വീറ്റ് ഗ്രാസ് ജ്യൂസ് കുടിച്ചാലുള്ള ആരോഗ്യഗുണങ്ങള്‍ എന്തൊക്കെയാണെന്ന് നോക്കാം..

സെലെനിയം ധാരാളം അടങ്ങിയ ഒന്നാണ് വീറ്റ് ഗ്രാസ് . ഇത് തൈറോയ്ഡ് ഗ്രന്ഥിയുടെ ആരോഗ്യകരമായ പ്രവര്‍ത്തനത്തിന് ആവശ്യമായ ധാതുവാണ്.ദിവസവും ഭക്ഷണത്തില്‍ സെലെനിയം ഉള്‍പ്പെടുത്തുന്നത് തൈറോയ്ഡിന്റെ പ്രവര്‍ത്തനം മെച്ചപ്പെടുത്താൻ സഹായിക്കുന്നു .വീറ്റ് ഗ്രാസില്‍ അടങ്ങിയ അമിനോ ആസിഡുകളും എന്‍സൈമുകളും ഉപദ്രവകാരികളായ രോഗാണുക്കളില്‍ നിന്നു ശരീരത്തെ സംരക്ഷിക്കുന്നു.

വീറ്റ്ഗ്രാസ് രോഗപ്രതിരോധ സംവിധാനത്തിന്റെ പ്രവര്‍ത്തനങ്ങള്‍ വര്‍ദ്ധിപ്പിക്കുന്നു. ശരീരത്തെ പ്രതിരോധിക്കാനും അണുബാധകളില്‍ നിന്നും രോഗങ്ങളില്‍ നിന്നും മുക്തി നേടാനും ഇത് സഹായിക്കുന്നതാണ്.
അമിതമായി ഭക്ഷണം കഴിക്കുന്നതു തടയാനും വീറ്റ് ഗ്രാസ് ജ്യൂസ് സഹായിക്കുന്നു.വെറും വയറ്റില്‍ ഈ ജ്യൂസ് കുടിക്കുന്നത് നല്ലതാണ്. ശരീരത്തിലെ അനാവശ്യ കൊഴുപ്പ് കുറയ്ക്കാന്‍ സഹായിക്കും.

നാരുകളും ബി കോംപ്ലക്സ് വൈറ്റമിനുകളും അടങ്ങിയതിനാല്‍ ദഹനവ്യവസ്ഥയെ ആരോഗ്യമുള്ളതാക്കാന്‍ വീറ്റ്ഗ്രാസ് ജ്യൂസ് കുടിക്കുന്നത് നല്ലതാണ്. ദഹനവ്യവസ്ഥയിലെ പേശികളുടെ പ്രവര്‍ത്തനം മെച്ചപ്പെടുത്തുന്നു.
ദിവസവും വീറ്റ്ഗ്രാസ് ജ്യൂസ് കുടിക്കുന്നത് ഉപാപചയം വര്‍ദ്ധിപ്പിക്കുകയും ഫലപ്രദമായ ശരീരഭാരം കുറയ്ക്കാന്‍ സഹായിക്കുകയും ചെയ്യും.വീറ്റ് ഗ്രാസില്‍ ഇരുമ്ബ് ധാരാളമായി അടങ്ങിയിട്ടുണ്ട്. ഇതിലെ ബി ജീവകങ്ങള്‍ ഉത്കണ്ഠയും വിഷാദവും അകറ്റുന്നതിന് സഹായിക്കും.