ഉത്തരാഖണ്ഡിൽ നിർമ്മാണത്തിലിരിക്കുന്ന തുരങ്കം തകർന്നുണ്ടായ അപകടം; രക്ഷാ പ്രവർത്തനം തുടരുന്നു

ഡെറാഡൂൺ: ഉത്തരാഖണ്ഡിലെ തുരങ്കത്തിൽ കുടുങ്ങിയവരെ പുറത്ത് എത്തിക്കാനായുള്ള ശ്രമം 24 മണിക്കൂർ പിന്നിട്ടു. രക്ഷാപ്രവർത്തനം തുടരുന്നു. 40 ലേറെ തൊഴിലാളികൾ കുടുങ്ങിയതായാണ് നി​ഗമനം. 200 മീറ്ററോളം വരുന്ന സ്ലാബ് മാറ്റി കുടുങ്ങി കിടക്കുന്നവർക്കെടുത്തെത്താനാണ് ശ്രമം നടക്കുന്നത്. ഓക്സിജൻ ലഭ്യമാക്കാൻ താത്കാലിക സംവിധാനം ഏർപ്പെടുത്തിയിട്ടുണ്ട്. ഇന്നലെ പുലർച്ചെ നാലുമണിയ്ക്കായിരുന്നു നിർമ്മാണത്തിനിടെ തുരങ്കം തകർന്നുവീണ് അപകടമുണ്ടായത്.