മുഖസൗന്ദര്യത്തിന് തക്കാളി ഫലപ്ര​ദമായി ഉപയോ​ഗിക്കേണ്ട രീതികൾ അറിയാം..

ആരോ​ഗ്യത്തിന് മാത്രമല്ല സൗന്ദര്യ സംരക്ഷണത്തിനും തക്കാളി ഏറെ ഫലപ്രദമാണ്. കാരണം അതിലെ ആന്റിഓക്‌സിഡന്റ് ഉള്ളടക്കം സുഷിരങ്ങൾ കുറയ്ക്കൽ, ബ്ലാക്ക്‌ഹെഡ് നീക്കംചെയ്യൽ, കൊളാജൻ രൂപീകരണം എന്നിവയുൾപ്പെടെ വിവിധ ചർമ്മ പ്രശ്‌നങ്ങളിൽ പ്രവർത്തിക്കുന്നു.ടാനിംഗ് തടയുക, എണ്ണ ഉൽപാദനം നിയന്ത്രിക്കുക എന്നിവയ്ക്കെല്ലാം തക്കാളി ഏറെ ​ഗുണം ചെയ്യും. മിക്ക ആളുകളെയും ബാധിക്കുന്ന ഒരു ചർമ്മ പ്രശ്നമാണ് മുഖക്കുരു. സാധാരണഗതിയിൽ, ചർമ്മത്തിലെ സുഷിരങ്ങളോ ബാക്ടീരിയകളോ അടഞ്ഞിരിക്കുന്ന എണ്ണയാണ് ഇതിന് പ്രധാന കാരണം. വിറ്റാമിനുകൾ എ, സി, കെ എന്നിവ തക്കാളിയിൽ കാണപ്പെടുന്നു. അവയ്ക്ക് ആഴത്തിലുള്ള ശുദ്ധീകരണ സവിശേഷതകളും ഉണ്ട്. ചർമ്മത്തിന്റെ പിഎച്ച് നില സന്തുലിതമായി നിലനിർത്താൻ തക്കാളി സഹായിക്കുന്നു.

ഒന്ന്...

തക്കാളിയുടെ നീര് ചർമത്തിൽ തേച്ചുപിടിപ്പിച്ച് 15 മിനിറ്റിനു ശേഷം തണുത്ത വെള്ളം ഉപയോഗിച്ച് കഴുകിക്കളയുക. ഇങ്ങനെ ഒരാഴ്ചയെങ്കിലും ചെയ്യുകയാണെങ്കിൽ ചർമത്തിലെ പഴയ കോശങ്ങൾ നീക്കം ചെയ്ത്, തക്കാളിയിലെ വിറ്റാമിൻ സി വഴി മുഖത്തിന് തിളക്കം ലഭിക്കും.

രണ്ട്...

രണ്ട് ടീസ്പൂൺ തക്കാളി ജ്യൂസും രണ്ട് ടീസ്പൂൺ വെള്ളരിക്ക ജ്യൂസും ചേർത്ത് മിക്സ് ചെയ്ത് മുഖത്തിടുക. 15 മിനുട്ട് ഇട്ട് ശേഷം തണുത്ത വെള്ളത്തിൽ കഴുകി കളയുക. ആഴ്ചയിൽ രണ്ടോ മൂന്നോ തവണ ഈ പാക്ക് ഇടാം. മുഖകാന്തി വർദ്ധിപ്പിക്കാൻ ഈ പാക്ക് ​ഗുണം ചെയ്യും.