കൊടുംക്രൂരത; മധ്യപ്രദേശിൽ പ്രിൻസിപ്പാളിനെ പൂർവ്വ വിദ്യാർത്ഥി പ്രെട്രോളൊഴിച്ച് തീകൊളുത്തി കൊന്നു

മധ്യപ്രദേശ്: പ്രിൻസിപ്പാളിനെ കൊലപ്പെടുത്തി പൂർവ്വ വിദ്യാർത്ഥി. പ്രിൻസിപ്പാളിനോടുള്ള വൈരാഗ്യത്തിൽ കോളേജിലെത്തിയ പൂർവ്വ വിദ്യാർഥി പെട്രോൾ ഒഴിച്ച് പ്രിൻസിപ്പളിനെ തീകൊളുത്തുകയായിരുന്നു.

80 ശതമാനവും പൊള്ളലേറ്റ കോളേജ് പ്രിൻസിപ്പൾ സ്വകാര്യ ആശുപത്രിയിൽ ചികിത്സയിലിരിക്കെയാണ് മരണത്തിന് കീഴടങ്ങി. മധ്യപ്രദേശിലെ ഇൻഡോറിലെ ബി എം ഫാര്‍മസി കോളജ് പ്രിന്‍സിപ്പല്‍ വിമുക്ത ശര്‍മ (54) ആണ് കൊല്ലപ്പെട്ടത്.

മാർക്ക് ഷീറ്റ് നൽകാത്തതിലുള്ള വൈരാഗ്യത്താലാണ് പ്രിൻസിപ്പാളിന്‍റെ കൊലപാതകത്തിന് കാരണമെന്നാണ് പിടിയിലായ പ്രതി അശുതോഷ് ശ്രീവാസ്തവ (24) പൊലീസിനോട് പറഞ്ഞത്.