കൊളസ്ട്രോളിന്റെ അളവ് കുറയ്ക്കാനും ഹൃദ്രോഗ സാധ്യത കുറയ്ക്കാനും സഹായിക്കും;ഈന്തപ്പഴം കഴിച്ചാലുള്ള ആരോ​ഗ്യ​ഗുണങ്ങൾ എന്തൊക്കെയാണെന്ന് നോക്കാം...

എല്ലുകളുടെ ആരോഗ്യത്തിന് ആവശ്യമായ പൊട്ടാസ്യം, മഗ്നീഷ്യം, മാംഗനീസ് തുടങ്ങിയ ധാതുക്കളുടെ നല്ല ഉറവിടമാണ് ഈന്തപ്പഴം. ഈ ധാതുക്കൾ അസ്ഥികളുടെ സാന്ദ്രതയും ശക്തിയും നിലനിർത്താൻ സഹായിക്കുന്നു, ഓസ്റ്റിയോപൊറോസിസ് സാധ്യത കുറയ്ക്കുന്നു. ഈന്തപ്പഴം ഊർജ്ജത്തിന്റെ സ്വാഭാവിക ഉറവിടമാണ്. അവയിൽ ഗ്ലൂക്കോസ്, ഫ്രക്ടോസ് തുടങ്ങിയ പ്രകൃതിദത്ത പഞ്ചസാരകൾ അടങ്ങിയിട്ടുണ്ട്. അവ ശരീരം വേഗത്തിൽ ആഗിരണം ചെയ്യുകയും ഊർജ്ജം വർദ്ധിപ്പിക്കുകയും ചെയ്യുന്നു.

ഈന്തപ്പഴത്തിന് കുറഞ്ഞ ഗ്ലൈസെമിക് ഇൻഡക്‌സ് കുറവാണ്. അതായത് രക്തത്തിലെ പഞ്ചസാരയുടെ അളവ് കുറയ്ക്കുന്ന ഭക്ഷണമാണ്. ഈന്തപ്പഴം കഴിക്കുന്നത് ഇൻസുലിൻ സംവേദനക്ഷമത മെച്ചപ്പെടുത്താൻ സഹായിക്കുമെന്ന് പഠനങ്ങൾ തെളിയിച്ചിട്ടുണ്ട്. ഇത് പ്രമേഹമുള്ളവരിൽ രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കും. ഈന്തപ്പഴത്തിൽ കാൽസ്യം, ഇരുമ്പ്, പൊട്ടാസ്യം, പ്രോട്ടീൻ, മാംഗനീസ്, മഗ്നീഷ്യം, ഫോസ്ഫറസ്, ചെമ്പ്, സൾഫർ എന്നിവയും ഉൾപ്പെടുന്നു. ഇവയെല്ലാം ശരീരത്തിന്റെ പൊതുവായ പ്രവർത്തനം മെച്ചപ്പെടുത്താൻ സഹായിക്കുന്നു.