കൂർക്കംവലിയുള്ള ആളുകൾക്ക് അൽഷിമേഴ്‌സ്, സ്ട്രോക്ക് എന്നിവ വരാനുള്ള സാധ്യത കൂടുതലെന്ന് പഠനം

ഉച്ചത്തിലുള്ള കൂർക്കംവലിക്ക് കാരണമാകുന്ന സ്ലീപ് അപ്നിയ ഉള്ളവരിൽ ബയോ മാർക്കറുകൾ ഉണ്ടാകാനുള്ള സാധ്യത കൂടുതലാണെന്ന് പഠനത്തിൽ പറയുന്നു. കൂർക്കംവലിയുള്ള ആളുകൾക്ക് തലച്ചോറിന്റെ ആരോഗ്യം മോശമാവുകയും അൽഷിമേഴ്‌സ്, സ്ട്രോക്ക് എന്നിവ വരാനുള്ള സാധ്യത വർദ്ധിപ്പിക്കുന്നതായും പുതിയ പഠനം.  മിനസോട്ടയിലെ റോച്ചസ്റ്ററിലെ മയോ ക്ലിനിക്ക് നടത്തിയ പഠനത്തിലാണ് ഈ കണ്ടെത്തൽ.

ഗാഢനിദ്രയുടെ അളവിൽ ഓരോ 10 ശതമാനം കുറവും ആളുകളുടെ തലച്ചോറിനെ മാറ്റുകയും 2.3 വയസ്സ് പ്രായമുള്ളതുപോലെ വെളുത്ത ദ്രവ്യം വർദ്ധിപ്പിക്കുകയും ചെയ്യുന്നു. ആഴത്തിലുള്ള ഉറക്കം കുറയുന്നത് അൽഷിമേഴ്‌സ് രോഗത്തിനുള്ള സാധ്യത വർദ്ധിപ്പിക്കുന്നു എന്നതിന് വർദ്ധിച്ചുവരുന്ന തെളിവുകൾ ഉണ്ടെന്നും ​ഗവേഷകർ പറയുന്നു.

കൂർക്കംവലി ഉറങ്ങുന്നയാൾക്ക് അവരുടെ പങ്കാളിയുടെ ഉറക്കം തടസ്സപ്പെടുത്തുകയും തലച്ചോറിന്റെ ആരോഗ്യത്തിന് ആവശ്യമായ ഗാഢനിദ്രയിൽ എത്തുന്നതിൽ നിന്ന് അവരെ തടയുകയും ചെയ്യു. ഇത് തലച്ചോറിലെ ന്യൂറോണുകളിൽ സമ്മർദ്ദം ഉണ്ടാക്കുകയും ചെയ്യുന്നു. ശരാശരി 73 വയസ്സുള്ള ഒബ്‌സ്ട്രക്റ്റീവ് സ്ലീപ് അപ്നിയ ബാധിച്ച 140 പേരിൽ പഠനം നടത്തുകയായിരുന്നു. പങ്കെടുത്തവരിൽ ആർക്കും പഠനത്തിന്റെ തുടക്കത്തിൽ വൈജ്ഞാനിക പ്രശ്‌നങ്ങളോ അതിന്റെ അവസാനത്തോടെ ഡിമെൻഷ്യയോ ഉണ്ടായിരുന്നില്ല.

മൊത്തത്തിൽ 34 ശതമാനം പേർക്ക് നേരിയ സ്ലീപ് അപ്നിയയും 32 ശതമാനം മിതമായും 34 പേർക്ക് കഠിനവുമാണെന്ന് പ‌ഠനത്തിൽ കണ്ടെത്തി. ശ്വാസംമുട്ടൽ സ്ലീപ് അപ്നിയയുടെ പ്രധാനപ്പെട്ട ലക്ഷണങ്ങളിലൊന്നാണ്. 'ഈ ബയോ മാർക്കറുകൾ ആദ്യകാല സെറിബ്രോവാസ്കുലർ രോഗത്തിന്റെ സെൻസിറ്റീവ് ലക്ഷണങ്ങളാണ്. ഗുരുതരമായ സ്ലീപ് അപ്നിയയും സ്ലോ-വേവ് സ്ലീപ്പിന്റെ കുറവും ഈ ബയോമാർക്കറുകളുമായി ബന്ധപ്പെട്ടിരിക്കുന്നുവെന്ന് കണ്ടെത്തി. കാരണം തലച്ചോറിലെ ഈ മാറ്റങ്ങൾക്ക് ചികിത്സയില്ല.

ഗാഢനിദ്രയുടെ ഓരോ 10 ശതമാനം കുറയുമ്പോഴും 2.3 വയസ്സിന് സമാനമായി വൈറ്റ് മാറ്റർ ഹൈപ്പർ തീവ്രത വർദ്ധിക്കുന്നതായി വിദഗ്ധർ കണ്ടെത്തി. ന്യൂറോളജി ജേണലിൽ പഠനം പ്രസിദ്ധീകരിച്ചു.  നമ്മളിൽ അഞ്ചിൽ ഒരാൾക്ക് (20.2 ശതമാനം) സ്ലീപ് അപ്നിയ ഉണ്ടെന്നും എന്നാൽ 3.5 ശതമാനം പേർക്ക് മാത്രമേ ചികിത്സ ലഭിക്കുന്നുള്ളൂവെന്നും ഫ്രാൻസിലെ പാരീസ്-സിറ്റെ സർവകലാശാലയിലെ ഫാക്കൽറ്റി ഓഫ് മെഡിസിനിലെ ഒരു സംഘം​ ​ഗവേഷകർ നടത്തിയ പഠനത്തിൽ പറയുന്നു.