27
Saturday November 2021
Health Tips

ആളുകളുടെ മുന്നിൽ വരുവാനും സംസാരിക്കാനും നിങ്ങൾക്ക് മടിയുണ്ടോ? എങ്കിൽ അറിയാം സാമൂഹിക ഉത്കണ്ഠ എന്തെന്ന്?

ഹെല്‍ത്ത് ഡസ്ക്
Wednesday, October 6, 2021

ആളുകളുടെ മുന്നിൽ വരുവാനും സംസാരിക്കുവാനും പൊതു വേദികളിൽ കയറി രണ്ട് വാക്ക് പറയുവാൻ മടിയുള്ളവർ നമ്മുടെ ഇടയിലുണ്ട്. ഇതിനെ സോഷ്യൽ ഫോബിയ അഥവാ സാമൂഹിക ഉത്കണ്ഠ എന്ന വിളിക്കാം. എന്താണ് ഇതുണ്ടാകാനുള്ള പ്രധാന കാരണങ്ങൾ എന്ന് നോക്കാം,

ജൈവപരവും സാമൂഹ്യവുമായ അനേകം ഘടകങ്ങൾ ചേരുമ്പോളാണ് ഇത്തരം ഉത്കണ്ഠകൾ ആളുകളിൽ ഉണ്ടാകുന്നതെന്ന് പറയാം. അത് കൊണ്ട് തന്നെ ഒരു കാരണം മാത്രം ചൂണ്ടിക്കാണിക്കുക ബുദ്ധിമുട്ടുള്ള കാര്യമാണ്. ഉത്കണ്ഠ രോഗത്തിന് പാരമ്പര്യം ഒരു പ്രധാന ഘടകമാണ്. എങ്കിലും സാഹചര്യത്തിന്റെ പങ്ക് വേർതിരിക്കാനാകാത്തവണ്ണം ഈ അവസ്ഥയോട് ചേർന്ന് കിടക്കുന്നു.

തലച്ചോറിന്റെ ഘടനയിൽ വരുന്ന വ്യതിയാനങ്ങൾ

ഭയത്തെ നിയന്ത്രിക്കുന്ന തലച്ചോറിന്റെ ഒരു ഭാഗമാണ് അമഗ്‌ദല. ഇതിന്റെ പ്രവർത്തനത്തിൽ വരുന്ന വ്യതിയാനങ്ങൾ ഉത്ക്കണ്ഠയെ ഉണ്ടാക്കുന്നു. ആൾക്കൂട്ട ഭയം പൊതുവെ പഠിച്ചെടുക്കുന്ന ഒരു സ്വഭാവംമായിട്ടാണ് കരുതപ്പെടുന്നത്. അതിനാൽ ഒരു വ്യക്തിയുടെ ഗാർഹിക സാമൂഹിക ചുറ്റുപാടുകൾ ഒരുവന്റെ ഉത്കണ്ഠയെ നിയന്ത്രിക്കുന്നുവെന്ന് പറയാം.

പ്രതികൂലമായ അനുഭവങ്ങൾ

ബാല്യത്തിലെ തിക്താനുഭവങ്ങൾ ഒരുവനെ ആശങ്കയുള്ളവനാക്കി തീർക്കും. അത് അപമാനമോ അവഗണനയോ ഗാർഹിക അന്തരീക്ഷിത്തിലെ പിരിമുറുക്കങ്ങളോ ശാരീരിക മാനസിക ലൈംഗിക പീഡകളോ ഒക്കെയാകാം

മാറ്റങ്ങളെ ഉള്ളക്കൊള്ളാൻ കഴിയാത്തവർ

ലജ്ജ കൊണ്ടോ അന്തർമുഖത്വം കൊണ്ടോ സാഹചര്യങ്ങളുമായി പൊരുത്തപ്പെടാൻ കഴിയാത്തവർ ഉത്കണ്ഠകുലരാകും എന്ന് കരുതപ്പെടുന്നു. ഇത്തരക്കാർക്ക് മികച്ച പിന്തുണ ലഭിക്കുന്നില്ലെങ്കിൽ ഉത്കണ്ഠാ രോഗം ഉണ്ടാകാനുള്ള സാധ്യതയുണ്ട്.

ഉത്ക്കണ്ഠ എങ്ങനെ ഒഴിവാക്കാം?

