ചൊറിയണം കഴിച്ചാലുള്ള ആരോഗ്യ ഗുണങ്ങള്‍ നോക്കാം..

ഗ്രാമപ്രദേശങ്ങളില്‍ കൂടുതലായി കാണപ്പെടുന്ന ഒരു ചെടിയാണ് ചൊറിയണം. ഇതിനെ കൊടിത്തൂവ എന്നും കടിയന്‍ തുമ്ബയെന്നും അറിയപ്പെടാറുണ്ട്.ഇതിന്റെ ഇലകള്‍ ദേഹത്ത് സ്പര്‍ശിച്ചാല്‍ അസ്വസ്ഥതയുണ്ടാകുമെങ്കിലും ആരോഗ്യപരമായ ഗുണങ്ങളെടുത്താല്‍ ഇവ മുന്നിലാണ് നില്‍ക്കുന്നത്.

ശരീരത്തില്‍ അടിഞ്ഞു കൂടുന്ന ടോക്‌സിനുകളാണ് പല ആരോഗ്യ പ്രശ്‌നങ്ങൾക്കും കാരണമാവുന്നത്. എന്നാല്‍, ശരീരത്തിലെ ടോക്‌സിനുകള്‍ നീക്കം ചെയ്യാന്‍ ചൊറിയണം സഹായിക്കും. ചൊറിയണത്തിന്റെ ഔഷധ ഗുണം ലിവര്‍, കിഡ്‌നി എന്നിവയെല്ലാം ശുദ്ധീകരിക്കാൻ സഹായിക്കുന്നതാണ് . രക്തശുദ്ധി വരുത്തുന്നതിനാല്‍തന്നെ രക്തദൂഷ്യം വഴിയുള്ള ആരോഗ്യ, ചര്‍മ പ്രശ്‌നങ്ങള്‍ക്ക് ഇതു നല്ലൊരു മരുന്നാണ്.

ചൊറിയിണത്തിന്റെ ഇലകളില്‍ കാല്‍സ്യത്താൽ സമ്ബുഷ്ടമാണ്. സന്ധി വേദനകള്‍ക്കും എല്ലു തേയ്മാനം പോലുള്ള പ്രശ്‌നങ്ങള്‍ക്കും ചൊറിയണം നല്ല പരിഹാരമാണ് . എല്ലിന്റെ ആരോഗ്യത്തിന് ഇതേറെ മികച്ചതാണ്. അയേണ്‍ സമ്ബുഷ്ടമായ ചൊറിയണം വിളര്‍ച്ച പോലുളള പ്രശ്‌നങ്ങള്‍ക്കും ഉത്തമ പരിഹാരമാണ്. രക്ത വര്‍ദ്ധനവിന് സഹായിക്കുന്ന ഔഷധം കൂടിയാണിത്.

കൊളസ്‌ട്രോള്‍, പ്രമേഹ പ്രശ്‌നങ്ങള്‍ക്കുമുള്ള ഒരു പരിഹാരം കൂടിയാണ് ചൊറിയണം. പാന്‍ക്രിയാസ് പ്രവര്‍ത്തനം മെച്ചപ്പെടുത്തുന്നതിലൂടെ പ്രമേഹം നിയന്ത്രിക്കാനും ഈ സസ്യം സഹായിക്കുന്നു. എല്‍ഡിഎല്‍ കൊളസ്‌ട്രോള്‍ നിയന്ത്രിയ്‌ക്കുകയും ഹൃദയാരോഗ്യം മെച്ചപ്പെടുത്തുകയും ചെയ്യുന്നുണ്ട് ഈ ഔഷധ ഗുണമുള്ള സസ്യം. രക്തപ്രവാഹം ശക്തിപ്പെടുത്താനും ഇത് സഹായകമാകും.