/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/kFXWVe7x280I1NMjzTv7.webp)
ഡല്‍ഹി: തമിഴ്നാട്ടിലും മറ്റ് നാല് ദക്ഷിണേന്ത്യന്‍ സംസ്ഥാനങ്ങളിലും നവംബര്‍ 18 വരെ മഴയ്ക്ക് സാധ്യതയുണ്ടെന്ന് ഇന്ത്യന്‍ കാലാവസ്ഥാ വകുപ്പ് അറിയിച്ചു. നവംബര്‍ 12 നും 18 നും ഇടയില്‍ തമിഴ്നാട്ടില്‍ നേരിയതോ മിതമായതോ ആയ മഴപെയ്യുമെന്നാണ് പ്രവചനം. കൂടാതെ, നവംബര്‍ 14, 15 തീയതികളില്‍ ഇടിമിന്നലോടു കൂടിയ ശക്തമായ കാറ്റിനും സാധ്യതയുണ്ട്.
കേരളം, തീരദേശ ആന്ധ്രാപ്രദേശ്, മാഹി, പുതുച്ചേരി, ദക്ഷിണ കര്‍ണാടക തുടങ്ങിയവയാണ് മഴയ്ക്ക് സാധ്യതയുള്ള മറ്റ് ദക്ഷിണേന്ത്യന്‍ സംസ്ഥാനങ്ങള്‍.
ബംഗാള്‍ ഉള്‍ക്കടലില്‍ നിന്നുള്ള കിഴക്കന്‍/വടക്കുകിഴക്കന്‍ കാറ്റിന്റെ ഫലമായി ദക്ഷിണേന്ത്യയിലെ ദക്ഷിണ ഉപദ്വീപിന് മുകളിലാണ് മഴയുടെ പ്രവര്‍ത്തനമെന്ന് കാലാവസ്ഥാ വകുപ്പ് പുറത്തുവിട്ട ബുള്ളറ്റിനില്‍ പറയുന്നു. ദക്ഷിണ പെനിന്‍സുലയില്‍ അടുത്ത രണ്ട് ദിവസത്തിനുള്ളില്‍ മഴ കുറയുമെന്നും അതിനുശേഷം വീണ്ടും ആരംഭിക്കുമെന്നും വകുപ്പ് മുന്നറിയിപ്പില്‍ വ്യക്തമാക്കുന്നു.
നവംബര്‍ ഒന്‍പതിന് നേരത്തെ നീലഗിരി ജില്ലയിലെ കോത്തഗിരി-മേട്ടുപ്പാളയം റോഡില്‍ മണ്ണിടിഞ്ഞു. ഗതാഗതം തടസ്സപ്പെടുകയും വാഹനങ്ങള്‍ മറ്റൊരു വഴിയിലേക്ക് തിരിച്ചുവിടുകയും ചെയ്തിരുന്നു. കനത്ത മഴയെത്തുടര്‍ന്ന് ഈ ആഴ്ച ആദ്യം നീലഗിരി മൗണ്ടന്‍ റെയില്‍വേ സെക്ഷനിലെ രണ്ട് ട്രെയിനുകള്‍ റദ്ദാക്കി.