ഉത്കണ്ഠ ഒരു രോഗമാകാതെ തടയുകയാണ് വേണ്ടത്. കാരണം ആർക്കൊക്കെ ഇത് ഉത്കണ്ഠാ രോഗമായി പരിണമിക്കുമെന്ന് മുൻകൂട്ടി പ്രവചിക്കാൻ കഴിയുകയില്ല. അത് വരെ നന്നായി ഇടപഴകിയിരുന്നവർ ഉള്വലിയപ്പെട്ടവരായി തീരാൻ സാധ്യതയുണ്ട്.

തുടക്കത്തിൽ കണ്ടെത്തി പരിഹരിക്കാം

നിങ്ങൾ പഠിച്ച പണി പതിനെട്ടും നോക്കിയിട്ടും ഉത്കണ്ഠ കുറയുന്നില്ലെങ്കിൽ ഒരു വിദഗ്ധ ഉപദേശം തേടുകയാണ് ഉത്തമം. ക്രമമായും ചിട്ടയായും കാര്യങ്ങൾ ചെയ്ത് പഠിക്കുക. പുതിയ സാഹചര്യത്തിൽ ചിട്ടയോടെ കാര്യങ്ങൾ ചെയ്തെടുക്കാൻ ശ്രമിക്കുക. നിങ്ങൾ ചെയ്യേണ്ട കാര്യങ്ങൾ നിങ്ങളുടെ ഉത്തരവാദിത്തങ്ങൾ മുതലായവയെ സൂക്ഷിച്ച് മനസിലാക്കി അതിനായി നല്ല തയാറെടുപ്പുകൾ എടുത്ത് വേണം പുതിയ സാഹചര്യങ്ങളെ നേരിടാൻ.

പരിശീലനം

ആൾക്കൂട്ടം കാണുമ്പോൾ വെപ്രാളപെടുന്നവർ ആദ്യം തന്നെ വലിയ പരിപാടികളിൽ പങ്കു ചേരാതെ ചെറിയ കൂട്ടായ്മകളിൽ പങ്കു ചേർന്ന് ആത്മവിശ്വാസം നേടിയെടുക്കുക.

ഫോക്കസ് മാറാതെ ശ്രദ്ധിക്കുക

ഒരാൾക്കൂട്ടത്തോട് രണ്ട് വാക്ക് നിങ്ങൾക്ക് പറയണമെങ്കിൽ, നിങ്ങൾ പറയുന്ന കാര്യത്തിൽ മാത്രം ശ്രദ്ധ കേന്ദ്രീകരിച്ച് പറഞ്ഞു തുടങ്ങുക. മറ്റുള്ളവരുടെ മുഖ ഭാവമോ ആർപ്പുവിളികളോ ഒന്നും ശ്രദ്ധിക്കരുതെന്ന് സാരം.

പരിചിതയിടം

നിങ്ങൾ ആൾക്കൂട്ടത്തിൽ നിൽക്കുമ്പോൾ നിങ്ങൾക്ക് ഏറ്റവും സ്വാതന്ത്ര്യവും സുരക്ഷിതത്വവും ഉള്ള ഇടത്താണ് നിൽക്കുന്നതെന്ന് വെറുതെയെങ്കിലും മനസ്സിൽ സങ്കൽപ്പിക്കുക. ചുറ്റുമുള്ളവർ തന്നെ തന്നെയാണോ നോക്കുന്നതെ നിങ്ങളെ കുറിച്ചാണോ സംസാരിക്കുന്നത് എന്നൊന്നും മനസ്സിൽ ചിന്തിക്കാൻ ഇടം നൽകാതിരിക്കുക.

കൈത്താങ്ങ്

നിങ്ങളെ സംരക്ഷിക്കുന്നവരുടെ അല്ലെങ്കിൽ അടുപ്പമുള്ളവരുടെ സഹായത്തോടെ സാഹചര്യങ്ങളെ നേരീട്ട് പഠിച്ചെടുക്കുക. പരിചയ സാഹചര്യങ്ങളിൽ എങ്ങനെ പെരുമാറുന്നുവോ അങ്ങനെ തന്നെ പെരുമാറാൻ ഒരു കൂട്ടുള്ളത് വളരെയധികം സഹായിക്കും.

ചെറിയ കാര്യങ്ങളിൽ പരീക്ഷിച്ച് തുടങ്ങാം വലിയൊരു വേദിയിൽ അവതരിപ്പിക്കും മുൻപ് അപരിചിതരുടെ ഒരു ചെറിയ സംഘത്തിൽ അവതരിപ്പിക്കുന്നത് ആത്മവിശ്വാസം വർധിപ്പിക്കും. ഇപ്രകാരം നമ്മുടെ ഉത്കണ്ഠകൾ നമ്മുടെ സന്തോഷത്തെ കെടുത്തി കളയുവാൻ അനുവദിക്കാതെ ആത്മവിശ്വാസത്തോടെ ജീവിതത്തെ നേരിടാൻ പഠിക്കാം.

