ഉണരുമ്പോൾ നടുവേദന അനുഭവപ്പെടുന്നുണ്ടോ? എന്നാൽ ശ്രദ്ധിക്കുക, ചലനക്ഷമത വരെ കുറയാൻ സാദ്ധ്യതയുണ്ട്

പ്രധാനമായും നട്ടെല്ലിനെയും ഇടുപ്പെല്ലിനെയും വസ്തി പ്രദേശത്തെ എല്ലുകളെയും ബാധിക്കുന്ന ഒരു വാതരോഗമാണ് അങ്ക്യലോസിംഗ് സ്പൊൺണ്ടിലൈറ്റിസ് (Ankylosing Spondylitis (AS) ). ഇത് ബാധിച്ചാൽ ക്രമേണ നട്ടെല്ലിനു വൈകല്യങ്ങൾ സംഭവിക്കുകയും ക്രമേണ നട്ടെല്ലും കഴുത്തും വളയ്ക്കുവാനും തിരിക്കുവാനും കഴിയാതെ വരികയും ചെയ്യാം. ലോകത്തിലാകമാനം 1-2 ശതമാനം ആളുകൾ ഈ രോഗബാധിതരാണ്. എന്നാൽ ഇവയിൽ 70ശതമാനം പേരും തെറ്റായ രോഗനിർണയത്തിൽപ്പെടുകയും ചികിത്സ ലഭിക്കുവാൻ വളരെയധികം കാലതാമസം നേരിടുന്നവരുമാണ്. ഈ രോഗത്തെക്കുറിച്ചുള്ള ശരിയായ അവബോധമില്ലായ്മയും രോഗനിർണയത്തിലെ സങ്കീർണ്ണതയുമാണ് ഇതിന് കാരണം.

1. ആരെയാണ് Ankylosing Spondylitis ബാധിക്കുന്നത്?

ഈ രോഗം 15 - 45 വയസ്സിലുള്ള പുരുഷന്മാരിലാണ് അധികവും കാണുന്നത്. എന്നാൽ കുട്ടികളിലും സ്ത്രീകളിലും ഇത് തീരെ വിരളമല്ല. പുതിയ കണക്കുപ്രകാരം 17 ലക്ഷത്തോളം ഇന്ത്യക്കാർ ഈ അസുഖ ബാധിതരാണ്. ജനിതക കാരണങ്ങളും HLA - 327 എന്ന ഒരു Gene ഉം രോഗം ഉണ്ടാക്കുന്നതിൽ ഒരു പ്രധാന കാരണമാണ്.

2)എന്തെല്ലാമാണ് ഇതിന്റെ പ്രധാന ലക്ഷണങ്ങൾ ?

നടുവേദന തന്നെയാണ് ഇതിൻറെ പ്രധാനവും സാധാരണയായി കാണുന്നതുമായ ലക്ഷണം. ഈ വേദന മറ്റു നടുവേദനയിൽ നിന്നും വ്യത്യസ്തമാകുന്നത്, നടുവേദന കൂടുതലായി അനുഭവപ്പെടുന്നത് രാവിലെ ഉറക്കം ഉണരുമ്പോൾ ആണ് എന്നതാണ്. വേദനയോടൊപ്പം നട്ടെല്ലിന് 30 മിനിറ്റോളം നിൽക്കുന്ന മുറുക്കവും അനുഭവപ്പെടുകയും ചെയ്യും . ശരീരം ചലിച്ചു തുടങ്ങുമ്പോൾ ലക്ഷണങ്ങൾ കുറെ ശമിച്ചു തുടങ്ങും(resting pain). ചിലപ്പോൾ Ankylosing Spondylitis സന്ധികളിലെ നീർക്കെട്ടും വേദനയായും (Arthritis) tendon ligament മുതലായവയുടെ വേദനയായും, കണ്ണുകളുടെ വേദനയും ചുവപ്പുമായും(Uveitis) അനുഭവപ്പെടാം. വിരളമായി ശ്വാസകോശത്തെയും ഹൃദയത്തിൻറെ വാൽവുകളെയും ഇത് ബാധിക്കാം. സോറിയാസിസ്, ഉദരരോഗങ്ങൾ ആയ Ulcerative colitis, Inflammatory bowel disease (IBD) മുതലായവ ഉള്ള രോഗികളിലും Ankylosing Spondylitis വരാം.

