ചുണ്ടുകളെ ആകര്‍ഷകമാക്കാന്‍ വേനൽ കാലത്തും ചെയ്യാവുന്ന കാര്യങ്ങള്‍ എന്തൊക്കെയാണെന്ന് നോക്കാം...

വേനല്‍ക്കാലത്തും ചുണ്ടുകള്‍ വരണ്ടു പൊട്ടുന്നതും വിണ്ടു കീറുന്നതുമൊക്കെ സ്വാഭാവികമാണ്.
ഇതിന് പല കാരണങ്ങളുമുണ്ട്. ചുണ്ടില്‍ ഈര്‍പ്പം നിലനിര്‍ത്താന്‍ കഴിയുന്ന ഗ്രന്ഥികളൊന്നും ഇല്ലാത്തതിനാല്‍ പ്രത്യേക ശ്രദ്ധ കൊടുത്തില്ലെങ്കില്‍ ഇത്തരം പ്രശ്നങ്ങള്‍ ഉണ്ടാവുന്നതാണ് . ചുണ്ടുകളെ ആകര്‍ഷകമാക്കാന്‍ ചെയ്യാവുന്ന കാര്യങ്ങള്‍ നോക്കാം.

നനഞ്ഞതും മൃദുവായതുമായ കോട്ടണ്‍ തുണിയോ അഥവാ ടൂത്ത് ബ്രഷോ ഉപയോഗിച്ച്‌ ചുണ്ടുകള്‍ പതിയെ തടവുക. ചുണ്ടുകളിലെ മൃതചര്‍മ്മം നീക്കാന്‍ ഇത് സഹായിക്കും.ഇതിനുശേഷം ലിപ്ബാം പുരട്ടുകയും വേണം. ആഴ്ചയില്‍ ഒരു ദിവസമെങ്കിലും ഇങ്ങനെ ചെയ്യുന്നത് ചുണ്ടുകള്‍ക്ക് നല്ലതാണ്.ചുണ്ടുകള്‍ പെട്ടന്ന് വരണ്ടുപോകുന്നത് ഒഴിവാക്കാന്‍ ധാരാളം വെള്ളം കുടിക്കണം. ചുണ്ടു വരളുമ്ബോള്‍ നാവുകൊണ്ട് നനക്കുന്നതും ഒഴിവാക്കണം, കാരണം ഇത് ചുണ്ടുകള്‍ കൂടുതല്‍ ഡ്രൈ ആക്കുകയും ചുണ്ടിലെ തൊലി പൊളിയാന്‍ കാരണമാകുകയും ചെയ്യും.

ചുണ്ടുകളും മോയ്സ്ച്ചറെെസ് ചെയ്യണം. എസ്പിഎഫ് 15നു മുകളിലുള്ള ലിപ്ബാം വേണം വേനല്‍ക്കാലത്ത് ഉപയോഗിക്കാന്‍. രാത്രിയില്‍ കിടക്കുന്നതിനു മുന്‍പും ചുണ്ടില്‍ മോയ്സ്ച്ചറൈസര്‍ പുരട്ടണം. ചുണ്ടില്‍ വെളിച്ചെണ്ണ പുരട്ടുന്നതും ഈര്‍പ്പം നിലനിര്‍ത്താന്‍ സഹായിക്കുന്നതാണ്.