അസുഖങ്ങളോ ആരോഗ്യപ്രശ്നങ്ങളോ പിടിപെടുമ്പോള്‍ നിങ്ങള്‍ ശ്രദ്ധിക്കാതെ പോകുന്ന കാര്യങ്ങൾ എന്തൊക്കെയെന്ന് നോക്കാം...

'അനാരോഗ്യം അല്ലെങ്കില്‍ ആരോഗ്യപ്രശ്നങ്ങള്‍ എന്ന് പറയുമ്പോള്‍ അത് പലതുമാകാം. പിസിഒഎസ്, മുടി കൊഴിച്ചില്‍, മുഖക്കുരു, വണ്ണം കൂടുന്നത്, ദഹനക്കുറവ് തുടങ്ങി വിവിധ പ്രശ്നങ്ങള്‍ ഇത്തരത്തില്‍ വരാം. ഇതെല്ലാം നിങ്ങളെ വൈകാരികമായി ബാധിക്കും. പോകെപ്പോകെ ഇതുമൂലം കടുത്ത മാനസികസമ്മര്‍ദ്ദം അനുഭവിക്കുന്ന സാഹചര്യത്തിലേക്ക് നിങ്ങളെത്താം. ആരോഗ്യപ്രശ്നങ്ങള്‍ ഏതുമാകട്ടെ, അതിന് കാരണമുണ്ടാകാം. മിക്കവാറും ഭക്ഷണം മുതല്‍ വ്യായാമമില്ലായ്മ, ഉറക്കമില്ലായ്മ പോലുള്ള ജീവിതരീതികള്‍ തന്നെയാകാം കാരണങ്ങളായി വരുന്നത്.

'ആരോഗ്യപ്രശ്നങ്ങള്‍ വരുമ്പോള്‍ മനുഷ്യര്‍ക്ക് ദുര്‍ബലരാണെന്ന ചിന്തയുണ്ടാകുന്നു. തനിക്ക് ഇതൊന്നും പരിഹരിക്കാനുള്ള കഴിവില്ലെന്ന ബോധവും ശക്തമാകാം. ഇതൊടൊപ്പം തന്നെ സ്വയം മറ്റുള്ളവരുമായി താരതമ്യപ്പെടുത്തുക കൂടി ചെയ്തുശീലിക്കുകയാണെങ്കില്‍ കാര്യങ്ങള്‍ കൂടുതല്‍ അവതാളത്തിലാകും. തീര്‍ച്ചയായും ഇത് ബന്ധങ്ങളെയും തൊഴിലിനെയും സാമൂഹികജീവിതത്തെയുമെല്ലാം ബാധിക്കും. സ്ട്രെസ് ജീവിതത്തിന്‍റെ ഭാഗമായി മാറും.ഇക്കാരണങ്ങള്‍ കൊണ്ട് തന്നെ ആരോഗ്യപ്രശ്നങ്ങളോ അസുഖങ്ങളോ പിടിപെട്ടാല്‍ വൈകാതെ  അതിന് ചികിത്സ തേടാൻ ശ്രമിക്കണം. ഒരിക്കലും ശാരീരികാവസ്ഥയില്‍ അപകര്‍ഷതപ്പെട്ട് മുന്നോട്ട് പോകുന്ന അവസ്ഥയിലേക്ക് എത്താതിരിക്കാൻ ശ്രദ്ധിക്കുകയും വേണം.