സ്ട്രെസ് കുറയ്ക്കാൻ ഡയറ്റിൽ ഉൾപ്പെടുത്താവുന്ന ഭക്ഷണങ്ങൾ എന്തൊക്കെയാണെന്ന് നോക്കാം..

നമ്മുടെ ആരോഗ്യത്തെ പ്രതികൂലമായി ബാധിക്കുന്ന അനാരോഗ്യകരമായ ജീവിതശൈലിയാണ് നാം പലരും നയിക്കുന്നത്. ഇത് നമ്മുടെ ശാരീരിക ആരോഗ്യത്തെ ബാധിക്കുക മാത്രമല്ല, നമ്മുടെ മാനസികാരോഗ്യത്തെ ബാധിക്കുകയും ചെയ്യുന്നു. ഇത് ഉത്കണ്ഠ, സമ്മർദ്ദം എന്നിവ വർദ്ധിപ്പിക്കുകയും മോശം ഉറക്കത്തിന് കാരണമാവുകും ചെയ്യും. ഉറക്കക്കുറവ് നമ്മുടെ മൊത്തത്തിലുള്ള ആരോഗ്യത്തെ കാര്യമായി ബാധിക്കും. തലവേദന, ശരീരവേദന, ഭക്ഷണശീലങ്ങളിലെ മാറ്റം, ഉറങ്ങാനുള്ള ബുദ്ധിമുട്ട് തുടങ്ങിയവയാണ് സമ്മർദ്ദത്തിന്റെ പ്രധാവ ലക്ഷണങ്ങൾ. തുടർച്ചയായ അല്ലെങ്കിൽ ആവർത്തിച്ചുള്ള സമ്മർദ്ദം (ക്രോണിക്) ഹൃദയമിടിപ്പിനെയും രക്തസമ്മർദ്ദത്തെയും ബാധിക്കുകയും അതുവഴി ഹൈപ്പർടെൻഷന്റെ സാധ്യത വർദ്ധിപ്പിക്കുകയും ചെയ്യും.

ദീർഘകാല സമ്മർദ്ദത്തിൽ നിന്നുള്ള ഉയർന്ന അളവിലുള്ള കോർട്ടിസോൾ രക്തത്തിലെ കൊളസ്ട്രോൾ, ട്രൈഗ്ലിസറൈഡുകൾ, രക്തത്തിലെ പഞ്ചസാര, രക്തസമ്മർദ്ദം എന്നിവ വർദ്ധിപ്പിക്കുമെന്ന് പഠനങ്ങൾ സൂചിപ്പിക്കുന്നു. ഇവ ഹൃദ്രോഗത്തിനുള്ള സാധാരണ അപകട ഘടകങ്ങളാണ്. ഈ സമ്മർദ്ദം ധമനികളിലെ ഫലക നിക്ഷേപം വർദ്ധിപ്പിക്കുന്ന മാറ്റങ്ങൾക്ക് കാരണമാകും.ആരോഗ്യകരവും സമീകൃതവുമായ ഭക്ഷണക്രമം ഉറക്കത്തിന്റെ ഗുണനിലവാരം മെച്ചപ്പെടുത്താനും സമ്മർദ്ദം കുറയ്ക്കാനും സഹായിക്കും. ധാരാളം പഴങ്ങൾ, പച്ചക്കറികൾ, ധാന്യങ്ങൾ, കൊഴുപ്പ് കുറഞ്ഞ പ്രോട്ടീൻ എന്നിവ കഴിക്കാൻ ശ്രമിക്കുക, കഫീൻ, മദ്യം, സംസ്കരിച്ച ഭക്ഷണങ്ങൾ എന്നിവ കഴിക്കുന്നത് പരിമിതപ്പെടുത്തുക.

സ്ട്രെസ് കുറയ്ക്കാൻ ഈ പഴങ്ങൾ...

ഒന്ന്...

ആൻറി ഓക്സിഡൻറുകൾ ധാരാളം അടങ്ങിയ ഇവ കഴിക്കുന്നത്  'സ്‌ട്രെസ്' കുറയ്ക്കാൻ സഹായിക്കും. ഒപ്പം ഇവ ദഹനം മെച്ചപ്പെടുത്തുകയും ഹൃദ്രോഗത്തിൽ നിന്നും പ്രമേഹത്തിൽ നിന്നും  സംരക്ഷിക്കുകയും ചെയ്യും.

രണ്ട്...

നേന്ത്രപ്പഴമാണ് രണ്ടാമതായി ഈ പട്ടികയിൽ ഉൾപ്പെടുന്നത്. സ്‌ട്രെസിനെ അകറ്റാനും മോശം മൂഡ് മറികടക്കാനും ഇത്രമാത്രം സഹായകമാകുന്ന മറ്റൊരു ഭക്ഷണമില്ലെന്നാണ് ന്യൂട്രീഷ്യനിസ്റ്റുകൾ അവകാശപ്പെടുന്നത്. അതിനാൽ നേന്ത്രപ്പഴം ദിവസവും ഡയറ്റിൽ ഉൾപ്പെടുത്തുന്നത് നല്ലതാണ്.

മൂന്ന്...

ഓറഞ്ചാണ് മൂന്നാമതായി ഈ പട്ടികയിൽ ഉൾപ്പെടുന്നത്. ഓറഞ്ചിൽ ശരീരത്തിലെ സ്‌ട്രെസ് ഹോർമോണുകളെ കുറയ്ക്കുകയും രോഗപ്രതിരോധശേഷി വർധിപ്പിക്കുകയും ചെയ്യുന്ന വിറ്റാമിൻ സി ധാരാളമായി അടങ്ങിയിട്ടുണ്ട്. കൂടാതെ ഇവയിലെ ആന്റി ഓക്‌സിഡന്റുകൾ ത്വക്കിന്റെ ആരോഗ്യം സംരക്ഷിക്കുകയും ഫ്രീ റാഡിക്കൽസിനെ ഇല്ലാതാക്കുകയും ചെയ്യുന്നു.

നാല്...

തണ്ണിമത്തൻ ആണ് അടുത്തതായി ഈ പട്ടികയിൽ ഉൾപ്പെടുന്നത്. ധാരാളം വിറ്റാമിനുകളും പൊട്ടാസ്യവും മഗ്നീഷ്യവും അടങ്ങിയ തണ്ണിമത്തൻ പല രോഗങ്ങൾക്കുമുള്ള പ്രതിവിധിയാണ് എന്നും വിദഗ്ധർ അഭിപ്രായപ്പെടുന്നു. തണ്ണിമത്തൻ, ഉയർന്ന രക്തസമ്മർദ്ദം കുറയ്ക്കാൻ സഹായിക്കുമെന്ന് പഠനങ്ങൾ പോലും പറയുന്നുണ്ട്.

അഞ്ച്...

കിവി പഴം ആണ് അടുത്തതായി ഈ പട്ടികയിൽ ഉൾപ്പെടുന്നത്. കിവി സ്ഥിരമായി കഴിക്കുന്നതുമൂലം മനസ്സിന് ശാന്തത ലഭിക്കുകയും നല്ല ഉറക്കം ലഭിക്കാൻ സഹായിക്കുകയും ചെയ്യും.