വെബ്സൈറ്റിൽ അപ്ഡേഷൻ നടക്കുന്നതിനാൻ പുതിയ വാർത്തകൾ അപ് ലോഡ് ചെയ്യുന്നതിലും വാർത്ത ലിങ്കുകൾ തുറക്കുന്നതിലും നേരിയ താമസം നേരിടുന്നുണ്ട്. മാന്യ വായനക്കാർ സഹകരിക്കുമല്ലോ.

Related Posts

More News

അത്യന്തം അപകടകാരിയായ ദക്ഷിണാഫ്രിക്കയിൽ കണ്ടെത്തിയ പുതിയ കോവിഡ് വകഭേദത്തിന് ഡബ്ള്യു എച്ച് ഒ നൽകിയിരിക്കുന്ന പേരാണ് ഒമൈക്രോൺ. ഡബ്ള്യു എച്ച് ഒ ലോകരാഷ്ട്രങ്ങൾക്ക് ഇതുസംബന്ധമായ മുന്നറിയിപ്പ് നൽകിയിരിക്കുന്നു. വളരെവേഗം പടരുന്ന ഈ വകഭേദം വാക്സിൻ മൂലമുള്ള പ്രതിരോധ സുരക്ഷയെ ഭേദിക്കാൻ കഴിവുള്ളതാണ്.കൂടുതൽ കരുതലും ശ്രദ്ധയുമില്ലെങ്കിൽ അപകടമാണ്. ആദ്യം നവമ്പർ 24 നു ദക്ഷിണാഫ്രിക്കയിലും പിന്നീട് ബോട്ട്സുവാന , ബെൽജിയം,ഹോംഗ്‌കോംഗ്, ഇസ്രായേൽ നമീബിയ, സിംബാബ്‌വെ, ലെസോതോ എന്നീ രാജ്യങ്ങളിലും ഇതിന്റെ വകഭേദം റിപ്പോർട്ട് ചെയ്യപ്പെട്ടിരിക്കുന്നു. ഇവിടേക്കുള്ള വിമാനസർവീസുകൾ പല […]

സംസ്ഥാനത്ത് വിവാഹങ്ങൾ രജിസ്റ്റർ ചെയ്യാൻ വിവാഹിതരുടെ മതം തെളിയിക്കുന്ന രേഖയോ, മതാചാര പ്രകാരമാണ് വിവാഹം നടന്നതെന്ന രേഖയോ ആവശ്യമില്ലെന്നും വിവാഹ രജിസ്ട്രേഷനുള്ള മെമ്മോറാണ്ടത്തിനൊപ്പം വിവാഹം ചെയ്യുന്നവരുടെ ജനനതീയതി തെളിയിക്കുന്ന അംഗീകൃത രേഖകളും വിവാഹം നടന്നത് തെളിയിക്കുന്ന രേഖയും മതിയെന്ന് തദ്ദേശ സ്വയംഭരണ, എക്സൈസ് വകുപ്പ് മന്ത്രി എം വി ഗോവിന്ദൻ മാസ്റ്റർ പറഞ്ഞു. 2008ലെ വിവാഹ രജിസ്ട്രേഷൻ ചട്ടങ്ങൾ പ്രകാരം എല്ലാ വിവാഹങ്ങളും കക്ഷികളുടെ മതഭേദമന്യേ നിർബന്ധമായും രജിസ്റ്റർ ചെയ്യണമെന്ന് നിഷ്‌കർഷിച്ചിരുന്നു. എന്നാൽ, 2015ൽ ചട്ടത്തിൽ ഭേദഗതി […]

ആംസ്റ്റര്‍ഡാം: ദക്ഷിണാഫ്രിക്കയില്‍ നിന്ന് നെതര്‍ലന്‍ഡ്‌സിലെത്തിയ 61 പേര്‍ക്ക് കൊവിഡ് സ്ഥിരീകരിച്ചു. ഇവരെ ഷിഫോള്‍ വിമാനത്താവളത്തിന് സമീപത്തെ ഹോട്ടലുകളില്‍ ക്വാറന്റൈന്‍ ചെയ്തിരിക്കുകയാണ്. പോസീറ്റിവ് ആയവരില്‍ ഒമിക്രോണ്‍ വകഭേദം ഉണ്ടോ എന്ന് അറിയാനായി കൂടുതല്‍ പരിശോധനകള്‍ നടത്തണമെന്ന് അധികൃതര്‍ വ്യക്തമാക്കി. ദക്ഷിണാഫ്രിക്കയില്‍ നിന്നെത്തിയതിന് പിന്നാലെ അറുന്നൂറോളം പേരെ പരിശോധനയ്ക്ക് വിധേയരാക്കിയിരുന്നു.

