‘വോൾവെറിൻ’ താരം ഹ്യൂ ജാക്ക്മാനും ഡെബോറ ലീയും വിവാഹമോചിതനായി

‘വോൾവെറിൻ’ താരം ഹ്യൂ ജാക്ക്മാനും ഡെബോറ ലീയും വിവാഹമോചിതനായി. നീണ്ട 27 വർഷത്തെ ദാമ്പത്യ ജീവിതമാണ് ഇരുവരും പരസ്പര സമ്മതത്തോടെ അവസാനിപ്പിക്കുന്നത്. സംയുക്ത പ്രസ്താവനയിലൂടെയാണ് ഇക്കാര്യം അറിയിച്ചത്.മൂന്ന് പതിറ്റാണ്ടോളം നീണ്ടുനിന്ന യാത്ര ഇവിടെ വച്ച് മാറുകയാണെന്ന് ഇരുവരും പ്രസ്താവനയിൽ പറയുന്നു. വ്യക്തിപരമായ വളർച്ച പിന്തുടരാനാണ് വേർപിരിയാൻ തീരുമാനിച്ചതെന്നും ഇരുവരും ചേർന്നിറക്കിയ പ്രസ്താവനയിൽ പറഞ്ഞു. കുടുംബത്തിനായിരുന്നു എപ്പോഴും പ്രാധാന്യം നൽകിയിരുന്നത്. ഇനിയങ്ങോട്ടും അങ്ങനെതന്നെയായിരിക്കുമെന്നും ഇവർ പറഞ്ഞു.

എക്സ്മെന്‍ സിനിമകളിൽ വോൾവെറിൻ എന്ന കഥാപാത്രത്തിലൂടെ ലോക പ്രശസ്തനായ താരമാണ് ഹ്യൂ ജാക്ക്മാൻ. 2022ൽ റിലീസ് ചെയ്ത ദ് സൺ എന്ന സിനിമയാണ് അവസാന റിലീസ്. ഡെഡ്പൂൾ 3യാണ് ജാക്ക്മാന്റെ പുതിയ റിലീസ്.