സവാള ചീത്ത കൊളസ്ട്രോൾ കുറയ്ക്കാൻ സഹായിക്കുമോ?

സവാള കഴിക്കുന്നതിന്റെ ആരോഗ്യഗുണങ്ങളിൽ ഒന്ന് കൊളസ്ട്രോൾ കുറയ്ക്കുന്നു എന്നതാണ്. സവാളയുടെ ഉപഭോഗവും കൊളസ്ട്രോളും തമ്മിലുള്ള ബന്ധത്തെ കുറിച്ച് വിവിധ പഠനങ്ങൾ നടന്നിട്ടുണ്ട്. ചീത്ത കൊളസ്ട്രോളിന്റെ അളവ് കൂടുന്നത് വിവിധ ആരോഗ്യപ്രശ്നങ്ങൾക്ക് കാരണമാകും.ഇടുങ്ങിയ ധമനികളിൽ രക്തത്തിനും ഓക്സിജനും സ്വതന്ത്രമായി സഞ്ചരിക്കാൻ കഴിയില്ല. മറ്റ് ശരീരഭാഗങ്ങൾക്കൊപ്പം ഹൃദയാരോഗ്യത്തെ ബാധിച്ചേക്കാം. മോശം കൊളസ്‌ട്രോളിന് ധമനികളെ പൂർണ്ണമായും തടയാനുള്ള കഴിവുണ്ട്. അത് ഹൃദയാഘാത സാധ്യത കൂട്ടുന്നു. ആരോഗ്യകരമായ ഭക്ഷണക്രമവും ജീവിതശൈലിയും പിന്തുടരുന്നതിലൂടെ കൊളസ്ട്രോൾ അളവ് നിയന്ത്രിക്കാം.

സവാള കഴിക്കുന്നത് കൊളസ്ട്രോൾ കറയ്ക്കാൻ സഹായിക്കുമെന്ന് റോയൽ സൊസൈറ്റി ഓഫ് കെമിസ്ട്രി ജേണലായ ഫുഡ് ആൻഡ് ഫംഗ്ഷനിൽ പ്രസിദ്ധീകരിച്ച ഗവേഷണത്തിൽ പറയുന്നു. സവാള കൂടുതലായി കഴിക്കുന്ന ഹാംസ്റ്റർ ഗ്രൂപ്പുകളിൽ ഉയർന്ന അളവിലുള്ള “നല്ല കൊളസ്ട്രോൾ” നിലനിർത്തുമ്പോൾ ലോ ഡെൻസിറ്റി ലിപ്പോപ്രോട്ടീൻ അല്ലെങ്കിൽ എൽഡിഎൽ അളവ് കുറഞ്ഞുതായി കണ്ടെത്തി.

സവാള മൊത്തത്തിലുള്ള ഹൃദയാരോഗ്യത്തിന് അത്യുത്തമമാണ്. ഭക്ഷണത്തിൽ സവാള ചേർക്കുന്നതും ദഹനം വർദ്ധിപ്പിക്കും. സവാളയിൽ ആന്റി ഓക്സിഡൻറുകളും സംയുക്തങ്ങളും അടങ്ങിയിട്ടുണ്ട്. ഇത് വീക്കം തടയുകയും ട്രൈഗ്ലിസറൈഡുകൾ കുറയ്ക്കുകയും കൊളസ്ട്രോൾ കുറയ്ക്കുകയും ചെയ്യുന്നു. ഇവയെല്ലാം ഹൃദ്രോഗ സാധ്യത കുറയ്ക്കും. അവയുടെ ബാഹ്യാവിഷ്ക്കാര ഗുണങ്ങൾ ഉയർന്ന രക്തസമ്മർദ്ദം കുറയ്ക്കാനും രക്തം കട്ടപിടിക്കുന്നതിൽ നിന്ന് സംരക്ഷിക്കാനും സഹായിക്കും.

സവാളയിൽ സൾഫർ സംയുക്തങ്ങൾ അടങ്ങിയിട്ടുണ്ട്. ഇത് രക്തക്കുഴലുകളുടെ വീക്കം തടയാനും രക്തത്തിലെ പ്ലേറ്റ്‌ലെറ്റുകൾ കൂടിച്ചേരുന്നത് തടയാനും നൈട്രിക് ഓക്സൈഡിന്റെ ലഭ്യത വർദ്ധിപ്പിക്കാനും സഹായിക്കുമെന്ന് ശാസ്ത്രജ്ഞർ കരുതുന്നു. ഈ ഫലങ്ങളെല്ലാം രക്തപ്രവാഹത്തിന് എതിരെ സംരക്ഷിക്കാനും ധമനികളുടെ ആരോഗ്യം മെച്ചപ്പെടുത്താനും സഹായിച്ചേക്കാം