ദുബൈ: പുതിയ കൊവിഡ് വകഭേദത്തിന്റെ പശ്ചാത്തലത്തില്‍ ദക്ഷിണാഫ്രിക്കന്‍ രാജ്യങ്ങളില്‍ നിന്നുള്ള യാത്രക്കാര്‍ക്ക് ചില രാജ്യങ്ങള്‍ പ്രവേശന വിലക്ക് പ്രഖ്യാപിച്ച സാഹചര്യത്തില്‍ പുതിയ നിര്‍ദ്ദേശങ്ങളുമായി എമിറേററ്‌സ് എയര്‍ലൈന്‍. യാത്രയ്ക്ക് മുമ്പ് നിയന്ത്രണങ്ങള്‍ പരിശോധിക്കണമെന്ന് എമിറേറ്റ്‌സ് അറിയിച്ചു. സിംഗപ്പൂര്‍, ബ്രിട്ടന്‍ എന്നീ രാജ്യങ്ങള്‍ നിയന്ത്രണങ്ങള്‍ പ്രഖ്യാപിച്ചതോടെയാണ് എമിറേറ്റ്‌സ് വെബ്‌സൈറ്റില്‍ നിര്‍ദ്ദേശങ്ങള്‍ വന്നത്. നിയന്ത്രണങ്ങള്‍ ബാധകമാകുന്ന യാത്രക്കാര്‍ റീബുക്കിങ് ഉള്‍പ്പെടെയുള്ളവയ്ക്കായി അതത് ട്രാവല്‍ ഏജന്റുമാരെ ബന്ധപ്പെടുകയോ എമിറേറ്റ്‌സ് കാള്‍ സെന്ററിനെ സമീപിക്കുകയോ ചെയ്യണമെന്ന് അറിയിപ്പില്‍ വ്യക്തമാക്കുന്നു.

തിരുവനന്തപുരം: ചരക്ക് സേവന നികുതി വകുപ്പ് ആംനസ്റ്റി പദ്ധതി 2021 ലേക്ക് ഓപ്ഷൻ സമർപ്പിക്കുവാനിലുള്ള അവസാന തീയതി നവംബർ 30 ന് അവസാനിക്കും. ചരക്ക് സേവന നികുതി നിയമം നിലവിൽ വരുന്നതിനു മുൻപുണ്ടായിരുന്ന നികുതി നിയമങ്ങളായ കേരള മൂല്യവർദ്ധിത നികുതി, കേന്ദ്ര വിൽപന നികുതി, കാർഷികാദായ നികുതി, പൊതു വിൽപന നികുതി, ആഡംബര നികുതി, സർചാർജ്, എന്നീ നിയമങ്ങൾ പ്രകാരമുള്ള കുടിശ്ശികകൾ തീർക്കാനാണ് ആംനസ്റ്റി പദ്ധതി പ്രഖ്യാപിച്ചിട്ടുള്ളത്. പിഴയിലും പലിശയിലും 100% ഇളവ് ലഭിക്കും എന്നാൽ കേരള […]

ന്യൂഡല്‍ഹി: കര്‍ഷക സമരത്തിന്റെ ഭാഗമായി തിങ്കളാഴ്ച നടത്താനിരുന്ന പാര്‍ലമെന്റിലേക്കുള്ള ട്രാക്ടര്‍ റാലി മാറ്റിവെക്കാന്‍ കര്‍ഷക സംഘടനകളുടെ തീരുമാനം. അതിര്‍ത്തിയിലെ കര്‍ഷക സമരം തുടരാനും കര്‍ഷക സംഘടനകള്‍ തീരുമാനിച്ചു. ഡിസംബര്‍ നാലിന് അടുത്ത യോഗം ചേരുന്നത് വരെ പുതിയ സമരം ഉണ്ടാവില്ല. അതേ സമയം, സമരത്തിനിടെ കർഷകർക്കെതിരെ എടുത്ത കേസുകൾ പിൻവലിക്കുന്നതിൽ സംസ്ഥാന സർക്കാരുകൾക്ക് തീരുമാനമെടുക്കാമെന്ന് കേന്ദ്ര മന്ത്രി അറിയിച്ചു. നഷ്ടപരിഹാര കാര്യത്തിലും സംസ്ഥാനങ്ങൾക്ക് തീരുമാനമെടുക്കാമെന്നും കൃഷിമന്ത്രി നരേന്ദ്ര സിംഗ് തോമർ വ്യക്തമാക്കി.

