നന്നായി ഉറങ്ങാൻ ഇതാ ഈ 5 കാര്യങ്ങൾ ചെയ്ത് നോക്കൂ…

നല്ല ആരോഗ്യത്തെ സ്വാധീനിക്കുന്ന ഘടകങ്ങളിൽ പ്രധാനമായ ഒന്നാണ് ഉറക്കം.പലർക്കും രാത്രി നല്ല ഉറക്കം കിട്ടാറില്ല.എന്നാൽ ദിവസം മുഴുവൻ ഉന്മേഷത്തോടെ തുടരണമെങ്കിൽ നല്ല ഉറക്കം കൂടിയേ തീരൂ.
ഉറക്കക്കുറവ് തലച്ചോറിന്റെ പ്രവർത്തനം, വിഷാദം, ഓർമ്മശക്തി, പ്രതിരോധശേഷി തുടങ്ങിയ കാര്യങ്ങളെയെല്ലാം ബാധിക്കും.

1 കിടപ്പുമുറിയിലെ വെളിച്ചം: സർക്കാഡിയൻ റിഥം എന്നറിയപ്പെടുന്ന ഒരു സ്വാഭാവിക ക്ലോക്ക് നമ്മുടെ ഉള്ളിൽ തന്നെയുണ്ട്. ഇരുട്ടായിരിക്കുമ്പോൾ, നിങ്ങളുടെ സർക്കാഡിയൻ റിഥം മെലറ്റോണിന്റെ പ്രകാശനത്തിന് കാരണമാകുന്നു. ഉറക്കം വരുത്തുന്ന ഒരു ഹോർമോണാണ് ഇത്. എന്നാൽ കിടപ്പുമുറിയിലെ വെളിച്ചം ഈ പ്രക്രിയയെ തടസ്സപ്പെടുത്തുന്നു. നന്നായി ഉറങ്ങാൻ ലൈറ്റുകൾ ഓഫ് ചെയ്യുക, ടെലിവിഷൻ ഓണാക്കി വയ്ക്കുന്നത് ഒഴിവാക്കുക, ബ്ലാക്ക്ഔട്ട് കർട്ടനുകളോ ഐ മാസ്കോ ഉപയോഗിക്കുക.

2 ഇലക്ട്രോണിക് ഉപകരണങ്ങൾ മാറ്റി വെയ്ക്കുക: മൊബൈൽ ഫോൺ പോലുള്ള ഉപകരണങ്ങളിൽ നിന്നുള്ള പ്രകാശം മെലറ്റോണിൻ ഉൽപാദനത്തെ തടസ്സപ്പെടുത്തുന്നു. ഇത് ഉറക്കം നഷ്ടപ്പെടുത്തും. രാത്രി ഫോൺ ഉപയോഗിക്കേണ്ടതുണ്ടെങ്കിൽ, നൈറ്റ് മോഡിലേക്ക് മാറ്റിയിട്ട് ഉപയോഗിക്കുക.

3 വായന: വായന നിങ്ങളുടെ മനസ്സിനെ ശാന്തമാക്കാനും സുഖപ്രദമായ മാനസിക ഇടത്തിലേക്ക് നിങ്ങളെ നയിക്കാനും സഹായിക്കും. അങ്ങിനെ അത് നിങ്ങളെ ഉറക്കത്തിലേക്ക് നായിക്കുന്നതാണ്.

4 കൃത്യമായ ദിനചര്യ: എല്ലാ ദിവസവും കൃത്യമായ സമയത്ത് ഉറങ്ങാൻ ശീലിക്കുക. ഉണരുന്ന സമയവും കൃത്യമായി പിന്തുടരുക. ഒരു സമയക്രമത്തിൽ ഉറച്ചുനിൽക്കുന്നത് നിങ്ങളുടെ ശരീര ഘടികാരത്തെ നിയന്ത്രിക്കുന്നു, അങ്ങിനെ നിങ്ങളുടെ സാധാരണ ഉറക്കസമയത്ത് നിങ്ങൾക്ക് ക്രമേണ ഉറക്കം വന്ന് തുടങ്ങും.

5 പതിവായ വ്യായാമം: അടുത്തിടെ നടത്തിയ ഒരു പഠനമനുസരിച്ച്, ദിവസവും 20 മിനിറ്റ് മിതമായതും ഊർജ്ജസ്വലവുമായ വ്യായാമം കൃത്യസമയത്ത് ഉറങ്ങാൻ നിങ്ങളെ സഹായിക്കും. കൂടാതെ, നിങ്ങളുടെ ഉറക്കത്തിന്റെ ഗുണനിലവാരം മെച്ചപ്പെടുത്താനും ഇതിന് കഴിയും.