രോഗപ്രതിരോധശേഷി വര്‍ധിപ്പിക്കാനും ചര്‍മ്മത്തിന്‍റെ ആരോഗ്യം സംരക്ഷിക്കാനും സഹായിക്കും; റാസ്ബെറിയുടെ ഗുണങ്ങള്‍ അറിയാം..

വിറ്റാമിന്‍ സി ധാരാളം അടങ്ങിയതാണ് റാസ്ബെറി. ആന്‍റി ഓക്സിഡന്‍റുകളും മറ്റും ധാരാളം അടങ്ങിയ റാസ്ബെറി കഴിക്കുന്നത് ഹൃദയാരോഗ്യം സംരക്ഷിക്കാന്‍ സഹായിക്കും. ഉയര്‍ന്ന രക്തസമ്മര്‍ദ്ദത്തെ നിയന്ത്രിക്കാനും അതുവഴി ഹൃദയാരോഗ്യം സംരക്ഷിക്കാനും ഇവ സഹായിക്കും. അതുപോലെ ക്യാന്‍സര്‍ സാധ്യതകളെ തടയാനും ഇവ സഹായിക്കും. അതിനാല്‍ ഇവ രോഗപ്രതിരോധശേഷി വര്‍ധിപ്പിക്കാനും ചര്‍മ്മത്തിന്‍റെ ആരോഗ്യം സംരക്ഷിക്കാനും സഹായിക്കും. ചര്‍മ്മത്തിലെ ചുളിവുകളെ തടയാനും കൊളാജിന്‍ ഉല്‍പാദനം വര്‍ധിപ്പിക്കാനും ഇവ ഗുണം ചെയ്യും. വിറ്റാമിന്‍ കെ അടങ്ങിയ റാസ്ബെറി രക്തം കട്ടം പിടിക്കാനും സഹായിക്കും.

ഫൈബര്‍ ധാരാളം അടങ്ങിയിട്ടുള്ള റാസ്ബെറി കഴിക്കുന്നത് ദഹനം മെച്ചപ്പെടുത്താന്‍ സഹായിക്കും. മലബന്ധം തടയാനും വയറിന്‍റെ ആരോഗ്യം സംരക്ഷിക്കാനും റാസ്ബെറി ഡയറ്റില്‍ ഉള്‍പ്പെടുത്താം. കലോറി കുറവും ഫൈബര്‍ ധാരാളം അടങ്ങിയതുമായ റാസ്ബെറി ഡയറ്റില്‍ ഉള്‍പ്പെടുത്തുന്നത് ശരീരഭാരം നിയന്ത്രിക്കാനും സഹായിക്കും. ഫൈബര്‍ അടങ്ങിയിട്ടുള്ളതിനാല്‍ ഇവ കഴിക്കുന്നത് പെട്ടെന്ന് വയര്‍ നിറയാന്‍ സഹായിക്കും. അതുവഴി വണ്ണം കുറയ്ക്കാം.