലത്ത് ഇൻഹേലറുകൾ ഉപയോഗിക്കുന്നത് തുടരുക.