/sathyam/media/agency_attachments/5VspLzgrB7PML1PH6Ix6.png)
Follow Usചൂട് സഹിക്കാനാവാതെ പലപ്പോഴും നിര്‍ത്തിയിട്ട വാഹനത്തില്‍ എ.സി പ്രവര്‍ത്തിപ്പിക്കുന്നവരാണ് നമ്മളില്‍ പലരും. എന്നാല്‍, ഇങ്ങനെ ചെയ്യുന്നത് മൂലം മരണം പോലും സംഭവിച്ചേക്കാം. എങ്ങനെയെന്നല്ലേ. വാഹനത്തിന്റെ ഇന്ധനം, അത് പെട്രോളോ ഡീസലോ ആകട്ടെ, കത്തുമ്പോള്‍ കാര്‍ബണ്‍ മോണോക്സൈഡ് എന്ന വിഷവാതകം ഉത്പാദിപ്പിക്കപ്പെടുന്നു.
/sathyam/media/post_attachments/zwxMr4Dt6wDWvfDTMwbD.jpg "publive-image")
മണിക്കൂറില്‍ 30,000 പിപിഎം കാര്‍ബണ്‍ മോണോക്സൈഡ് ആണ് ഇത്തരത്തില്‍ ഉത്പാദിപ്പിക്കപ്പെടുന്നത്. ഈ കാര്‍ബണ്‍ മോണോക്സൈഡ് എന്‍ജിനില്‍ നിന്ന് പുറത്തേക്ക് വരുന്ന കുഴലില്‍ ഘടിപ്പിച്ചിരിക്കുന്ന ക്യാറ്റലിക് കണ്‍വേര്‍ട്ടര്‍ എന്ന ഉപകരണം അപകടകാരിയായ കാര്‍ബണ്‍ മോണോക്സൈഡിനെ കാര്‍ബണ്‍ഡയോക്‌സയിഡാക്കിയാണ് പുറത്തേക്ക് തള്ളുന്നത്.
വാഹനം ഓടുന്ന വേളയില്‍ ഈ പുക വായുവില്‍ ലയിച്ചുചേരും. എന്നാല്‍, വാഹനത്തിന്റെ കാലപ്പഴക്കം മൂലവും ക്യാറ്റലിക് കണ്‍വേര്‍ട്ടര്‍ ശരിയായി പ്രവര്‍ത്തിക്കാതെ വരുകയും ചെയ്യുന്നത് മൂലം കാര്‍ബണ്‍ മോണോക്സൈഡ് നേരിട്ട് പുറത്തേക്ക് വരാം. വാഹനം നിര്‍ത്തിയിട്ടിരിക്കുന്ന വേളയില്‍ എ.സിയിടാനായി എന്‍ജിന്‍ പ്രവര്‍ത്തിപ്പിക്കുമ്പോള്‍ ഈ വാതകം വാഹനത്തിന്റെ അടിയിലൂടെയും മറ്റും വാഹനത്തിനുള്ളില്‍ പ്രവേശിക്കാം. പ്രത്യേകിച്ച് നിറമോ മണമോ ഇല്ലാത്ത വാതകമാണ് കാര്‍ബണ്‍ മോണോക്സൈഡ്. ഈ വിഷ വാതകം ശ്വസിക്കുന്നത് നിങ്ങളുടെ മരണത്തിലേക്ക് വരെ നയിച്ചേക്കാം.