നെല്ലിക്കയുടെ ആരോഗ്യഗുണങ്ങൾ എന്തൊക്കെയാണെന്ന് നോക്കാം

സാധാരണ വിറ്റമിന്‍ സി വര്‍ദ്ധിപ്പിക്കുന്നതിനായി പൊതുവില്‍ ഓറഞ്ച്, മുന്തിരി, അല്ലെങ്കില്‍ ചെറുനാരങ്ങ എന്നിവയാണ് കഴിക്കാറ്. എന്നാല്‍ നമ്മള്‍ ഒരു 20 ഓറഞ്ച് കഴിക്കുമ്പോള്‍ ലഭിക്കുന്ന വിറ്റമിന്‍ സി 100 ഗ്രാം നെല്ലിക്കയില്‍ ഉണ്ട് എന്നാണ് പറയുന്നത്. അതിനാല്‍ ദിവസേന നെല്ലിക്ക കഴിക്കുന്നവരില്‍ നല്ല രോഗപ്രതിരോധശേഷിയും നല്ല ആരോഗ്യവും കാണാന്‍ സാധിക്കുന്നതാണ്. നെല്ലിക്ക കഴിച്ചാല്‍ എന്തെല്ലാം ഗുണങ്ങളാണ് ലഭിക്കുന്നത് എന്ന് നോക്കാം.

ദഹനം കൃത്യമായി നടക്കാന്‍ സഹായിക്കുന്നതിനാല്‍ തന്നെ രക്തത്തില്‍ പഞ്ചസ്സാരയുടെ അളവ് വര്‍ദ്ധിക്കാതിരിക്കാന്‍ സഹായിക്കുന്നു. ഇത് പ്രനമേഹത്തെ നിയന്ത്രിക്കുന്നതിനും ശരീരത്തില്‍ അമിതമായി കൊളസ്‌ട്രോള്‍ വര്‍ദ്ധിക്കാതിരിക്കാനും സഹായിക്കുന്നുണ്ട്. ഇത് മാത്രമല്ല, ഇത് അമിതവണ്ണത്തെ കുറയ്ക്കാനും വയര്‍ കുറയ്ക്കാനും വളരെയധികം സഹായിക്കുന്നുണ്ട്. ദഹനം കൃത്യമായി നടക്കുന്നതിനാല്‍ തന്നെ വയറ്റില്‍ നിന്നും പോകാന്‍ ബുദ്ധിമുട്ട് നേരിടാതിരിക്കുകയും അസിഡിറ്റിപോലെയുള്ള പ്രശ്‌നങ്ങള്‍ കുറയ്ക്കാനും ഇത് സഹായിക്കുന്നുണ്ട്.

കണ്ണിന്റെ ആരോഗ്യത്തിന് നെല്ലിക്ക കഴിക്കുന്നത് നല്ലതാണ്. വിറ്റമിന്‍ സി കൂടാതെ, വിറ്റമിന്‍ എ അടങ്ങിയിരിക്കുന്നതിനാല്‍ തന്നെ ഇത് കാഴ്ചശക്തി വര്‍ദ്ധിപ്പിക്കാന്‍ സഹായിക്കുന്നുണ്ട്. അതുപോലെ, കണ്ണുകള്‍ക്ക് അണുബാധ ഇല്ലാതിരിക്കാനും ഇത് സഹായിക്കുന്നു.

നമ്മളുടെ ശരീരത്തിലെ മൊത്തത്തിലുള്ള രോഗ പ്രതിരോധശേഷി വര്‍ദ്ധിപ്പിക്കുന്നതിന് സഹായിക്കുന്നുണ്ട്. രോഗപ്രതിരോധശേഷി വര്‍ദ്ധിപ്പിക്കാനായി എന്നും രാവിലെ നെല്ലിക്ക ചവച്ചരച്ച് കഴിക്കുന്നത് നല്ലതാണ്. അല്ലെങ്കില്‍ കുറച്ച് മഞ്ഞളും കറിവേപ്പിലയും നെല്ലിക്ക നുറുക്കി ഇട്ടതും ചേര്‍ത്ത് വെള്ളം തിളപ്പിച്ചത് കുടിക്കുന്നതും നല്ലതാണ്. ഇതും രോഗപ്രതിരോധശേഷി വര്‍ദ്ധിപ്പിക്കാന്‍ സഹായിക്കുന്നുണ്ട്.