ഗ്രീൻപീസിന്റെ ആരോഗ്യ ഗുണങ്ങൾ എന്തൊക്കെയെന്ന് അറിയാം..

വിറ്റാമിൻ എ, വിറ്റാമിൻ സി, വിറ്റാമിൻ ഇ, വിറ്റാമിൻ കെ എന്നിവയുടെ മികച്ച ഉറവിടമാണ് ഗ്രീൻ പീസ്. സെലിനിയം, സിങ്ക്, ഫൈറ്റോ ന്യൂട്രിയന്റുകൾ, കരോട്ടിൻ, ല്യൂട്ടിൻ-സിയാക്സാന്തിൻ എന്നിവയാൽ സമ്പന്നമാണ്. ഗ്രീൻ പീസിന്റെ ആരോഗ്യ ഗുണങ്ങൾ എന്തൊക്കെയെന്ന് അറിയാം.

ഗ്രീൻ പീസിന്റെ ഗ്ലൈസെമിക് ഇൻഡക്സ് കുറവാണ്. കാരണം അവയിൽ ഉയർന്ന അളവിൽ നാരുകൾ അടങ്ങിയിട്ടുണ്ട്. ഇത് രക്തത്തിലെ കാർബോഹൈഡ്രേറ്റുകൾ തകർക്കുന്നതിനെ മന്ദഗതിയിലാക്കുന്നു. അതിനാൽ, പഞ്ചസാര വർധനവ് അനുഭവപ്പെടില്ല. കുറഞ്ഞ ജിഐ ഭക്ഷണങ്ങൾ ടൈപ്പ് 2 പ്രമേഹം തടയുന്നതിനും നിയന്ത്രിക്കുന്നതിനും ഗുണം ചെയ്യും. ഗ്രീൻപീസ് കഴിക്കുന്നതിന്റെ പ്രമേഹ വിരുദ്ധ ഫലങ്ങൾ മനസിലാക്കാൻ കൂടുതൽ പഠനങ്ങൾ ആവശ്യമാണ്.

ഇവയിൽ പ്രീബയോട്ടിക് പഞ്ചസാരയും നാരുകളും അടങ്ങിയിട്ടുണ്ട്, ഇത് ദഹനപ്രക്രിയയിൽ ഗുണം ചെയ്യും. ഇവയിലെ ഗാലക്ടോസ് ഒലിഗോസാക്രറൈഡുകൾ വൻകുടലിലെ ദഹനത്തെ സഹായിക്കുമെന്ന് കണ്ടെത്തി. പ്രീബയോട്ടിക് പഞ്ചസാര ദഹന സമയത്ത് പ്രോബയോട്ടിക് ബാക്ടീരിയകൾക്ക് തീറ്റയായി മാറുന്നു. ഈ പഞ്ചസാര ഉപയോഗിക്കാനും ശരീരത്തിന് ഗുണം ചെയ്യുന്ന ഉൽപ്പന്നങ്ങളാക്കി മാറ്റാനും ഇത് നല്ല ബാക്ടീരിയകളെ സഹായിക്കുന്നു. ദഹനനാളത്തിലൂടെയുള്ള ഭക്ഷണത്തിന്റെ ചലനത്തിന് നാരുകൾ സഹായിക്കുന്നു.

കൊളസ്‌ട്രോളിന്റെ അളവ് നിയന്ത്രിക്കുന്നത് ഹൃദയ സംബന്ധമായ അസുഖങ്ങൾ തടയാൻ സഹായിക്കും. ലോ ഡെൻസിറ്റി ലിപ്പോപ്രോട്ടീൻ അഥവാ എൽഡിഎൽ അധികമാകുന്നത് ശരീരത്തിന് ഹാനികരമാണ്. ഇത് ധമനികളെ അടയ്ക്കുകയും ഹൃദ്രോഗത്തിലേക്ക് നയിക്കുകയും ചെയ്യും. ഗ്രീൻ പീസിലെ ലയിക്കുന്ന നാരുകൾ ഹൃദ്രോഗ സാധ്യത കുറയ്ക്കും.

വിട്ടുമാറാത്ത വീക്കം, ഓക്സിഡേറ്റീവ് സമ്മർദം എന്നിവ ഹൃദയ സംബന്ധമായ തകരാറുകൾ, ന്യൂറോളജിക്കൽ ഡിസോർഡേഴ്സ്, കാൻസർ എന്നിവയിലേക്ക് നയിച്ചേക്കാം. അതിനാൽ, വീക്കം നിയന്ത്രിക്കുന്നതിന് പ്രായമാകുമ്പോൾ നമ്മുടെ ഭക്ഷണക്രമത്തിൽ ആന്റി-ഇൻഫ്ലമേറ്ററി ഭക്ഷണങ്ങൾ ഉൾപ്പെടുത്തണം. ഗ്രീൻ പീസിലെ ശക്തമായ ആന്റിഓക്‌സിഡന്റും ആന്റി-ഇൻഫ്ലമേറ്ററി ഗുണങ്ങളും ഓക്‌സിഡേറ്റീവ് നാശത്തെ ചെറുക്കുകയും കാൻസർ സാധ്യത കുറയ്ക്കാൻ സഹായിക്കുകയും ചെയ്യും.