കോട്ടയം: ഇരുപത്തെട്ടു വർഷം കേരള കോൺഗ്രസ് (എം) കോട്ടയം ജില്ലാ പ്രസിഡന്റ്, മീനച്ചിൽ താലൂക്ക് കാർഷിക വികസന ബാങ്ക് പ്രസിഡന്റ് എന്നീ സ്ഥാനങ്ങൾ വഹിച്ച ഇ.ജെ ആഗസ്തി കേരള കോൺഗ്രസ് (എം) പാർട്ടിയേയും ചെയർമാൻ ജോസ് കെ മാണിയേയും തള്ളിപ്പറയുന്നത് അദ്ദേഹം പാർട്ടി വിട്ടത് കൊണ്ട് വന്നു ചേർന്ന സ്ഥാന നഷ്ടം മൂലം ഉണ്ടായ നിരാശകൊണ്ടെന്ന്   സണ്ണി തെക്കേടം പറഞ്ഞു ആഗസ്തി സാർ പ്രസിഡണ്ടായും അഡ്മിനിസ്ട്രേറ്റീവ് കമ്മിറ്റി കൺവീനറായും പ്രവർത്തിച്ച സമയത്താണ് അംഗങ്ങൾക്ക് തിരിച്ചറിയൽ കാർഡ് വിതരണം […]

ഇന്ത്യൻ ക്രിക്കറ്റിലെ ഇതിഹാസ താരം കപിൽ ദേവായി രൺവീർ സിങ് വേഷമിടുന്ന “83” യുടെ ടീസർ റിലീസ് ചെയ്തു. ചിത്രത്തിന്‍റെ സംവിധായകന്‍ കബീർ ഖാനാണ് സോഷൃൽ മീഡിയയിലൂടെ ടീസർ പങ്കുവച്ചത്. രൂപം കൊണ്ടും വേഷവിധാനം കൊണ്ടും കപിൽ ദേവായി രൺവീർ എത്തുന്നതിന്‍റെ ചിതങ്ങൾ ഇതിനോടകം സമൂഹ മാധൃമങ്ങളിൽ വൈറലായിരുന്നു. വിവിയൻ റിച്ചാർഡ്‌സിന് മദൻ ലാൽ എറിഞ്ഞ പന്ത് കപിൽ ദേവ് ഇന്തൃൻ ക്രിക്കറ്റ് ആരാധകരെ മുൾമുനയിൽ നിർത്തിച്ച ക്യാച്ചെടുക്കുന്നതാണ് ടീസറിൽ കാണുന്നത്. സാഖിബ് സലീം, ഹാർഡി സന്ധു, […]

അമേരിക്കയിലെ വിസ്‌കോണ്‍സിനില്‍ ക്രിസ്മസ് പരേഡ് കൂട്ടക്കൊലയുടെ ജീവിക്കുന്ന രക്തസാക്ഷിയായി പതിനൊന്നു വയസ്സുകാരി ജെസ്സലിന്‍ ടോറസ്. പരേഡ് നടക്കുന്നതിനിടയിലേക്ക് അക്രമി വാഹനം ഓടിച്ചു കയറ്റുകയായിരുന്നു. നവംബര്‍ 21 ന് നടന്ന അപകടത്തില്‍ പരിക്കേറ്റ ഒമ്പത് കുട്ടികളില്‍ ഒരാളാണ് ജെസ്സലിന്‍ ടോറസ്. അബോധാവസ്ഥയിലുള്ള ജെസ്സലിന്‍ ഇപ്പോള്‍ വെന്റിലേറ്ററിന്റെ സഹായത്തോടെയാണ് ജീവന്‍ പിടിച്ചു നിര്‍ത്തുന്നത്. അമേരിക്കയില്‍ കഴിഞ്ഞ ദിവസം താങ്ക്‌സ്ഗിവിംഗ് ഡേ ആഘോഷിച്ചപ്പോള്‍ ആശുപത്രിക്കിടക്കയില്‍ മകള്‍ക്കരികിലിരുന്ന് ജസ്സലിന്റെ അമ്മ എഴുതിയ കുറിപ്പ് സോഷ്യല്‍മീഡിയയില്‍ കണ്ണീര്‍ പടര്‍ത്തി വൈറലായിരുന്നു. ഒരമ്മയും ഇങ്ങനൊരവസ്ഥയിലൂടെ കടന്നു […]

error: Content is protected !!