3) എന്തെല്ലാം മാറ്റങ്ങളാണ് ശരീരത്തിൽ ഉണ്ടാകുന്നത് ?

നട്ടെല്ലിലെ കശേരുക്കളുടെ സന്ധികളിൽ ഉണ്ടാവുന്ന ഈ വാതരോഗം, ഇതിനെ സംയോജിപ്പിക്കുകയും (fusion of vertebrae) കാലക്രമത്തിൽ ശരീരത്തിന്റെ ചലനക്ഷമത കുറയ്ക്കുകയും, കുമ്പിടാനും കഴുത്ത് ചലിപ്പിക്കാനുള്ള കഴിവും കുറയുന്നു. നെഞ്ചിന്റെ എല്ലുകളെ ബാധിക്കുന്നതോടെ നെഞ്ചിന്റെ വികാസക്ഷമതയും കുറയുന്നതായി കാണുന്നു.

4). എന്തെല്ലാമാണ് ASന്റെ രോഗനിർണയവും ചികിത്സാരീതികളും.

ഈ രോഗം നിർണയിക്കുന്നതും ചികിത്സിക്കുന്നതും Rehumatologist ആണ് . രോഗനിർണയത്തിന് സമ്പൂർണ്ണ ശാരീരിക പരിശോധനയോടൊപ്പം ESR, CRP മുതലായവ നീർക്കെട്ടിനെ കാണിക്കുന്ന രക്ത പരിശോധനയും HLA B27 എന്ന രോഗമുണ്ടാക്കുന്ന ജീനും എക്സറേകളും, പ്രാരംഭഘട്ടത്തിൽ MRI, Scaning ഉം ആവശ്യമായി വരാം. Ankylosing Spondylitis ന്റെ ചികിത്സയിൽ മരുന്നിനോടൊപ്പം Physiotheraphy, Occupation therapy വിഭാഗങ്ങളുടേയും സേവനങ്ങൾ സങ്കോചിപ്പിച്ചു ചെയ്യുന്ന ചികിത്സാരീതിയാണ് ഉത്തമം. മരുന്നുകളിൽ Non steriodal anti inflammatroy drugs(NSAIDS) ആണ് പ്രാരംഭ ഘട്ടത്തിൽ ഉപയോഗിക്കുന്നത്. ഇത് വേദനയും നട്ടെല്ലിലെ മുറുക്കവും കുറയ്ക്കാൻ സഹായിക്കുന്നു. എന്നാൽ രോഗം മൂർച്ഛിക്കുന്ന അവസ്ഥയിൽ disease modifying anti Rehumatic drugs(DMARDS). ഉപയോഗിക്കേണ്ടിവരും. ജൈവ മരുന്നുകളുടെ കണ്ടു പിടുത്തത്തോടെ വിപ്ലവകരമായ മാറ്റമാണ് Ankylosing Spondylitis ചികിത്സയിൽ ഇന്ന് വന്നിട്ടുള്ളത് . ഇതിൽ പ്രധാനമായും Anti TNF (Infliximab Adalimumab Etanarcept) JAK Inhibotors (Tofacitinib) മുതലായ മരുന്നുകൾ ഈ രോഗ ലക്ഷണങ്ങൾ കുറയ്ക്കുന്നതിനും സന്ധികളുടെ നാശം നിയന്ത്രിക്കുന്നതിനും വൈകല്യങ്ങൾ വരാതിരിക്കുന്നതിനും വളരെ ഫലപ്രദമാണ്.