വ്യായാമം ചെയ്യാൻ ഏറ്റവും നല്ല സമയം എപ്പോഴാണെന്ന് നോക്കാം...

ശരീരഭാരം നിയന്ത്രിക്കാൻ നാം എല്ലാവരും പ്രധാനമായി ചെയ്ത് വരുന്ന ഒന്നാണ് വ്യായാമം. പലരും അതിരാവിലെയാണ് വ്യായാമം ചെയ്യാറുള്ളത്.എന്നാൽ ഇപ്പോൾ പുതിയ പഠനം പറയുന്നത് വൈകുന്നേരവും രാവിലെയും വ്യായാമം ചെയ്യുന്നവരെ അപേക്ഷിച്ച്, ഉച്ചകഴിഞ്ഞ് വ്യായാമം ചെയ്യുന്ന ആളുകൾ ഹൃദ്രോഗം മൂലവും മരിക്കാനുള്ള സാധ്യത കുറവാണെന്നാണ്. രാവിലെയോ വൈകുന്നേരമോ വ്യായാമം ചെയ്യുന്നവരെ അപേക്ഷിച്ച് ഉച്ചയ്ക്ക് വ്യായാമം ചെയ്യുന്ന ആളുകൾക്ക് കൂടുതൽ കാലം ജീവിക്കാൻ കഴിയുമെന്നും പഠനത്തിൽ പറയുന്നു. ഉച്ചയ്ക്ക് 11 മുതൽ 5 വരെ, വൈകുന്നേരം 5 മുതൽ അർദ്ധരാത്രി വരെയും രാവിലെ 5 മുതൽ 11 വരെയുമാണ് പഠനം നിർവ്വചിച്ചത്.

പഠനത്തിനായി യുകെയിലെ 92,000 ആളുകൾ പങ്കെടുക്കുകയും അവരുടെ ഡാറ്റയും ഒരു ബയോമെഡിക്കൽ ഡാറ്റാബേസിൽ നിന്ന് വിലയിരുത്തുകയും ചെയ്തു. നിരവധി വർഷങ്ങൾക്ക് ശേഷം ഗവേഷകർ മരണനിരക്ക് രേഖകൾ പരിശോധിച്ചപ്പോൾ പങ്കെടുത്തവരിൽ ഏകദേശം 3,000 (അല്ലെങ്കിൽ 3 ശതമാനം) പേർ മരിച്ചു, ഏകദേശം 1,000 പേർ ഹൃദ്രോഗം മൂലവും 1,800 പേർ കാൻസർ മൂലവും മരിച്ചു.

ഫലങ്ങൾ അനുസരിച്ച്, വൈകുന്നേരവും രാവിലെയും വ്യായാമം ചെയ്യുന്നവരെ അപേക്ഷിച്ച്, ഉച്ചകഴിഞ്ഞ് വ്യായാമം ചെയ്യുന്ന ആളുകൾക്ക് പൊതുവായും ഹൃദ്രോഗം മൂലവും മരിക്കാനുള്ള സാധ്യത കുറവാണെന്നും പഠനത്തിൽ പറയുന്നു.

എന്നിരുന്നാലും, വ്യായാമത്തിന്റെ സമയത്തിന് വലിയ പ്രാധാന്യമുണ്ടെന്ന് കരുതുന്നില്ല. പതിവായി വ്യായാമം ചെയ്യേണ്ടതിന്റെ പ്രാധാന്യം അദ്ദേഹം ഊന്നി പറയുന്നു. നിങ്ങളുടെ ദൈനംദിന പ്രതിവാര ദിനചര്യയുടെ ഭാഗമായി ശാരീരിക പ്രവർത്തനങ്ങൾ നേടുക എന്നതാണ് ഏറ്റവും പ്രധാനപ്പെട്ട കാര്യം. നിങ്ങളുടെ സൗകര്യപ്രദമായ സമയത്ത് ഇത് ചെയ്യുന്നതാണ് നല്ലത്. അത് നിങ്ങൾക്ക് ദീർഘകാലത്തേക്ക് നിലനിർത്താൻ കഴിയുമെന്നും ഡോ. ആഷിഷ് പറഞ്ഞു.