ഹോർമോൺ അസന്തുലിതാവസ്ഥ നിയന്ത്രിക്കാൻ ഭക്ഷണത്തിൽ ഉൾപ്പെടുത്തേണ്ട വസ്തുക്കൾ അറിയാം

പിസിഒഎസിന്റെ കൃത്യമായ കാരണം അജ്ഞാതമാണ്, നിർഭാഗ്യവശാൽ, ഇതിന് ചികിത്സയില്ല. എന്നാൽ ഇത് നിയന്ത്രണത്തിലാക്കുന്നതിനും, ഈ അവസ്ഥയെ ഒരുപരിധി വരെ തടയാനും മെഡിക്കൽ സഹായം തേടേണ്ടതാണ്. പിസിഒഎസ് ക്രമരഹിതമായ ആർത്തവത്തിനും മുഖത്തും ശരീരത്തിലും അമിത രോമവളർച്ചയ്ക്കും പ്രമേഹം, രക്തസമ്മർദ്ദം, പക്ഷാഘാതം തുടങ്ങിയ ഗുരുതരമായ ആരോഗ്യപ്രശ്നങ്ങൾക്കും കാരണമാകും. അതിനാൽ, പിസിഒഎസിന് കൃത്യമായ പരിഹാരം കാണേണ്ടത് പ്രധാനമാണ്.

ചിയ വിത്തുകളിൽ 20 ശതമാനം പ്രോട്ടീനും 60 ശതമാനം ഒമേഗ 3 ഫാറ്റി ആസിഡും അടങ്ങിയിട്ടുണ്ട്. ചിയ വിത്തുകൾ ടെസ്റ്റോസ്റ്റിറോൺ അളവ് മെച്ചപ്പെടുത്തുകയും അണ്ഡാശയത്തിൽ നിന്നുള്ള എ​ഗ്സിന്റെ ഗുണനിലവാരം മെച്ചപ്പെടുത്തുകയും ഇതുവഴി പ്രത്യുൽപാദനക്ഷമത മെച്ചപ്പെടുത്തുകയും ചെയ്യുന്നു.

ഉലുവയിൽ അടങ്ങിയിരിക്കുന്ന സാപ്പോണിനുകളും ഫ്ലേവനോയ്ഡുകളും ഇൻസുലിൻ മീഡിയേറ്റഡ് ഗ്ലൂക്കോസ് മെറ്റബോളിസം മെച്ചപ്പെടുത്തുകയും ഇൻസുലിൻ സംവേദനക്ഷമതയും ഹോർമോണുകളെ സന്തുലിതമാക്കുകയും കൊളസ്ട്രോൾ കുറയ്ക്കുകയും ചെയ്യുന്നു. ഇത് ആർത്തവത്തെ ക്രമരഹിതമാകാതിരിക്കാൻ സഹായിക്കുന്നു.

മത്തങ്ങ വിത്തുകൾ പിസിഒഎസിനെ ചെറുക്കുന്നതിനുള്ള പോഷകങ്ങൾ നൽകുന്നു. അവയിൽ ബീറ്റാ-സിറ്റോസ്റ്റെറോൾ അടങ്ങിയിട്ടുണ്ട്. ഇത് ടെസ്റ്റോസ്റ്റിറോണിനെ ഡിഎച്ച്ടിയായി പരിവർത്തനം ചെയ്യുന്ന എൻസൈമിനെ തടയുന്നു. ഇത് മുടി കൊഴിച്ചിൽ കുറയ്ക്കാനും രക്തത്തിലെ കൊളസ്ട്രോളിന്റെ അളവ് കുറയ്ക്കാനും സഹായിക്കുന്നു.

ശരീരത്തിലെ ആൻഡ്രോജന്റെ അളവ് കുറയ്ക്കാൻ ഫ്ളാക്സ് സീഡുകൾ സഹായിക്കുന്നു. ശരീരത്തിലെ എസ്എച്ച്ബിജി (സെക്സ് ഹോർമോൺ ബൈൻഡിംഗ് ഗ്ലോബുലിൻ) ഉൽപ്പാദനം വർധിപ്പിക്കുകയും അതുവഴി ഹോർമോണുകളുടെ അസന്തുലിതാവസ്ഥ കുറയ്ക്കുകയും ബാലൻസ് നിലനിർത്തുകയും ചെയ്യുന്ന ലിഗ്നിന്റെ സമ്പന്നമായ ഉറവിടം കൂടിയാണ് ചണവിത്തുകൾ.