പ്രമേഹം വന്നാല്‍ അതിനെ നിയന്ത്രിച്ച് നിര്‍ത്താന്‍ സഹായിക്കുന്ന ചില പ്രത്യേക വഴികളുണ്ട്; പ്രമേഹത്തിന് പരിഹാരമാകുന്ന ചില ഇലകളെ പരിചയപ്പെടാം..

പ്രമേഹത്തിന് കാരണമായി വരുന്നത് ഭക്ഷണ, വ്യായാമക്കുറവും പാരമ്പര്യവും പിന്നെ ചില ജീവിത ശൈലികളുമെല്ലാമാണ്. പ്രമേഹം വന്നാല്‍ ഇതിന് നിയന്ത്രിച്ച് നിര്‍ത്താന്‍ സഹായിക്കുന്ന ചില പ്രത്യേക വഴികളുണ്ട്. പ്രമേഹത്തിന് പരിഹാരമായി ചില ഇലകള്‍ ഗുണകരമാണ്. ഇത്തരത്തില്‍ ചിലതിനെ കുറിച്ചറിയൂ.

• കറിവേപ്പില

ഇതില്‍ ഒന്നാണ് കറിവേപ്പില. എന്‍സിബിഐ റിപ്പോര്‍ട്ട് അനുസരിച്ച് രക്തത്തിലെ ഉയര്‍ന്ന ഷുഗര്‍ തോത് കുറയ്ക്കാന്‍ കറിവേപ്പില നല്ലതാണ്. ശരീരത്തിലെ പഞ്ചസാരയുടെ ആഗിരണം മന്ദഗതിയിലാക്കാനും അതുവഴി രക്തത്തിലെ പഞ്ചസാരയുടെ അളവ് നിയന്ത്രിക്കാനും ഇവ സഹായിക്കും. ഇത് കറികളില്‍ ചേര്‍ക്കുകയോ ഇതിട്ട് തിളപ്പിച്ച വെള്ളം കുടിയ്ക്കുകയോ ചെയ്യാം.

• പേരയില

പേര ഇല മറ്റൊരു പരിഹാരമാണ്. ഇത് രക്തത്തിലെ ഷുഗര്‍ തോത് കുറയ്ക്കാന്‍ സഹായിക്കുന്ന ഒന്നാണ്. പേരയിലകൾ പ്രകൃതിദത്താ ആൻറി ഇൻഫ്ളമേറ്ററി ഗുണങ്ങളാൽ സമ്പന്നമാണ്. സുക്രോസ്, മാൾട്ടോസ് എന്നു പേരുള്ള രണ്ട് തരം ഷുഗർ പ്രശ്നങ്ങളെ കൈകാര്യം ചെയ്യാൻ ഇത് ശരീരത്തെ പ്രാപ്തമാക്കുന്നു. നമ്മൾ കഴിച്ച ഭക്ഷണത്തിലൂടെ ശരീരത്തിലെത്തുന്ന കാർബോഹൈഡ്രേറ്റുകൾ ദഹനനാളത്തിൽ വച്ച് ഗ്ലൂക്കോസായി മാറുന്ന പ്രവർത്തനത്തെ പ്രതിരോധിക്കാൻ പേരയില സഹായിക്കുന്നു.

• മാവില

മറ്റൊന്നാണ് മാവില. ഇതിലെ പെക്ടിൻ, ഫൈബർ, വൈറ്റമിൻ സി എന്നിവ പ്രമേഹത്തിനുളള മരുന്നാണ്. ഇത് രക്തത്തിലെ ഗ്ലൂക്കോസ് തോത് കുറയ്ക്കാൻ സഹായിക്കുന്നു. 100 മുതൽ 150 മില്ലി ലിറ്റർ വെള്ളത്തിൽ 15 പുതിയ മാവിലകൾ ഇട്ട് തിളപ്പിക്കുക. ഈ മിശ്രിതം രാത്രി മുഴുവൻ വച്ചതിന് ശേഷം, അടുത്ത ദിവസം പ്രഭാതഭക്ഷണത്തിന് മുമ്പ് കുടിക്കുക.