നല്ല രീതിയിലുള്ള ഉറക്കം ലഭിക്കാത്തത് വിവിധ ആരോ​ഗ്യപ്രശ്നങ്ങൾക്ക് കാരണമാകും; കൂടുതലറിയാം...

ആരോ​ഗ്യമുള്ള ശരീരത്തിന് ഏറ്റവും പ്രധാനപ്പെട്ടതാണ് നല്ല ഉറക്കം ലഭിക്കുക എന്നത്. ദിവസവും രാത്രി 7-8 മണിക്കൂർ ഉറങ്ങുന്നത് പല ആരോഗ്യപ്രശ്നങ്ങളെയും അകറ്റി നിർത്തുന്നിത് സഹായിക്കും. പ്രത്യേകിച്ച് ക്യാൻസർ, പ്രമേഹം, വിട്ടുമാറാത്ത വൃക്കരോഗം, കരൾ രോഗം, വിഷാദം, ഡിമെൻഷ്യ, പാർക്കിൻസൺസ് രോഗം, സന്ധിവാതം തുടങ്ങിയ വിട്ടുമാറാത്ത രോഗങ്ങൾ.

നല്ല ഉറക്കം മാനസികാവസ്ഥ മെച്ചപ്പെടുത്താനും സഹായിക്കുകയും പ്രതിരോധശേഷി ശക്തിപ്പെടുത്തുകയും ചെയ്യും. നല്ല രീതിയിലുള്ള ഉറക്കം ലഭിക്കാത്തത് വിവിധ ആരോ​ഗ്യപ്രശ്നങ്ങൾക്ക് കാരണമാകും. രാത്രി വെെകി ഉറങ്ങുക, അമിതമായ അത്താഴം കഴിക്കുക, മണിക്കൂറുകളോളം ഫോൺ ഉപയോ​ഗിക്കുക, ഉദാസീനമായ ജീവിതശൈലി നയിക്കുക എന്നിവയെല്ലാം ഉറക്കത്തിന്റെ ഗുണനിലവാരം കുറയുന്നതിന് കാരണമാകുന്നു.