ദീപാവലി ആഘോഷത്തിനിടെ പടക്കം ശരീരത്തില്‍  തെറിച്ചുവീണ് നാലുവയസുകാരിക്ക് ദാരുണാന്ത്യം

ചെന്നൈ: ദീപാവലി ആഘോഷത്തിനിടെ പടക്കം ശരീരത്തില്‍ തെറിച്ചുവീണ് നാലുവയസുകാരി മരിച്ചു. തമിഴ്നാട്ടിലെ റാണിപേട്ടില്‍ നിമിഷ(4)യാണ് മരിച്ചത്. അപകടത്തില്‍ പെണ്‍കുട്ടിയുടെ നെഞ്ചിലും കൈകളിലും ഗുരുതര പൊള്ളലേറ്റു. കുടുംബത്തിനൊപ്പം ദീപാവലി ആഘോഷിക്കുന്നതിനിടെയായിരുന്നു അപകടം.

പെണ്‍കുട്ടിയുടെ കുടുംബം ദീപാവലി ആഘോഷത്തിനായി റാണിപേട്ടിലെ ജന്മനാട്ടില്‍ എത്തിയതായിരുന്നു. ആഘോഷത്തിനിടെ  അബദ്ധത്തില്‍ കുട്ടിയുടെ ദേഹത്തേക്ക് പടക്കം വീഴുകയും പൊട്ടുകയുമായിരുന്നു. ഉടന്‍ തന്നെ ആശുപത്രിയിലെത്തിച്ചെങ്കിലും  രക്ഷിക്കാനായില്ല. സംഭവത്തില്‍ പോലീസ് കേസ് എടുത്ത് അന്വേഷണം ആരംഭിച്ചു.